Frankn

De Frankische stamn in 't groen (3e êeuwe)
't Romeins Ryk in 't geel
Uutbreidienge van de Salische Frankn in 't geel en de Reynfrankn in 't oranje
Groei van 't Frankisch Ryk van 481 tout 870

De Frankn (Latyn: Franci of gens Francorum) woarn West-Germoansche stammn die in 't begun van uze joartellienge ten nôordn en ôostn van de Nederreyn leefdn. Ênigte stammn van de Frankn woarn:

  • de Saliërs
  • de Chamoaven
  • de Brukteeren
  • de Tencteeren
  • de Amsivoaren
  • de Usipeeten
  • de Chattuoaren
  • de Tubanten

De grôte volksverplatsiengn en invoazjes

De Frankn vieln ol van in 257 't Romeins Ryk binn, moar in 406 stoakn ze me grôte bendes de Reyngrenze over en begostn ze me de grôte invoazjes van Gallië.

D'r wierd ol vroeg 'n ounderscheid gemakt tusschn Salische- en Ripuarische Frankn. De Salische Franken vestigdn under officieel in 358 in Toxandrië, 't gebied tusschn de Moas en de Schelde ('t hudige België en Holland). De Ripuarische Frankn verblêevn zudelyker, ter hoogte van Keuln, round de Reyn.

In den tyd van de volksverplatsiengn haan de de Ripuarische Frankn (of Reynfrankn) under an den overkant van de Reyn gevestigd in Gallië. Keuln kwam in under handn en ze bezettegn de streke tusschn Koblenz, Trier en Metz. Round 440 plunderdn ze de stad Trier. Achter e gevecht sloot de Romeinsche veldheer Flavius Aetius e verdrag, woarby dat 'n de verantwoordelykheid gaf an de Frankn vo de middenlope van de Reyn te verdedign.

In 358 krêegn de Salische Frankn van de Romeinn de stoatus van foederati (boundgenootn) over 't Romeins gebied in de Scheldevalleie en tusschn de grôte riviern. De stoatus van foederati wilde zeggn da de Frankn instoundn vo de verdedigienge van da stik van 't Romeins Ryk. Ze mostn ton gin belastiengn betoaln. De Salische Frankn profiteerdn doavan en controleerdn ol gouwe hêel de streke en ze paktn de macht over.

Tusschn 428 en 448 stound 't gebied ounder 't gezag van Chlodio. Je koos Doornik ols machtscentrum. Je wierd ipgevolgd deur zyn zeune Merovech, die de noamgever was van de dynastie van de Meroviengers. Zyn zeune, Childerik I was de voader van Clovis I.

In 481 volgde Clovis zyn voader ip ols keunienk van de Salische Frankn in Doornik. Je verênigde ol de Frankn ounder êen leider en in 486, tien joar achter 't ofzettn van Romulus Augustulus, de latste keizer van ’t West-Romeins Ryk, versloegt 'n Syagrius, de latste Romeinsche gouverneur in 't nôordn van Gallië by Parys. Loater veroverdn de Frankn ook 't zuudn van Gallië en goavn z'under noame: 't ryk van de Frankn an Frankryk.

Ze goavn loater ook nog under noame an et stamhertogdom Franken (of Franconië) in Oost-Francië, de regio Franken in Duutsland, verdêeld in Unterfranken, Mittelfranken en Oberfranken, en an de stad Frankfurt.

Other Languages
Afrikaans: Franke
Alemannisch: Franken (Volk)
aragonés: Francos
Ænglisc: Francan
العربية: فرنجة
مصرى: فرانكس
asturianu: Pueblu francu
azərbaycanca: Franklar
беларуская: Франкі
български: Франки
brezhoneg: Franked
bosanski: Franci
català: Francs
čeština: Frankové
Чӑвашла: Франксем
Cymraeg: Ffranciaid
dansk: Frankere
Ελληνικά: Φράγκοι
English: Franks
Esperanto: Frankoj
español: Pueblo franco
eesti: Frangid
euskara: Frankoak
فارسی: فرانک‌ها
suomi: Frankit
føroyskt: Frankar
français: Francs
Nordfriisk: Franken (fulk)
Frysk: Franken
Gaeilge: Na Frainc
galego: Francos
עברית: פרנקים
hrvatski: Franci
magyar: Frankok
Bahasa Indonesia: Suku Franka
íslenska: Frankar
italiano: Franchi
日本語: フランク人
ქართული: ფრანკები
қазақша: Франктер
한국어: 프랑크인
Kurdî: Frank
Latina: Franci
lumbaart: Franch (pòpol)
lietuvių: Frankai
latviešu: Franki
македонски: Франки
монгол: Франк
Bahasa Melayu: Orang Frank
Nedersaksies: Franken
Nederlands: Franken (volk)
norsk nynorsk: Frankarar
norsk: Frankere
occitan: Francs
polski: Frankowie
português: Francos
română: Franci
русский: Франки
sicilianu: Franchi
Scots: Franks
srpskohrvatski / српскохрватски: Franci
Simple English: Franks
slovenčina: Frankovia
slovenščina: Franki
српски / srpski: Франци
svenska: Franker
Kiswahili: Wafaranki
Türkçe: Franklar
українська: Франки
oʻzbekcha/ўзбекча: Franklar
Tiếng Việt: Người Frank
中文: 法蘭克人
Bân-lâm-gú: Frank lâng
粵語: 法蘭克人