Johann Peter Gustav Lejeune Dirichlet

Johann Peter Gustav Lejeune Dirichlet
Peter Gustav Lejeune Dirichlet.jpg
Moted:13 febul 1805
Düren
Deadam:5 mayul 1859
Göttingen
Cal(s):himatematan[*], university teacher[*]
Tatät(s):Deutän
Matan(s):Rebecka Mendelssohn[*]

Hiel Johann Peter Gustav Lejeune Dirichlet [ləˈʒœn diʀiˈkle] (1805 febul 13 - 1859 mayul 5) äbinom matematan Deutänik, kel äjäfom miedeti fomöfik nulädik sekäta matematik.

Famül omik älicinon de zif: Richelette in Belgän, kelos kleilükon näinemi: „Lejeune Dirichlet“: „yunan se Richelette“ in Fransänapük.

Dirichlet pämotom in Düren, kö fat omik äbinon potöpacif. Ästudom in Deutän, e poso in Fransän, kö älilom tidodis ananas matematanas famikün tima okik. Ästudom i lä hiel Georg Ohm. Yeged balid omik ätefon leseti lätik hiela Fermat: ämobom blöfi no lölöfiki jeneta: , keli älölöfükom hiel Adrien-Marie Legendre: bal reidanas. El Dirichlet leigo älölöfükom blöfi at ti leigüpo; poso äpübom blöfi lölöfik jeneta: .

Ämatikom ko jiel Rebecka Mendelssohn Bartholdy, kel älicinof se famül stümik lecenanas de yud ad krit; äbinof posdaut filosopana: Moses Mendelssohn, daut hiela Abraham Mendelssohn Bartholdy e sör noatädanas: Felix Mendelssohn Bartholdy e Fanny Mendelssohn.

Hiels Ferdinand Eisenstein, Leopold Kronecker e Rudolf Lipschitz äbinoms studans omik. Pos deadam omik, tidods ela Dirichlet e vobots omik votik pö numateor päkonletons, päredakons e päpübons fa flen ä kematematan omik: hiel Richard Dedekind tiädü Vorlesungen über Zahlentheorie (Tidods dö Numateor).

Logolös i

  • Lesets labü nem: Leset hiela Dirichlet:
    • Leset hiela Dirichlet tefü sökods kalkulavik (numateor, primanums)
    • Leset hiela Dirichlet tefü nilikams sekätas hiela Diophantus (numateor)
    • Balataleset hiela Dirichlet ( numateor lalgebradik e lins)
  • Kalads hiela Dirichlet (numateor: ζ- e L-sekäts).
  • Stips hiela Dirichlet ( votafomam hiela Fourier)
  • Dirichlet convolution (numateor e sekäts kalkulavik)
  • Densit hiela Dirichlet (numateor)
  • Dilam hiela Dirichlet (luveratateor)
  • Kered hiela Dirichlet ( diletam sekätik, sökod hiela Fourier)
  • Säkäd hiela Dirichlet ( difaleigots dilik)
  • Sökod hiela Dirichlet ( numateor diletik)
  • Bluf hiela Dirichlet (diletam matematik)
  • Dirichlet tessellation, i „Skemat hiela Voronoi“ panemöl ( geomet)
  • Miedastip hiela Dirichlet ( difaleigots)
  • Sekät hiela Dirichlet ( fomav matematik (topology))
  • Layetaprinsip ( yümätateor)
  • Müedianasäkäd hiela Dirichlet (jünu no petuvedöl) ([numateor]])
  • η-sakäd hiela Dirichlet (numateor)
  • Latent Dirichlet Allocation
Other Languages
Nederlands: Johann Dirichlet
ئۇيغۇرچە / Uyghurche: دىرىخلې
oʻzbekcha/ўзбекча: Dirixle