Wiccionaire

Li Wiccionaire, c' est on spepieus motî do lingaedje walon del grande waibe "Wiktionary", des Wikipedia.

Come so èn esplicant motî, gn a les esplikêyes des mots.

Contnou

Come so on franwal, gn a les ratournaedjes e francès, mins eto dins tos les lingaedjes k' on vout. On pout åjheymint passer so les ôtes wiccionaires, po saveur les ca et les ma des ratournas dins leu langue di provnance.

Come dins l' DTW, i gn a, sovint, les sourdants des mots e sistinme Feller dins l' djivêye des motîs do walon.

Come dins l' esplicant motî do walon, gn a les parintaedjes, les omonimeyes, les sinonimeyes, pwaires minimom, et hay vos nd åroz.

Come dins sacwants spepieus motîs ( motî da Haust, Motî d' Bastogne, Motî da Villers, replaidî pa Lechanteur) gn a-st avou, les etimolodjeyes des mots, pacô avou l' rahouca dins l' Motî etimolodjike da von Wartburg.

Come dins les ALW n a eto les prononçaedjes des mots e-n AFE.

Other Languages