Chhiú-chí Ông

Chhiú-chí Ông (Eng-gí: The Lord of the Rings; ì-sù: "chhiú-chí ê chú-lâng"; Hôa-gí: 魔戒 Mô·-kài, 指环王) sī J. R. R. Tolkien chhòng-chok ê hoàn-sióng tōa-hô-siáu-soat, tī 1954/55 nî pun 3 pún chhut-pán. "Chhiú-chí Ông" chí tiàm-tī Mordor ê mô·-ông, hō-chò Sauron. Sauron chò 1-kha Chhiú-chí ū khòng-chè kî-thaⁿ 19-kha chhiú-chí ê hoat-tō·. Kò·-sū biô-siá chú-kak Frodo hoan-soaⁿ-kòe-niá ūi beh kā Chhiú-chí thàu-té húi-bia̍t.

Tolkien lī-iōng siá-chok ê kòe-têng hoat-hui i ê hèng-chhù, pau-koah le̍k-sú gí-giân-ha̍k, chong-kàu (te̍k-pia̍t sī Lô-má Thian-chú-kàu), sian-lí-kó·, Norse kap Celt bîn-cho̍k ê sîn-oē, téng-téng. I hoàn-sióng--chhut-lâi ê sè-kài put-chí-á ho̍k-cha̍p, phong-phài. I ūi chit-ê Middle-earth chhòng-chok kui-thò ê pōe-kéng chu-liāu, pau-koah tio̍h kò·-sū kha-siàu ê chó·-phó·, kúi-ā-chióng gí-giân, bûn-jī, tē-tô·, le̍k-sú. Chiah-ê chu-liāu pō·-hūn tī Chhiú-chí Ông ê hù-lio̍k ū-tè-chhōe. Le̍k-sú ê pō·-hūn pian ji̍p-khì lēng-gōa 1 tōa pún chheh, hō·-chò The Silmarillion (1977).

Chêng-kah-taⁿ Chhiú-chí Ông lóng-chóng bat hō· lâng kái chò 3-chhut tiān-iáⁿ. Siāng sin, siāng ū iá-sim ê pán-pún sī Peter Jackson ê 3-pō·-khek (2001–2003).

Other Languages
Alemannisch: Der Herr der Ringe
العربية: سيد الخواتم
беларуская: Уладар Пярсцёнкаў
беларуская (тарашкевіца)‎: Уладар Пярсьцёнкаў
čeština: Pán prstenů
客家語/Hak-kâ-ngî: Mô-kài
עברית: שר הטבעות
Bahasa Indonesia: The Lord of the Rings
日本語: 指輪物語
한국어: 반지의 제왕
Ripoarisch: Dr Herr dr Ringe
Кыргызча: Теңир шакеги
Lëtzebuergesch: The Lord of the Rings
Lingua Franca Nova: La Senior de la Anelos
lietuvių: Žiedų valdovas
Bahasa Melayu: The Lord of the Rings
norsk nynorsk: Ringdrotten
Runa Simi: Siwikunap Apun
srpskohrvatski / српскохрватски: The Lord of the Rings
Simple English: The Lord of the Rings
slovenščina: Gospodar prstanov
Kiswahili: Bwana wa Mapete
українська: Володар перснів
吴语: 指环王
中文: 魔戒
粵語: 魔戒