Bruna pelikano | kutimaro

Kutimaro

Bruna pelikano.

Pelikanoj estas tre gregemaj birdoj; ili vivas en aroj de ambaŭ seksoj la tutan jaron. Ili estas escepte rimarkindaj danke al la internaj aersakoj sub sia haŭto kaj en siaj ostoj, kaj kvankam tre graciaj en la aero ili estas tre mallertaj subtere. Pri flugmaniero, pelikanoj flugas en grupoj, tenante siajn kapojn inter siaj ŝultroj, dum la bekoj ripozas sur siaj falditaj koloj. Ili povas flugi kiel "V", sed kutime en regulaj linioj aŭ laŭ sola linio, ofte malalte super la akva surfaco.

Manĝo

Por manĝo, pelikanoj flugas je konsiderinda alto super fiŝaro kaj poste plonĝas ja alta rapido en akvon, ofte komplete merĝante sub la surfaco dum ĝi rapide kaptas sian predon antaŭ fornaĝi. La pelikano poste revenas reen al la surfaco kaj forigas el sia gorĝosako la akvon kiun ĝi prenis dum la plonĝo kaj poste skuas reen sian kapon por engluti la predon.

Nur la Perua pelikano kunhavas tiun aktivan manĝostilon, dum aliaj pelikanoj manĝas malpli aktive per kaptado de ĉirkaŭataj fiŝoj dum naĝado sur la akvosurfaco.

Junaj brunaj pelikanoj estis observataj manĝantaj laŭ la surfaca naĝado de aliaj pelikanoj.

Ili estas foje eventualaj celoj de Kleptoparazitado fare de aliaj fiŝmanĝantaj birdoj kiaj mevoj, rabmevoj kaj fregatedoj.[3]

Kvankam la Bruna pelikano manĝas ĉefe fiŝojn, eventuala amfibiokrustulo povas suplementi la dieton. Klupeedoj povas surloke respondeci pri 90-95% el ties manĝo. La enhavo de anĉovoj estas partikulare grava por la nestosukceso de la Bruna pelikano.[4] Tamen, ties preferata predo estas kutime ne komercaj fiŝospecioj.[3] Aliaj fiŝoj preditaj iom regule povas esti kongiopodoj, la lagodono, haringoj, la ŝafkapa sargo, aterinoj, mugiloj, kaj logofiŝoj, kaj ili foje manĝas krustulojn, kutime salikokojn. Unusola plenkreska pelikano povas manĝi ĝis 1.8 kg ĉiutage.[5]

Nune, en multaj marbordaj areoj, Brunaj pelikanoj vagadas ĉe fiŝkaptaj havenoj kaj moleoj espere nutradon aŭ ŝteladon de skrapaĵoj de fiŝoj, ĉefe se ili estis alkutimigitaj je tio.[3]

Other Languages
العربية: بجعة بنية
български: Кафяв пеликан
brezhoneg: Pilikant gell
català: Pelicà bru
čeština: Pelikán hnědý
Deutsch: Braunpelikan
English: Brown pelican
euskara: Pelikano arre
Na Vosa Vakaviti: Pelecanus occidentalis
français: Pélican brun
עברית: שקנאי חום
hrvatski: Smeđi pelikan
Basa Jawa: Pelikan soklat
한국어: 갈색사다새
မြန်မာဘာသာ: ဝန်ပိုညို
Nederlands: Bruine pelikaan
norsk nynorsk: Brunpelikan
português: Pelicano-pardo
srpskohrvatski / српскохрватски: Smeđi pelikan
Simple English: Brown pelican
slovenčina: Pelikán hnedý
српски / srpski: Смеђи пеликан
svenska: Brun pelikan
українська: Пелікан бурий
Tiếng Việt: Bồ nông nâu
中文: 褐鵜鶘