Bigas

Mga butil ng bigas.

Ang bigas ay isang karaniwang kataga para sa kiniskis na palay na tinanggal ang ipa, darak, at germ nito. Pinapakinis ito pagkatapos makiskis, na nagbibigay sa produkto ng maliwanag, maputi, at makintab na anyo. Yayamang mayroong mga diyetetikang fiber ang darak nito, mayroong mga bitamina at mineral ang germ nito, at tinanggal ang panlabas na aleurone layer nito, isang walang laman na gawgaw lamang ang bigas.

Pagluluto ng bigas

Sinasaing ang mga butil ng bigas kasama ang katumbas na tubig upang maging sinaing o kanin kapag in-in na. Kung labis ang sabaw nito nagiging lugaw na. Kapag napasobra ang pagluluto nito nagiging tutong ang ilalim na bahagi. Malimit na niluluto ang mga natirang kanin upang gawing sinangag. Kadalasang niluluto ang kanin sa palayok o kaldero ngunit marami na rin ang gumagamit ng mga rice cooker, isang elektronikong kagamitan.

Hindi lamang kanin ang maaaring luto sa bigas, ang malagkit na bigas kasama ang ibang mga sangkap ay maaaring gawing mga kakanin katulad ng suman, bibingka, puto at biko. Ilan pa sa mga lutuing ginagawa sa bigas ang arroz negro, arosbalensiyana, lugaw, arròs negre.

Other Languages
العربية: أرز أبيض
Ελληνικά: Λευκό ρύζι
English: White rice
Esperanto: Blanka rizo
español: Arroz blanco
euskara: Arroz zuri
français: Riz blanc
galego: Arroz branco
हिन्दी: सफेद चावल
日本語: 白米
한국어: 백미
Simple English: White rice
తెలుగు: అన్నము
Tiếng Việt: Gạo trắng
中文: 白米
粵語: 白米