江户幕府

江戶幕府建立者:德川家康

江户幕府((日文:江戸幕府/えどばくふ)也叫作 德川幕府,是 日本历史浪第三个,也是挨末一个 幕府政权。因为创立人 德川家康个大本营搭将军个居所立在 江户城(乃朝 东京市),所以叫做迭个名称。迭个幕府个统治辰光,从1603年德川家康获得 日本天皇授予个 征夷大将军开始,一直持续到1868年末代将军 德川庆喜立在 京都市 二条城个 大政奉还。

  • 等级

等级

江户幕府是一个典型个 封建社会体系,通过顶早三代将军个发展,拿本身 下克上流行个 日本战国时代个一些特性改造,形成 将军, 亲藩, 谱代, 外祥作为排列个上层武士集团权力分配。个当中, 将军作为统治者,拥全日本四分之一领土个控制权力, 亲藩是 德川家康个旁系子孙后代,统治 纪州、 尾张、 越前、 水户等要地。谱代是德川家康亲信个封地,协助自家人把守要道。也有一些立在 关原大战之前投靠老乌龟个人,也获得得个身份,比方讲 土佐藩第一代藩主 山内一丰。 外祥是老早弗听从德川氏个贵族,一般畀严密监视,这些外祥大名个嫡子必须蹲在 江户当人质,外祥大名每两年就要去 江户担当 公职为将军做事体,即便朆有啥事体好做,也要去向将军汇报工作。

各大 大名下头也有低级贵族个等级制度,一般这些武士根据自家搭家主个血缘关系、历史继承,划分成复杂个结构,各个阶层之间个流动性相比高等贵族还是强一眼,弗过也有弗少地方个士族内部关系邪气紧张,比方讲 坂本龙马出身个 土佐藩。讲到底,能够得到大名欣赏并拿到足够 俸禄个武士是少部分人,大部分武士生活朆比一般城市老百姓强多少。伊拉通过 武士道、上 私塾,获得大名系统个小职务,获得自家个地位并搭平民区别开来。

天皇地位

江户辰光,天皇是嘸实际权力个,此外,伊拉立在名义浪个 权威也畀剥夺蛮多, 江户时代开始辰光,老乌龟就发布 御中诸法度,对 京都个朝廷进行干涉,并剥夺伊拉蛮多自家残留个权力(比方讲 后水尾天皇个紫衣售)。到三代将军 德川家光辰光,幕府更公开强迫天皇娶德川家族个女性,并安插亲信到京都,监控天皇。这能,导致天皇搭 日本公卿这些旧贵族势力彻底边缘化。天皇个 俸禄还要靠将军发放,石高只有5万到顶,相当于一个小 大名

弗过,到江户时代中期之后, 天皇个地位立在 武士当中得到倒转。迭段辰光, 东亚大陆流行个 程朱理学传播到日本(号称朱子学),提倡 华夷之辨搭 尊王攘夷,这些思路,成为江户时代武士学习当中个流行内容。 朱舜水个学生 水户黄门编撰个《 大日本史》就是拿天皇作为正统,历朝历代个 武士将军作为反乱人物进行评论个。个能,到19世纪 黑船来袭之前, 江户幕府立在 幕末对天皇个妥协搭退让。

Other Languages
azərbaycanca: Tokuqava sülaləsi
Bikol Central: Shogunato kan Tokugawa
беларуская: Сёгунат Такугава
bosanski: Tokugawa
magyar: Edo-bakufu
Bahasa Indonesia: Keshogunan Tokugawa
日本語: 江戸幕府
ქართული: ტოკუგავა
한국어: 에도 막부
Bahasa Melayu: Kesyogunan Tokugawa
Nederlands: Tokugawa-shogunaat
português: Xogunato Tokugawa
srpskohrvatski / српскохрватски: Šogunat Tokugawa
Simple English: Tokugawa shogunate
српски / srpski: Шогунат Токугава
svenska: Tokugawa
татарча/tatarça: Tokugawa sögunatı
українська: Сьоґунат Едо
Tiếng Việt: Mạc phủ Tokugawa
中文: 江户幕府
文言: 江戶幕府
Bân-lâm-gú: Edo bō͘-hú
粵語: 江戶幕府