龍門線技術

龍門線技術係由7個角度嘅高速攝影機嚟影嗮係邊個位入嘅波

龍門線技術lung4 mun4 sin3 gei6 seot6英文Goal-line technology)係一項近排先發展嘅輔助足球運動技術,佢可以通過判斷個波係咪過嗮龍門線。而呢項技術嘅好處係可以話個波係咪入咗。雖然話國際足協唔想加呢項技術入嚟,凈係靠球證大嗮,但係喺2012年7月5號,FIFA全票通過咗,喺正式嘅比賽裏面用呢項技術。[1]而呢項技術最先喺2013年世界冠軍球會盃裏面用咗。[2]

由來

Adidas公司出嘅團隊之星二代足球,就係包埋植入芯片同部分通過咗嘅龍門線技術。

龍門線技術嘅討論最先係出現喺2004—2005賽季嘅英超,2005年1月4號嘅熱刺曼聯隊嘅比賽裏面。喺嗰場比賽打嗮之後,由於球證同邊裁都冇睇到個波係咪入咗,搞到熱刺隊喺比賽最尾一分鐘入嘅波食咗炸糊。[3]就係噉,呢單嘢搞到FIFA開始喺Adidas嘅門線系統嚟搞測試。就係喺個波裏面整嚿晶片響度,如估個波過嗮波網區嘅感應器,噉晶片就可以向球證發啲料過去。[4]不過FIFA主席白禮達就話:「我哋喺秘魯嘅世青盃裏面搞過好多嘅測試,效果唔係幾好,所以我哋重喺2007年嘅青少年比賽裏面搞測試」。[4]2008年,白禮達就唔畀呢項技術入嚟,重話龍門線技術係有95%嘅準確率。[4]2010年3月,國際足協理事會搞咗個投票,結果以6票讚成,2票反對嘅結果,話以後都唔要呢項技術,而兩張反對票都係由蘇格蘭同英格蘭足協話嘅。而參加過歐霸盃嘅48位隊長投票話,90%嘅人都係話要搞呢項技術入嚟。[5] 由於2010年FIFA世界盃出咗幾單判錯咗嘅嘢[6],結果FIFA宣佈要重新開始討論,話係咪用龍門線技術[7]。到咗2012年7月5號,FIFA就話龍門線技術通過咗[1]

提出決議方

由於每年嘅足球比賽規定都有變化,所以喺國際足協理事會就批准咗龍門線技術。有6票就話要改下個足球規則,而國際足協就維持咗呢4個足球地區所投嘅決議票重通過埋,而呢4票分別喺英格蘭、蘇格蘭、威爾士同北愛爾蘭足球協會丼俾國際足協嘅。

介紹

喺2011年7月,國際足協批准咗10次龍門線技術嘅測試,話呢個系統係球證喺1秒之內收到個波發出嚟嘅信號,嚟畀球證決定係點(個波係入定唔入)。而爾個信號係要通過傳啲視頻同節奏信號嚟接收[8]。爾項技術係由瑞士聯邦科學技術研究院英文Swiss Federal Laboratories for Materials Science and Technology喺2011年9月到12月生產出嚟嘅[9]

Cairos GLT系統

Cairos GLT系統嘅效果圖

呢個系統係由ADIDAS同Cairos Technologies AG一齊開發。佢係裝喺禁區下面同龍門線後面,係由細嘅纜線整成。而電纜裏面嘅電流會出啲磁場出嚟,如估成個波入嗮龍門嘅區域度,個磁場就喺個波度發啲信號去到感應器,個波嘅感應器收到磁場水之後,就傳出去到成個球場嘅接收器度,而接收器收到水之後就轉發畀中樞電腦嗰邊,話而家個波喺邊度。而電腦重會根據資料嚟計,個波係咪過嗮成條龍門線,如估喺計分嗰陣,電腦重會發啲信號畀戴咗特殊手錶嘅球證度。不過話呢項技術會唔會拖嗮成場比賽嘅進度,Cairos就話:「爾尐動作雖然話睇落去好複雜噉,但可以喺幾微秒嘅時間入面就知發生咗啲咩事。」之前由Cairos開發嘅唔知咩系統(好似都幾耐下)曾經喺2005年嘅世少盃度做過白鼠仔,不過佢發現咗唔單止唔夠快,重更加唔準添[10]

雷達定位系統

雷達定位系統係由哈利巴里斯同埋達夫巴登呢兩個人喺佢哋鍾意嘅保頓足球會因為誤判搞到降班而諗出嚟整嘅。雖然話之前呢項技術係冇應承到,但係喺2010年世界盃德國對英格蘭嗰場波入面,由於林柏特有一球好明顯入晒都話唔算數,所以國際足協開始重新考慮返龍門線技術,而呢項技術係將啲高速攝影機起喺龍門柱同門楣度,用每秒2000幀嘅速率嚟記低個視頻證據畀球證度。而呢項技術起碼可以喺5秒鐘之內解決啲波場裏面出現嘅入波拗數(究竟個波係入定唔入?),有咗視頻證據之後,簡直都出唔到貓。而呢項系統俾人話價錢好抵,因為買嘅攝影機唔使喺球場度挖個窿丼佢入去就得[11][12]

入波參攷技術

內文: 入波參攷技術

入波參攷技術嘅特征係用咗喺個波度裝個電極嚟發射尐低頻率嘅磁場出去。喺場地或龍門線嘅後面係用咗嵌入式嘅線圈嚟做邊種形式嘅拍攝,嚟決定係咪入咗波。[13]喺入波之後出嘅低磁場去到入波參攷技術度,而技術就整咗啲同光幕一樣嘅廣播出去。如估個波係過咗條龍門柱兩邊之間嘅白線,磁場會睇到係咪入咗波,而呢個解咗密嘅入波信號就會即刻發到球證嘅手錶度。[14]如估個波真係過嗮成條龍門線,個球證嘅手錶度會寫住「GOAL」(啫係「入波」噉解)嘅字樣。雖然話個過程比較複雜下,但係成個過程唔使1秒鐘就搞掂嗮。[14]

鷹眼系統

內文: 鷹眼系統

鷹眼系統係由馬羅研究公司(Roke Manor Research Limited)嘅工程師嚟負責開發,已經喺板球網球士碌架嘅比賽入面用咗。呢個系統係用咗三角原理,喺唔同嘅場地區度整尐高速嘅攝影機,嚟畀尐視覺圖同時間料。而呢個系統就要喺成個球場度整,價錢起碼要£250,000咁貴(因為要一次過買7台攝影機咁多)。[15]不過呢個系統俾人彈過,話會拖慢個比賽進度,而且喺統計學入面出咗好大嘅誤差。[16]羅渣費達拿同拉斐拿度都彈過爾個系統,話喺網球比賽入面唔夠準[17][18],雖然話費達拿係咪支持過呢個系統喺足球比賽裏面用[19]。不過發明呢個系統嘅人——保羅軒芝斯就話喇:「如估個波冚唪唥嘅位都擋冚嗮,噉呢個系統就乜都唔掂喇,為咗要求超準,至少要睇到25%嘅波。」[15]

出咗嘅技術問題

File:2014 FIFA WORLD CUP - France vs Houduras (GOAL IN).jpg
2014年FIFA世界盃,法國同洪都拉斯打嘅比賽,洪都拉斯隊守門員撈返個波出嚟嗰陣已經過嗮界。

係咪全自動?

龍門線技術係可以自動噉睇到個波喺邊個位過咗條龍門線,但最尾嘅判決唔係系統大嗮。而同呢啲技術有關嘅大多數系統(例如巴西世界盃入面用緊嘅系統)就係將啲分析數據發到球證隻錶度,球證按返系統數據去判出最尾結果,之後由工作人員仔話呢個波係咪入咗。

用之前有冇CHECK過下?

呢隻系統入去足球比賽之前係有經過嚴格嘅測試,凈係CHECK過話合格重批准可以用得嘅系統,而且凈係畀認證過話合格嘅安裝人員先至可以裝得,因為呢啲系統係要通過最後嘅安裝測試,因為佢關係到唔同地區嘅球場設計、濕度、照明同體育場嘅其它因素。喺系統裝完之後,重有獨立專門機構嚟搞測試,每次開波之前,足球官員都會過嚟CHECK下。所以話想出貓都出唔到。

點解呢項技術喺2014年FIFA世界盃嘅法國同洪都拉斯打嘅比賽入面,搞咗單拗數出嚟?

內文: 2014年FIFA世界盃

喺2014年FIFA世界盃嘅法國同洪都拉斯打嘅比賽入面,到咗比賽第48分鐘,法國隊嘅卡巴耶畀出嚟嘅右路超準傳波,賓施馬喺禁區度射波,結果個波就掂到個楣落咗嚟,雖然話個波冇入到,但喺個波彈到洪都拉斯守門員嗰陣唔小心掂到個波就入咗界內,再將個波整返出嚟。但巴西籍球證話個波過嗮界,已經入咗波。

鬧聲

即使係彈龍門線技術嘅人堅持噉批評,雖然話龍門線技術可以好明顯噉減少球證喺比賽搞出嘅判定出錯行為,但係重有好多人鬧佢。其中有好多鬧聲都係出喺國際足協嗰邊,其中包括咗白禮達。除咗彈有關龍門線技術啲嘢之外,重話呢項技術會將成場比賽都搞臭嗮,因為減少咗人為因素嘅出錯影響,所以又搞咗拗數出嚟[20]。白禮達話:「雖然話其他體育裏面,會根據新出嘅科技而改嗮規則,但我哋唔會噉做,係唔想變嗮成個足球圈嘅流行地位。」[21]白禮達重話如估搞埋鷹眼系統入嚟嘅話,重會搞到球員同教練唔停噉要求重播錄像嚟搞到成個足球比賽亂嗮坑。如估整個ADIDAS嘅系統入嚟嘅,重加咗呢間運動公司對成個足球行業嘅壟斷[22]

其他鬧聲都係話如估喺邊項足球比賽裏面用呢項技術嘅話,要使好多錢㗎,更加唔使問啲細嘅或冇乜錢嘅足協喇。FIFA官員重話,佢哋重係鍾意多啲球證嘅執法質量,而唔係靠嗮啲科技[23]。而撐龍門線技術嘅人就用咗好多出錯嘅龍門線判決,就決定咗比賽嘅結果範例嚟話返佢哋轉頭,重話喺最初FIFA搞咗個實驗之後,話呢項技術已經好咗好多。佢哋重話應該要優先考慮呢項技術對球證嘅幫手,而唔係睇佢係咪搞亂嗮成個足球嘅規則(因為唔係冚唪唥嘅足協都玩呢個嘅)[24]

將來嘅發展

雖然話FIFA一直都唔畀龍門線技術入嚟,而且白禮達重好硬頸噉話:「我一日做緊會長,一日都唔會畀龍門線技術入嚟球場度。」點知主席嘅態度就調轉嗮。喺2011年,佢接受CNN嘅採訪就講咗:「我嘅立場就係如估龍門線技術有用嘅話,我哋就會用佢。如估呢項技術可以做得到快而準且操作唔係咁複雜嘅話,我諗我哋會有好大嘅機會讚佢。」

雖然話之前歐足聯主席帕天尼都係一直唔畀龍門線技術入嚟,因為佢擔心,費事話出咩「越位技術」噉嘅嘢,但係白禮達勸咗佢咪住先。如估龍門線技術真係掂嘅話,管理層都話應承嘅,唔理我哋係咪保守派都話OK喇,但而家佢哋講嘅凈係龍門線技術。就係噉,好多撐龍門線技術嘅人睇到佢喺球場度出嚟喇。

睇埋

連出去

參攷

  1. 1.0 1.1 "足球运动走进门线技术时代". 网易. 
  2. FIFA正式宣布:鹰眼应用于巴西世界杯 網易 喺2013-02-20搵到
  3. "BBC SPORT | Football | Premiership | Manchester United 0-0 Tottenham". BBC News. 2005-01-04. 喺2010-06-28搵到. 
  4. 4.0 4.1 4.2 "Goal-Line Technology: Crossing Too Many Lines For FIFA?". GeekWeek. 喺2010-06-28搵到. 
  5. "Football players push FIFA for goalline technology". CNN.com. 2010-03-05. 喺2010-06-28搵到. 
  6. 2010年世界盃16強,德國同英格蘭打嘅比賽,個波過嗮成條界都話冇入到;重有阿根廷對墨西哥嘅比賽,咁明顯嘅越位都話冇事。重有好多……
  7. "FIFA President Apologizes for Refereeing Errors". NY Times. 29 June 2010. 喺29 June 2010搵到. 
  8. "Fifa to run tests on nine goal-line technology systems this autumn". The Guardian. London. 21 July 2011. 
  9. Conway, Richard (15 April 2012). "Goal-line technology edges closer". BBC Sport. 喺3 March 2012搵到. 
  10. "adidas and Cairos test new Goal Line Technology". Articlealley.com. 2007-12-13. 喺2010-06-28搵到. 
  11. "About Goalminder - Goal Line Technology - Visually Informed". 喺13 March 2012搵到. .
  12. "Goalminder aims to end goal-line errors". menmedia.co.uk. 11 October 2011. 喺13 March 2012搵到. 
  13. Premier League - Controversy as Chelsea beat Spurs YAHOO! Sports (EUROSPORT Channel) 喺2011年4月30號搵到
  14. 14.0 14.1 "GoalRef Goal-Line Technology Advances to Final". Fraunhofer. 喺2012-12-12搵到. 
  15. 15.0 15.1 "Hawk-Eye set to extend its influence to contested goals". The Sunday Times. 2007-08-17. 喺2010-06-29搵到. 
  16. "Why FIFA Refuses to Sanction Goal-Line Technology". Fast Company. 28 June 2010. 喺29 June 2010搵到. 
  17. "Federer: Hawk-Eye must be scrapped| Sport". This is London. 喺2010-06-28搵到.  line feed character in |accessdate= at position 6 (詳情); 檢查日期值喺: |access-date= (詳情)
  18. "Nadal slams Hawkeye after losing to Youzhny". Rediff.com. 2004-12-31. 喺2010-06-28搵到. 
  19. ""Soccer needs technology, tennis does not: Federer"". Reuters.com. 2010-06-28. 喺2010-06-29搵到. 
  20. Kelso, Paul. "England v Germany: Frank Lampard's 'goal' reignites goal-line technology debate". Telegraph. 喺2010-06-28搵到. 
  21. CBC Sports (2008-03-08). "FIFA halts instant replay experiment". Cbc.ca. 喺2010-06-28搵到. 
  22. 引入鹰眼?先干掉布拉特再说
  23. "England v Germany: Fifa want 'better refereeing' not goal-line technology". Telegraph. 喺2010-06-28搵到. 
  24. "FIFA President Apologizes for Refereeing Errors". NY Times. 29 June 2010. 喺29 June 2010搵到. 
Other Languages