თუკიდიდე

თუკიდიდე

თუკიდიდე (დ. დოხლ. ჯვ. წ. 465/460/455 ― ღ. 400/395) ― ბერძენი (ათენარი) ისტორიკოსი, წჷმორჩქინელი დო ღმალიერი ფანიაშ სქუა. "ისტორიაშ მუმაშ" - ჰეროდოტეშ უკულაში ალმახანე. სოფისტეფიშ მორწაფე დო მათხოზინე.

თუკიდიდე დიდო აფასენდჷ თი ბორჯიშ ათენიშ პოლიტიკური დო კულტურული რინაშ ოდუდეს გემარენჯ პერიკლეს. ლჷმენდჷ პელოპონესიშ ლჷმას (ჯვ. წ. 431-404). სტრატეგოსი რდჷ დო ათენარეფიშ ნიშუობას დუდენდჷ თრაკიაშ ოძგალეშ თხილუაბორჯის. დომარცხაფაშ უკული (სპარტალეფქ ხეშა ქეშეჸოთეს ამფიპოლისი) ჯვ. წ. 424, ათენარეფქ თინა ოდაბადეშე გეგშარაჸეს 20 წანათ. ექსორიას რინაშ ბორჯის თუკიდიდე მუში ბაბათის - თრაკიას ქჷმეუდირთჷ აკნარსხიშ - "ისტორიაშ" ჭარუას. აკნარსხი აკმოდირთუ 8 წინგიშე დო ეჯღუნებუ პელოპონესიშ ლჷმეფიშ იატორიას. მაართა წინგი, თ. გ. "არქეოლოგია", მუჭოთ მიშაულარი ნორთინ, შინანც საბერძნეთიშ ისტორიას უჯვეშაში ბორჯიშე პელოპონესიშ ლჷმაშახ. თხობელუა მითმეჭყორდუ ლჷმაშ დოჭყაფაშე მა-20 წანაშ (ჯვ. წ. 411) ამბეფით; რჩქჷ, ავტორს ღურაქ ქჷმაჭიშუ დო აკნარსხიქ უგუთებუთ ქჷდასქიდჷ (გაგინძორჷ ქსენოფონტიქ).

თუკიდიდე იკოროცხუ ისტორიაშ კრიტიკაშ დოგურაფაშ დო გოაზჷრებაშ (ვარა მენცარული ისტორიაშ) ნერჩმადვალუთ. წოხოლენ ისტორიკოსეფშე (ლოგოგრაფოსეფი, ჰეროდოტე) გინორთათ, თინა ოისტორიე აკნარსხიშ ღანკო კოროცხჷნც "ჰამას ოკითხე" დო "ჰამას ორჩქილე" ამბეფიშ თხობელუას ვარინ, "სითახმუეშ გორუას". ირი ფაქტიშ დადგინალო კრიტიკულო გურაფულენც ოსქვებურ ისტორიულ მოღეს ("წყუს").

თუკიდიდექ მაართაქ მეუდირთჷ ლჷმაშ ბაძაძეფიშ დო სამანჯელიშ გორუას. მაართა ისტორიკოს-რაციონალისტიე, ნამუქჷთ ივარუ ისტორიაშ ჸოფირებეფც (ორთაშ ჸოფირებეფსჷთ) ღორონთიშ კათინიშ "ფაქტი" (მორო ღორონც ვევარანდჷ). თუკიდიდექ მაართაქ კჷლაგორჷ ისტორიულ, პოლიტიკურ ჸოფირებეფიშ ეკონომიური დო სოციალური ოსხირეფი. თინა დორხველი აკნარსხიშ შანულობას დუდო აფასენდჷ დო თის "ირიათონობაშ მუნაპალეფჷთ" მირჩქინანდჷ. პოლიტიკური ოწანაფეთ თუკიდიდე დემოკრატიაშ დო ოლიგარქიაშ "აკოკათინ-მეწყორუაშ" პოზიციას გერდჷ.

  • ლიტერატურა

ლიტერატურა

  • სანიკიძე ლ., ქსე, ტ. 5, ხს. 8, ქთ., 1980
Other Languages
Afrikaans: Thukydides
Alemannisch: Thukydides
አማርኛ: ቶኪዳይደስ
aragonés: Tucidides
العربية: ثوسيديديس
asturianu: Tucídides
azərbaycanca: Fukidid
беларуская: Фукідыд
български: Тукидид
brezhoneg: Thoukydides
català: Tucídides
کوردی: توسیدید
čeština: Thúkydidés
Cymraeg: Thucydides
dansk: Thukydid
Deutsch: Thukydides
Zazaki: Tukidid
Ελληνικά: Θουκυδίδης
English: Thucydides
Esperanto: Tucidido
español: Tucídides
eesti: Thukydides
euskara: Tuzidides
فارسی: توسیدید
suomi: Thukydides
français: Thucydide
Gaeilge: Thucydides
galego: Tucídides
עברית: תוקידידס
hrvatski: Tukidid
հայերեն: Թուկիդիդես
interlingua: Thucydides
Bahasa Indonesia: Thukidides
íslenska: Þúkýdídes
italiano: Tucidide
Patois: Tuusididiiz
ქართული: თუკიდიდე
қазақша: Фукидид
한국어: 투키디데스
Latina: Thucydides
Lëtzebuergesch: Thukydides (Historiker)
Lingua Franca Nova: Tucidide
lietuvių: Tukididas
latviešu: Tukidīds
Malagasy: Thucydides
македонски: Тукидид
Mirandés: Tucídides
norsk nynorsk: Thukydides
norsk: Thukydid
occitan: Tucidides
polski: Tukidydes
Piemontèis: Tucìdide
português: Tucídides
română: Tucidide
русский: Фукидид
sicilianu: Tucìdidi
Scots: Thucydides
srpskohrvatski / српскохрватски: Tukidid
Simple English: Thucydides
slovenčina: Thoukydides
slovenščina: Tukidid
shqip: Thukididi
српски / srpski: Тукидид
svenska: Thukydides
Tagalog: Thoukydidis
Türkçe: Thukididis
українська: Фукідід
oʻzbekcha/ўзбекча: Fukidid
Tiếng Việt: Thucydides
Winaray: Thucydides
Yorùbá: Thucydides
中文: 修昔底德