Wikipedia:共識

維基百科嘅政策
文章嘅標準
中立嘅觀點
有根有據
非原創研究
唔啱維基百科嘅嘢
講在生嘅人
同維基友合作
假定善意
文明嘅編輯方式
共識
唔好人身攻擊
處理拗撬
    
Walnut.png一句講嗮: 共識,係維基百科編者作出決議嘅基本模式。

共識係維基百科編者作出決議嘅第一途徑。為實現呢個目的,「共識」嘅定義並唔單一,但共識總係趨向於為中立性同埋可供查證性嘅實現同確保,提供最好方法。共識通常會喺編者嘅編輯過程中自然達成:任何人都可以開或擴充一頁,而嗰頁嘅所有讀者都可以選擇去修改或者唔郁佢。以下係編者無法通過編輯形成共識嗰時,喺相關討論頁上謀求共識嘅過程。

乜嘢係共識

共識應該考慮到所有正當合理嘅意見。所有編者都應該作出善意努力,以形成符合維基百科原則嘅共識。

共識唔強求一致同意。理想情況下,共識唔會存在任何反對意見;但假如實現唔到呢點,共識應採納多數人意見,並對重要少數嘅意見作出適當妥協。重大修改更應獲得絕大多數人同意。

過程

想知多啲:Wikipedia:編輯守則 同埋 Wikipedia:放膽
當一位編者編輯過之後,其他編者有三種選擇:接受佢、修改佢或者反轉佢。如有必要,呢啲選擇都有得傾。

喺維基百科,共識係種典型但往往含蓄無形嘅過程。所有冇異議或冇俾人反轉回退嘅編輯,都可以假定係具備共識。假如其他編者後來修改咗舊嘅版本,而新版本亦冇被質疑,就可以認定新共識已經形成。噉樣落去,呢部百科全書將逐步增長並隨時間而逐步改善,唔使任何特別力量幫手。即使出現爭議,解決方法往往好簡單:通過修改內容嘅措辭以趨於中立,或併入其他編者嘅意見以達成共識。喺編輯摘要進行清晰嘅溝通,有助簡化呢個過程。

反轉你唔同意嘅編輯嗰時,唔好淨係標註「無共識」,而應該表明你點解反對。噉可以提高所有意見嘅透明度,並為往後續編輯點確立共識點明方向。

一有較為嚴重嘅編輯爭議,形成共識嘅過程會變得更加明顯。編者應該喺討論頁發起一段討論,通過討論來解決編輯紛爭。共識討論有一個特殊形式:編者會嘗試通過基於方針、來源同埋常識的嘅理由說服人。共識討論嘅目標,係形成對一頁內容嘅一致意見;佢或者唔係個個都滿意,但所有涉事編者都視之為對嗰個主題嘅合理解釋。要記住,共識喺維基百科係持續不斷嘅過程;一頁會逐步改善,先接受唔係咁完美嘅妥協,會比起用編輯戰去直接實現某個「完美」版本好得多。一般嚟說,編者爭持不下所影響嘅文章,質量往往都唔及目光長遠編者所編輯嘅文。

有啲文需要經過廣泛嘅編輯同討論來趨於中立並產生可讀嘅內容。同樣,另一啲文亦會被周期性噉質疑同埋/或修改。呢個係共識作為持續不斷過程嘅功能之一。發起一項議題之前,編者應該去文章嘅討論頁,睇下過往嘅討論:老調重彈,迫所有人去討論舊議題係冇意思。

當編者喺形成共識嘅過程中遇到特殊困難,有好多方法可以促進共識嘅確立( 第三方意見、 提出討論、調解聯盟嘅非正式調解等)、要求管理人員協助、以至於動用權力結束爭議(例如 正式調解同埋 仲裁,但有關機制重有待討論)。謹記,管理員應該主要考慮方針並針對編者嘅行為,而唔應該武斷決定內容議題。管理員可以因為編者干擾共識過程嘅行為(例如編輯戰襪公仔文明)去封鎖佢,亦可以根據方針決定批唔批某個編輯,但一般唔應該超出呢啲動作範圍之外。

共識嘅級別

政策捷徑:
WP:CONLIMITED
WP:LOCALCONSENSUS

部分編者喺特定地方同時間所達成嘅共識,唔可以凌駕更廣泛嘅社群共識。例如,維基專題嘅參與者唔可以擅自決定某啲通用嘅政策同指引唔適用於嗰個專題嘅文,除非能夠說服更廣泛嘅社群去同意佢哋嘅見解。

政策同指引反映既定共識,應該保持佢嘅穩定性同持續性。因此,喺方針嘅修改上,維基百科要求比其他頁更高嘅參與度同埋共識。重大修改應該首先喺城市論壇同埋討論頁提出,並提供足夠長嘅時間以確保議題能夠喺實施前充分討論。小修改可以直接編輯,但亦應該經過嚴格仔細嘅檢查。喺修改方針時,緩慢而保守,積極謀求他人睇法同埋同意嘅編輯,更容易俾社群所接受。

共識可以改

政策捷徑:
WP:CCC
WP:TALKEDABOUTIT
想知多啲:Wikipedia:共識可以改

共識係可以改嘅,過去嘅共識可以被挑戰,亦唔係一定要遵守。再者,對共識嘅修訂通常都係合理嘅。因此,「根據共識」同埋「違反共識」並唔係接受或拒絕提議同埋行動嘅有效理由。即管過去嘅「廣泛討論」能夠引導編者去了解過去嘅共識,但編者仍然要重新審查每個提案嘅價值,進而重新確定共識係唔係改咗。

維基百科會保持佢嘅靈活性:因為新人往往會帶來全新觀點;維基百科嘅成長亦會帶來新嘅需求;當新事物出現時,啲人嘅睇法亦會隨時間改變;我哋可以揾到更好嘅方式去完成某項工作。

一個代表小組可以代表整個社群作出決定。更多嘅情況下,啲人會喺事後嘅某個時刻,將共識嘅改變寫入現有規程。但喺所有嘅呢啲情況下,冇乜嘢係可以一世都唔變。世界會改變,維基百科都係一樣。喺未來作出進一步改變係合理嘅,就算係好多年冇變嘅,都一樣會有呢個需求。

例外

政策捷徑:
WP:CONEXCEPT

有啲例外情況會凌駕對一頁嘅共識。

  • 嚟自維基媒體基金會理事會開發員嘅公告,特別係著作權、法律問題或伺務器負載等方面公告。呢啲公告具備方針地位。
  • 基金會行動唔喺粵文維基百科方針嘅管轄範圍內。
  • 一啲行為,例如鏟除 侵犯版權以及明顯違反 生人傳記嘅內容,通常唔需要討論或共識,因為呢啲內容帶有會實際危害到維基百科嘅風險。
  • 仲裁委員會嘅決議可以引入流程來產生具有臨時約束性嘅共識。例如喺英文維基百科愛爾蘭文章嘅命名爭議上。
Other Languages
azərbaycanca: Vikipediya:Konsensus
interlingua: Wikipedia:Consenso
Bahasa Indonesia: Wikipedia:Konsensus
srpskohrvatski / српскохрватски: Wikipedia:Konsenzus
Simple English: Wikipedia:Consensus
slovenščina: Wikipedija:Soglasje
татарча/tatarça: Википедия:Консенсус
oʻzbekcha/ўзбекча: Vikipediya:Konsensus