Papa Francisco

Ang Kanyang Kabanalan Papa Francisco SJ
ArkodiyosesisDiyosesis ng Roma
SedeBasilika ni San Juan de Letran
Nagsimula ang pagka-Papa13 Marso 2013
HinalinhanBenedicto XVI
Mga orden
Ordinasyon13 Disyembre 1969
ni Ramón José Castellano
Konsekrasyon27 Hunyo 1992
ni Antonio Quarracino
Mga detalyeng personal
Pangalan sa kapanganakanJorge Mario Bergoglio
Kapanganakan (1936-12-17) 17 Disyembre 1936 (edad 81)
Buenos Aires, Arhentina
KabansaanArhentino,
Batikano
DenominasyonKatoliko Romano
TirahanLungsod ng Batikano
Dating puwesto
  • Kardinal-Arsobispo ng Buenos Aires (1998 - 2013)
  • Kardinal-Paroko ng Simbahan ni San Roberto Bellarmino (2001 - 2013)
  • Bishop of the Ordinariate for the Faithful of the Eastern Rites in Argentina ( - 2013)
  • Auxiliary Bishop of Buenos Aires (1992 - 1997)
  • Obispong Titular ng Auca (1992 - 1997)
Eskudo de armas

Si Papa Francisco (Latin: Franciscus, Italyano: Francesco; Kastila: Francisco; ipinanganak na Jorge Mario Bergoglio noong 17 Disyembre 1936) ay ang ika-266 at kasalukuyang Papa ng Simbahang Katoliko Romano.[1]

Taál ng Buenos Aires, Arhentina, itinalaga siya bilang paring Katoliko noong 1969. Noong 1998 siya ay iniluklok bilang Arsobispo ng Buenos Aires, at noong 2001 siya ay ginawáng kardinal ni Papa Juan Pablo II. Nahalál siya bilang Papa noong 13 Marso 2013, matapos na magbitíw si Papa Benedicto XVI noong 28 Pebrero. Pinili ni Bergoglio ang ngalang pampapang Francisco, ang kauna-unahang papang gumamit ng naturang pangalan, bilang pagpupugay kay San Francisco ng Asisi. Siya ang kauna-unahang Papa mula sa labas ng Europa simula noong ika-8 na dantaon, unang nagmula sa kontinente ng Timog Amerika (at mangyaring sa Katimugang Hemispero), at unang papa na hindi taga-Europa matapos ang panahon ni Papa Gregorio III noong taong 741.[2] Siya rin ang unang naluklok na Heswita bilang Pontifex Maximus.

Sa kabuuan ng kanyang buhay, bilang isang indibidwal at isang pinunong relihiyoso, nakilala ng publiko si Papa Francisco sa kanyang kababaang-loob, sa kanyang pagmamalasakit sa mga mahihirap, at sa kanyang pagnanais na bumuo ng mga pag-uusap bilang paraan upang makaugnay ang lahat ng tao mula sa iba't-ibang lahi, paniniwala, at pananampalataya.[3][4][5] Nakilala rin siya sa pagiging payak at di-gaanong pormal na pamamahala bilang Santo Papa, lalo na noong pinili niyang manirahan sa bahay-pampanauhin (guesthouse) ng Domus Sanctae Marthae kaysa sa apartamento ng Apostolikong Palasyo na siyang ginamit ng mga naunang Papa. Dagdag dito, dahil sa pagiging Heswita at tagasunod ni San Ignacio ng Loyola, kilala rin siya sa pagiging payak sa pananamit, gaya ng pagtanggi niyang magsuot ng tradisyunal na kapa ng Papa na mozzetta noong siya ay maluklok, pagpili niya ng pilak sa halip na ginto para sa kanyang singsing, at paggamit niya ng kanyang krus na ginagamit na niya mula pa noong siya'y kardinal pa lamang.[6][7]

Nanatili ang posisyon ng Papa sa doktrinang Katoliko hinggil sa aborsiyon, artipisyal na kontrasepsiyon, at homoseksuwalidad. Bagama't nananatili ang posisyon ng katuruan ng Simbahan hinggil sa mga gawaing homoseksuwal, sinabi niyang hindi dapat maliitin ang mga bading o bakla.[8] Bilang kardinal, tinutulan niya ang pag-iisang-dibdib ng magkatulad na kasarian (same-sex marriage) sa Arhentina.[9] Dagdag dito, pinananatili niya na siya'y "anak ng Simbahan" hinggil sa pagiging tapat sa mga doktrina ng Simbahan, tinukoy ang aborsiyon bilang "kasuklam-suklam,"[10] at iminungkahing ang mga babae ay pinahahalagahan sa halip na inoordinahan.[11] Kung ibubuod, binigyang-diin ni Papa Francisco na "Kabalintunaang sabihing sinusunod mo si Hesukristo subalit tinatanggihan mo ang Simbahan."[12]

Kaya naman, hinimok niya si Obispo Charles J. Scicluna ng Malta na magsalita laban sa pag-ampon ng mga nagsasamang magkatulad ang kasarian (same-sex couples),[13][14] pinanatiling ang mga Katolikong galing sa diborsiyo at muling nagpakasal ay maaaring hindi tumanggap ng Eukaristiya, at nagtiwalag (excommunicate) ng isang dating paring Katoliko dahil sa mga pananaw nitong lumalapastangan sa Simbahan.[15] Binigyang-diin niyang ang tungkulin ng mga Kristiyano na tulungan ang mga mahihirap at mga nangangailangan, at itinataguyod niya ang mapayapang usapin at mga usapang kabilang ang mga nasa iba't-ibang pananampalataya o interfaith dialogue.[5][16][17][18][19] Ipinahayag din niyang walang puwang sa Simbahan ang pagpapahintulot sa pang-aabusong seksuwal (sex abuse) sa Simbahan, na nagsabing ang pang-aabusong seksuwal ay "kasingsamá ng pagsasagawa ng Itim na Misa (satanic mass)."[20][21][22]

Other Languages
Afrikaans: Pous Franciskus
Alemannisch: Franziskus (Papst)
aragonés: Francisco (papa)
asturianu: Papa Franciscu
Aymar aru: Francisku
azərbaycanca: Fransisk
Boarisch: Franz (Popst)
Bikol Central: Papa Francisco
беларуская (тарашкевіца)‎: Францішак (папа рымскі)
български: Франциск
brezhoneg: Frañsez (pab)
bosanski: Papa Franjo
català: Papa Francesc
Chavacano de Zamboanga: Francisco (papa)
Mìng-dĕ̤ng-ngṳ̄: Gáu-huòng Franciscus
Cymraeg: Pab Ffransis
dansk: Pave Frans
dolnoserbski: Franciskus
emiliàn e rumagnòl: Francesco (papa)
English: Pope Francis
Esperanto: Francisko (papo)
eesti: Franciscus
estremeñu: Franciscu (papa)
føroyskt: Frans pávi
français: François (pape)
Gàidhlig: Pàpa Frangan
Avañe'ẽ: Pápa Francisco
गोंयची कोंकणी / Gõychi Konknni: Pope Francis
客家語/Hak-kâ-ngî: Kau-fòng Franciscus
עברית: פרנציסקוס
hrvatski: Franjo
hornjoserbsce: Franciskus
magyar: Ferenc pápa
interlingua: Papa Francisco
Bahasa Indonesia: Paus Fransiskus
Interlingue: Franciscus (pápa)
íslenska: Frans páfi
italiano: Papa Francesco
Basa Jawa: Paus Fransiskus
ქართული: ფრანცისკე
Kabɩyɛ: Papa François
Ladino: Franchis I
Lëtzebuergesch: Franciscus (Poopst)
Lingua Franca Nova: Fransisco (pape)
lumbaart: Papa Francesch
lingála: Pápa Falaswa
latviešu: Francisks
Malagasy: Papa Francisco
македонски: Папа Франциск
монгол: Францис
Bahasa Melayu: Paus Francis
Mirandés: Papa Fracisco
مازِرونی: پاپ فرانسیس
Napulitano: Papa Francesco
Plattdüütsch: Franziskus (Paapst)
Nederlands: Paus Franciscus
norsk nynorsk: Pave Frans
Novial: Papo Francis
Kapampangan: Papa Francisco
پنجابی: پوپ فرانسس
português: Papa Francisco
română: Papa Francisc
sicilianu: Franciscu (papa)
srpskohrvatski / српскохрватски: Papa Franjo
Simple English: Pope Francis
slovenščina: Papež Frančišek
српски / srpski: Папа Франциско
Basa Sunda: Paus Fransiskus
Kiswahili: Papa Fransisko
Tok Pisin: Pop Francis
Türkçe: Franciscus
татарча/tatarça: Франциск (папа)
українська: Франциск (папа)
oʻzbekcha/ўзбекча: Francis
Tiếng Việt: Giáo hoàng Phanxicô
მარგალური: ფრანცისკე
Bân-lâm-gú: Kàu-hông Franciscus
粵語: 方濟各