Glenn Theodore Seaborg | persönliches

Persönliches

Glenn Seaborg hett an de University of California, Los Angeles (Bachelor 1934) un an de University of California, Berkeley studeert, wo he 1937 sien Doktertitel maakt hett. Hier wurr he 1939 Instructor, 1941 Assistant Professor un 1945 Perfesser vun de Chemie. Af 1971 harr he den Rang vun en University Professor. 1958 bit 1961 weer he Kanzler vun de Universität.

He hett över 100 Isotope vun chemisch Elemente opdeckt un weer an dat Opdecken vun de Transurane bedeeligt.

Seaborg weer een vun de Mitünnerschrievers vun den Franck Report, de sück gegen den Gebruuk vun de Atombomb in den Krieg gegen Japan utspreeken dee.

1942 hett he de Sekretärin Helen Griggs heiraadt. Wegen den Krieg harrn se kien Tiet, sünd in Nevada ut den Toog vun Los Angeles nah Chicago utsteegen, um to heiraten. Dat stell sück denn aber herut, dat de Oort, wo se utsteegen weern, kien Standesamt harr. Se mussen dorum mit en Postlastwagen in de nächste Stadt fohren. Seaborg harr mit Helen söss Kinner un hett sück för Sport begeistert; Golf weer sien leevste Hobby. Van 1961 bit 1971 weer he Vörsitter vun de United States Atomic Energy Commission.

1998 hett he en Slaganfall harrt un is an' 25. Februar 1999 in Lafayette in Kalifornien storven. Sien 90 Daagböker wurrn in de Library of Congress upbewohrt.

Other Languages
العربية: غلين سيبورغ
asturianu: Glenn T. Seaborg
български: Глен Сиборг
čeština: Glenn Seaborg
hrvatski: Glenn Seaborg
Հայերեն: Գլենն Սիբորգ
Bahasa Indonesia: Glenn Seaborg
Basa Jawa: Glenn T. Seaborg
Nederlands: Glenn Seaborg
پنجابی: گلین سیبورگ
srpskohrvatski / српскохрватски: Glenn T. Seaborg
Simple English: Glenn Seaborg
српски / srpski: Глен Т. Сиборг
Kiswahili: Glenn Seaborg
oʻzbekcha/ўзбекча: Glenn T. Seaborg
Tiếng Việt: Glenn Seaborg
Bân-lâm-gú: Glenn T. Seaborg