Mont Ventoux

Topogroafische koarte van de Mont Ventoux

De Mont Ventoux is nen berg in 't zuudn van Vrankryk, juuste ten ôosten van de valleie van de Rhône. Hoewel dat 'n geologisch dêel uutmakt van 't ôostelyke dêel van d'Alpn is 't 'n enigste ôogn berg in de regio - zyn bynoamn zyn Le géant du Provence of De kale berg.

't Zyn der vele die peizn dat de noame e verwyzienge is noa de stravvn wind die boovn kan woaien (de mistral), want venteux wilt zeggn windering in 't Frans. Surtout aan de "col de tempêtes" juuste voorn top kan 't styf woaien en de boane over den top is vele geslootn wegens de stravvn wind. Mo de noame koumt eigentlik doa nie van. De noame is ol gekend in de 1e of 2e eeuwe achter Christus en zoudt genoamd zyn achter Vintur, de Gallischn god van de bergtoppn - oftwel zoudt de noame koumn van 'Ven-Top', wuk dat "besnêeuwdn bergtop" wilt zeggn in 't oud Gallisch. Vanaf de 10e eeuw verschynn noamn lik Mons Ventosus en Mons Ventorius.

Other Languages
Afrikaans: Mont Ventoux
Alemannisch: Mont Ventoux
brezhoneg: Ventor
català: Ventor
čeština: Mont Ventoux
Cymraeg: Mont Ventoux
Deutsch: Mont Ventoux
English: Mont Ventoux
Esperanto: Ventoux (monto)
español: Mont Ventoux
euskara: Mont Ventoux
فارسی: کوه ونتو
français: Mont Ventoux
עברית: מון ונטו
Bahasa Indonesia: Mont Ventoux
italiano: Mont Ventoux
한국어: 방투산
Nederlands: Mont Ventoux
norsk nynorsk: Mont Ventoux
occitan: Ventor
polski: Mont Ventoux
português: Monte Ventor
русский: Ванту
Simple English: Mont Ventoux
slovenščina: Mont Ventoux
српски / srpski: Мон Ванту
svenska: Mont Ventoux
Kiswahili: Mlima Ventoux
中文: 旺度山