Esteban (napílì nga Papa)

Napílì nga Papa
Esteban
Pope Stephen (papacy 752-757).jpg
Pagtikang han papado 23 Marso 752
Natapos an papado 26 Marso 752
Nag-una Zacarías
Nagsunod Esteban II
Mga Orden
Ginhimo nga kardinal 745
ni Zacarías
Ranggo Kardinal-Presbitero
Personal nga mga detalye
Ngaran ha pagkatawo Stéfanos
Natawo Roma
Namatay 26 Marso 752(752-03-26)
Roma
Puwesto han una Kardinal-Presbitero han San Crisogono (745–52)
Iba nga mga Papa nga an ngaran Esteban

Hi Esteban (namatay 26 March 752) usá nga Romano nga padì nga napilì nga papa han March 752 nga sumunod kan Zacarías; namatay hiyá hin apoplehiya sunod hin pira ka adlaw, ugsa hiyá makonsagrar nga obispo. [1] [2] Sugad man, dirì hiyá gintatala o ginlilista nga papa didâ han Annuario Pontificio.

Han 745, ginhimò hiyá ni Papa Zacarías nga kardinal-presbitero, nga diin iya an titulus han San Crisogono, an amo la gihapon nga titulos nga ha urhe ginpatan ni Kardinal Federigo han Lorena, nga amo an nagin Papa Esteban IX.

  • pag-ihap hin paghadi hin mga papa nga an ngaran esteban
  • mga kasarigan

Pag-ihap hin paghadi hin mga papa nga an ngaran Esteban

Nagbalhin an pag-ihap han paghadi hin mga papa nga an ngaran Esteban ha paglabay han mga siglo. Waray gamita an pag-ihap hin paghadi para han mga papa kutob han ika-10 nga gatostuig o siglo, ngan an bisan ano nga pag-ihap nga gindugtong hin mga nauna nga mga papa ginbutang katapos han ira pagkamatay.

Kutob kan ika-10 nga gatostuig, tikang 752 kutob 942, waló nga tawo nga an ngaran Esteban, upod ini nga padì nga hi Esteban, napílì nga papa, kundi pitó là an naghadi nga papa. An Annuario Pontificio nagbutáng ha paghimangraw mahitungod kan Papa Esteban II usá nga ubós-nga-tigaman nga nagsumat mahiunong han napílì-nga-Papa nga hi Esteban: "Han kamatay ni Zacarías an Romano nga pádì nga hi Esteban napílì; kundi, kay namatay hiyá katapos hin tuló ka adlaw ngan ugsa han iya consecratio, nga sumalâ han balaod kanoniko hadto nga panahón amo an tinuod nga pagtikáng han iya pontifikado, an iya ngaran diri gintatala dida han Liber Pontificalis dirì gihapon ha iba nga mga talaan hin mga papa." [3]

An syahan nga papa nga kinmuha han ngaran nga " Esteban" katapos han pag-ihap hin paghadì nahigharáan na gintáwag ng Esteban IX han iya kinabuhi ngan nagpirma hiyá han tanán nga iya mga dokumento nga "Stephanus Papa Nonus", Linatin han "Papa Esteban IX".

Ha urhe nga balaod kanoniko nga gin-gamit kutob 1 Oktubre 1975, [4] nagkitâ han takna nga pagin-papa hin tawo an takna han iya pagkarawat hin pagkapilì nga papa, ngan ini nga Esteban gintawag hin anakronismo nga Papa Esteban II. Mayda pira nga mga magsusurat kundi dirì nga tanan, nga ha sunod gindugngan an pag-ihap han mga urhe nga Papa hini nga ngaran nga ginhimo hira nga mga Papa Esteban III-X. [5] An ngaran hiní nga napilì-nga-Papa nga hi Estaban ginkuhà tikang han talaan han mga papa dida han Annuario Pontificio han 1961. [6]

An paglaín hin paggamit dinmangat hin paggamit hin tag-dúha nga pag-ihap hini nga mga papa nga amo nga agsob hira tinatawag nga mga Papa Esteban II (III)–IX (X). Ini nga buruhatón mabibilngan dida han Catholic Encyclopedia, [7] an Annuario Pontificio [3] ngan an Encyclopædia Britannica. [8]

Other Languages
català: Papa Esteve
Mìng-dĕ̤ng-ngṳ̄: Gáu-huòng Stephanus 2-sié
客家語/Hak-kâ-ngî: Kau-fòng Stephanus 2-sṳ
hrvatski: Stjepan (II.)
Bahasa Indonesia: Paus terpilih Stefanus
Latina: Stephanus II
مازِرونی: استفان (پاپ)
Nederlands: Paus Stefanus (II)
srpskohrvatski / српскохрватски: Stjepan (izabrani papa)
shqip: Stefani