پیلاطس

پُنطیس پیلاطُس
رومی یہودیہ کا حاکم
Ecce homo by Antonio Ciseri (1).jpg
یوحنا باب 19 آیت 5 کے مطابق پیلاطس نے یہودیوں سے کہا ”یہ رہا وہ آدمی“ـ
شریک حیاتکلودیہ پرکیولا
پیدائشقبل مسح
رومی سلطنت
وفات36ء یا 39ء
رومی سلطنت
پیشہیہودیہ کا گورنر

پیلاطُس 25ء سے 35ء تک یہودیہ کا حاکم تھا۔ اس کا نام سب مسیحی عقیدوں میں آتا ہے۔[1] 25ء میں تبیریس قیصر نے اسے یہودیہ کا پانچواں حاکم مقرر کیا۔ چونکہ رومی صدر عدالت نے پنا پرانا فیصلہ کہ یہودیہ کا حاکم اپنی بیوی لے جا نہیں سکتا، بدل دیا تھا اس لیے پیلاطس اپنے ساتھ اپنی بیوی بھی لے گیا۔[2] وہ اپنے علاقے کا پورا حاکم تھا اور اس کے تحت پانچ ہزار سے زائد رسالہ اور پیادہ فوج تھی جو قیصریہ کی چھاؤنی میں مقیم تھی۔ اس کی فوج کا کچھ حصہ انطونیہ کے برج (قلعہ) میں دیکھ بھال کے لیے متعین تھا۔ یہودیہ کے حاکم کے اختیار بڑے وسیع تھے۔ وہ موت اور زندگی کا فیصلہ کر سکتا تھا۔ وہ یہودی صدر عدالت کے فیصلے بدل سکتا تھا[3] اس لیے سب فیصلے توثیق کے لیے اُس کے سامنے پیش کیے جاتے تھے۔ سردار کاہن کا تقرر اور ہیکل کے نظم و نسق میں بھی اس کا ہاتھ تھا۔ سردار کاہن کا خاص لباس صرف اُسی کی حفاظت میں رکھا جاتا اور صرف عیدوں پر نکالا جاتا تھا۔ عیدوں کے ایام میں حاکم خود بھی یروشلم میں قیام کیا کرتا تھا۔ غیر مسیحی رومی مورخ پیلاطس کا ذکر یسوع مسیح کی سزائے موت کے سلسلے میں کرتے ہیں۔[4] یہودی مورخ یوسیفس اور یہودی فلسفی فیلو پیلاطس کی ایک بھیانک تصویر کھینچتے ہیں۔ اُن کے مطابق وہ ضدی، ظالم، سنگ دل اور لٹیرا حاکم تھا۔ وہ ضابطہِ عدالت کو بالائے طاق رکھتے ہوئے لوگوں کو سزا سنا دیتا تھا۔ یُوسفیس مختلف واقعات کے ذریعہ اُس کی اِن خرابیوں کی نشان دہی کرتا ہے۔ پیلاطُس سے پہلے رومی حاکم، یہودیوں کی دل آزاری کے خیال سے یروشلم میں قیصر کے جھنڈے نہیں لاتے تھے، کیونکہ اُن جھنڈوں پر قیصر کی شبیہ ہوتی تھی جس کے آگے سپاہی جھکتے تھے لیکن پیلاطس جب حاکم مقرر ہوا تو اُس نے خفیہ طور پر رات کو جھنڈے منگوا لیے اور جب یہودیوں نے متواتر 5 دن قیصریہ میں احتجاج کیا تو ان سب کو ایک کھیل کے میدان میں جمع کروایا اور اپنے سپاہیوں کو اُن پر پل پڑنے کا حکم دیا۔ اُس نے ہیکل کے خزانے سے رقم نکلوا کر پانی بہم پہنچانے کا منصوبہ بنوایا۔ اگرچہ یہ شہریوں کے مفاد میں تھا اس لیے یہودیوں کی ایک بِھیڑ اکٹھی ہو گئی۔ پیلاطس نے اپنے سپاہیوں کو حکم دیا کہ عام لباس میں لوگوں میں گُھل مِل جائیں۔ جب اُنہیں ایک اشارہ دیا گیا تو قتلِ عام شروع کر دیا۔[5] ان میں اکثر لوگ گلیلی تھے جو ہیرودیس بادشاہ کے رعایا تھے۔ بعض مورخین کا خیال ہے کہ اس سانحہ سے ہیرودیس اور پیلاطس کے درمیان میں کشیدگی پیدا ہو گئی۔[6] اسی لیے پیلاطس نے موقع غنیمت جان کر یسوع پکڑوائے جانے کا فائدہ اُٹھایا اور اُسے ہیرودیس کے پاس بھیجا۔[7] یوں اُن دونوں کے درمیان میں پھر تعلقات اُستوار ہو گئے۔ پیلاطس نے 35ء میں سامریوں کے ایک مذہبی جلوس پر جو کوہ گرزیم پر اکٹھا ہو رہا تھا ہلّہ بولنے کا حکم دیا۔ بہت لوگوں کا خون بہایا گیا اور بیشتر کو قید کیا گیا۔ سامریوں نے مذہبی نے ایک رومی حاکمِ اعلیٰ کے سامنے شکایت کی جس نے پیلاطُس کو روم میں قیصر کے سامنے حاضر ہونے کا حکم دیا۔ اس کے بعد تاریخ میں اُس کے متعلق کوئی تصدیق شدہ بیان نہیں۔ ایک روایت کے مطابق اُس نے خودکشی کر لی تھی۔ دوسری روایت کے مطابق وہ مسیحی ہو گیا تھا۔[8]

  • حوالہ جات

حوالہ جات

  1. لوقا باب 3 آیت 1
  2. متی باب 27 آیت 19
  3. یوحنا باب 19 آیت 10
  4. تستُس (Tacitus) اطالوی مورخ کی تواریخ 15-44
  5. لوقا باب 13 آیت 1
  6. لوقا باب 23 آیت 16
  7. لوقا باب 23 آیت 6 تا 7
  8. قاموس الکتاب صفحہ 228
Other Languages
Afrikaans: Pontius Pilatus
aragonés: Poncio Pilato
azərbaycanca: Ponti Pilat
беларуская: Понцій Пілат
беларуская (тарашкевіца)‎: Понтыюс Пілят
български: Пилат Понтийски
català: Ponç Pilat
čeština: Pilát Pontský
Cymraeg: Pontius Pilat
español: Poncio Pilato
Esperanto: Pontio Pilato
français: Ponce Pilate
hrvatski: Poncije Pilat
Bahasa Indonesia: Pontius Pilatus
italiano: Ponzio Pilato
қазақша: Понтий Пилат
Kiswahili: Ponsyo Pilato
latviešu: Poncijs Pilāts
lietuvių: Poncijus Pilotas
македонски: Понтиј Пилат
Bahasa Melayu: Pontius Pilate
Mìng-dĕ̤ng-ngṳ̄: Pontius Pilatus
Nederlands: Pontius Pilatus
日本語: ピラト
occitan: Ponç Pilat
Plattdüütsch: Pontius Pilatus
português: Pôncio Pilatos
Ripoarisch: Ponzius Pilatus
română: Pilat din Pont
русский: Понтий Пилат
Simple English: Pontius Pilate
slovenčina: Pilát Pontský
slovenščina: Poncij Pilat
српски / srpski: Pontije Pilat
srpskohrvatski / српскохрватски: Poncije Pilat
Tagalog: Poncio Pilato
татарча/tatarça: Pontiy Pilat
Türkçe: Pontius Pilatus
українська: Понтій Пилат
Tiếng Việt: Phongxiô Philatô
粵語: 彼拉多