Queen | historia
English: Queen (band)

Historia

Entamos (1969–1973)

"Yo idegué'l nome de Queen. Ye sólo un nome, y ye perrexíu obviamente, y suena espléndidu. Ye un nome fuerte, peruniversal ya inmediatu. Tien munchísimu potencial visual y abría a milenta interpretaciones." Freddie Mercury

En 1969, el guitarrista Brian May, un estudiante nel Imperial College London de Londres, y el baxista Tim Staffell decidieron formar un grupu. May colocó una anuncia nel tablón del “college” a la gueta d'un batería “tipu Mitch Mitchell/ Ginger Baker"; Roger Taylor, un mozu estudiante de bioloxía, fexo una prueba y algamó les espeutatives. Nomaron al grupu Smile y autuaron de teloneros pa bandes como Jimi Hendrix, Pink Floyd, Yes y la Genesis orixinal. Smile firmó con Mercury Records en 1969, y tuvieron la so primer “sesión” nun estudiu de grabación nos Trident Studios esi mesmu añu. Staffell diba a clases nel Ealing Art College con Farrokh Bulsara, más tarde conocíu como Freddie Mercury, y presentolu a la banda. Bulsara bien ceo tornose un fan incondicional. Staffell dexó en 1970 Smile pa incorporase a otra banda, Humpy Bong;[5], animáu por Bulsara, quien camudó'l nome la banda a "Queen" y entamó a trabayar n'ella.[5] La banda tuvo dellos baxistes demientres esi tiempu que nun cuayaron cola química del grupu. Nun foi hasta febreru de 1971 qu'atoparon a John Deacon y entamaron a preparar el primer álbum.[6]


En 1973, dempués de dellos retrasos, Queen asoleyó el so primer album, proyeutu nomáu col mesmu nome que'l grupu ya influenciáu pol heavy metal y “progressive rock” d'entós. L'álbum foi bien acoyíu poles crítiques; Gordon Fletcher de Rolling Stones dixo "el so álbum debut ye soberbiu,"[7] y'l Daily Herald de Chicago denominólu como un "debut p'enriba la media".[8] De toes formes, atraxo una atención media y el single principal " Keep Yourself Alive," una composición de Brian May, vendiose probemente. Greg Prato de All Music Guide dixo d'ello "un de los más infravaloraos debuts del hard rock de tolos tiempos."[9]

L'álbum Queen II foi asoleyáu en 1974. L'álbum algamó'l númberu cinco de los charts británicos,[10] demientres que'l single principal, escritu por Freddie Mercury " Seven Seas of Rhye,"[10] algamó'l númberu diez nel Reinu Xuníu, dándo-y a la banda'l so primer “hit”. L'álbum ye'l so trabayu más heavy y oscuru,[11] con llargos y complexos pasaxes instrumentales, lletres fantástiques y virtuosidá musical. La banda fexo una xira de telonera de Mott the Hoople n'UK & los EEXX demientres esi periodu, y entamaron a ser conocíos poles sos enerxétiques y atractives actuaciones nos escenarios. Aínda asina, les ventes n'USA fueron, como col so álbum predecesor, baxes.

Era del avance (1974–1979)

Debío a complicaciones médiques, May tuvo ausente cuando la banda entamó a trabayar nel so tercer álbum, Sheer Heart Attack, que saliere a la venta en 1974 algamando'l segundu puestu nel Reinu Xuníu, [12] vendiéndose perbién a lo llargo toa Europa, resultando discu d'oru nos Estaos Xuníos.[13] El discu dió-y a la banda la so primer toma de contautu col ésitu comercial. L'álbum esperimentó con un mecigayu d'estilos y xéneros musicales, incluyendo nel Music Hall Británicu (" Killer Queen"), heavy metal ("Flick of the Wrist", "Brighton Rock", "Tenement Funster", " Now I'm Here", y "Stone Cold Crazy" – cantar que Metallica más tarde versionaría y pol que ganaría un Grammy), balaes ("Lily Of The Valley" y "Dear Friends"), ragtime ("Bring Back That Leroy Brown") y Caribbean ("Misfire"). Dende esti puntu Queen entamó a allonxase de les tendencies progresives de los sos primeros trabayos pa dir más a parar a un estilu “radio-friendly”, l'estilu “song-oriented”. Sheer Heart Attack dio pasu a unos nuevos patrones de soníu y melodía que sedríen refinaos nel siguiente álbum, A Night at the Opera.

El single "Killer Queen" algamó'l númberu dos nos charts británicos,[10] y convirtióse nel so primer hit nos EEXX, algamando'l númberu dolce nel Llibru Billboard de los 40 Top Hits.[14] Combinaba “camp”, vodevil, music hall británicu cola virtuosidá de Brian May a la guitarra. El segundu single del álbum, “Now I'm Here”, una composición hard rock más tradicional foi númberu once nes llistes britániques.

En 1975, la banda fexo un tour mundial con vestíos pa caún diseñaos por Zandra Rhodes y con múltiples xuegos de lluces y efeutos. El tour pasó polos Estaos Xuníos, apaeciendo por primer vegada nos titulares de prensa, y tocaron por primer vegada en Canadá a primeros d'abril. Tamién nesi tiempu, el manager de la banda Jim Beach canceló el so contratu con Trident. Consideraron delles opciones, d'ente les cuales taba'l manager de Led Zeppelin, Peter Grant. Grant quería que firmaren cola productora propiedá de Led Zeppelin, Swan Song Records. Eso yera inaceptable pa Queen, de forma que contautaron col manager d'Elton John, John Reid, quien aceutó la posición. N'abril de 1975 la banda fexo un tour per Xapón per primer vegada.

Más tarde, nesi mesmu añu la banda grabó y sacó al mercáu A Night at the Opera. N'aquelles, foi l'álbum producíu más caru na hestoria.[15] Al igual que'l predecesor, l'álbum muesaba dellos estilos musicales y esperimentaciones col soníu estéreo. En " The Prophet's Song", una épica canción d'ocho minutos, al mediu del cantar una seición nun yera otra cosa qu'un canon, con frases simples superpuestes pa crear un soníu multicoral dafechu. L'álbum foi peresitosu nel Reinu Xuníu,[10] y algamó'l triple platín nos Estaos Xuníos.[13]. Ye consideráu'l so “magnum opus”; en 2003, foi consideráu el númberu 230 na revista Rolling Stones na llista de los 500 álbumes más grandes de la hestoria.[16]

L'álbum tamién contenía el single peresitosu de "Bohemian Rhapsody", que foi númberu unu nel Reinu Xuníu per nueve selmanes,[10] y ye'l tercer single más vendíu nel Reinu Xuníu en tola hestoria; algamó tamién el puestu novenu nes llistes de los más vendíos nos Estaos Xuníos (un rellanzamientu de 1992 algamó'l númberu dos).[14] Bohemian Rhapsody foi votada, a esgaya vegades, la meyor canción de tolos tiempos.[17][18] La banda decidió facer un videu que fuere col single. El segundu single del álbum, “ You're My Best Friend", algamó'l sestu puestu nos Estaos Xuníos[14] y convirtióse nun Top Ten Hit a lo llargo tol mundu.

Pa 1976, Queen tornó al estudiu, onde grabaron A Day at the Races, que pue ser confundíu cenciellamente como álbum collaciu d'A Night at the Opera.[19] Tomaron de nuevo prestao'l nome d'una película de los Hermanos Marx, y la so carátula yera perasemeyada a la d' A Night at the Opera, una variación na mesma Cresta de Queen. Musicalmente, l'álbum foi tanto pa fans como pa críticos de nivel un fuerte esfuerciu, y algamó'l númberu unu nos charts ingleses.[10] El hit más sonáu nel álbum foi " Somebody to Love", un cantar inspiráu nel gospel nel que Mercury, May, y Taylor grabaron delles vegaes les sos voces pa facer un coru de cien voces. El cantar colocose segundu nel Reinu Xuníu,[10] y númberu trece na llista singles de los Estaos Xuníos.[14]. L'álbum tamién destacó por unu de los cantares más heavy del grupu, el " Tie Your Mother Down" de Brian May, que convirtióse nun componente básicu de les sos actuaciones en direutu.

Tamién en 1976, Queen tocó un de los sos más famosos conciertos, un conciertu en Hyde Park, Londres. Obtuvo una asistencia récor, con 150.000 persones confirmaes. Dellos averaron la cifra a cuasi 180.000, ya inusualmente decaróse en dellos medios cifres d'ente 150.000 y 200,000.[20]

Freddie Mercury demientres un conciertu en Hannover en 1979

News of the World foi llanzáu un añu dempués. Contenía bayura de cantares feches a midida p'actuaciones en direutu, incluyendo " We Will Rock You" y la balada rock "We Are the Champions", dambes algamando'l númberu cuatro nos Estaos Xuníos y pasando a ser himnos internacionales n'eventos deportivos.[14] Roger Taylor sacó el so primer trabayu en solitariu en 1976 en forma de single: la cara A yera una versión d'un cantar de The Parliaments "I Wanna Testify", y la B yera un cantar de Taylor nomáu "Turn On The TV".

En 1978 la banda asoleyó Jazz, incluyendo los hits " Fat Bottomed Girls" y " Bicycle Race" que fueren tamién sacaos nun doble single de doble cara. La pallabra "jazz" nun foi usada en sentíu estrictu, y l'álbum foi destacáu polos críticos pola so colección de diferentes estilos, pesie a nun ser el jazz un d'ellos. Rolling Stones criticolu por ser “aburríu”, diciendo "Queen nun tien la imaxinación pa tocar jazz – Queen nun tien imaxinación, nesi sen, pa tocar rock & roll".[21] La portada del álbum foi inspirada por una pintura del muru de Berlín. Importantes cantares del álbum yeren " Dead on Time", " Don't Stop Me Now", " Let Me Entertain You", y " Mustapha", na que la música árabe ye combinada con guitarra llétrica al estilu heavy.

El primer álbum en direutu de la banda, Live Killers, foi asoleyáu en 1979; convirtiéndose por dos vegades n' álbum de platín nos Estaos Xuníos.[22] Tamién asoleyaron el perfamosu single " Crazy Little Thing Called Love", un cantar tipu “ rockabilly” al estilu d'Elvis Presley. El cantar fexo el top-ten en munchos países, y foi el primer númberu unu de la Banda nos Estaos Xuníos.[14]

Nuevu soníu y sintetizadores (1980–1989)

Queen entamó los '80 con The Game. N'él taben los singles " Crazy Little Thing Called Love" y "Another One Bites the Dust", dambos aportando al númberu ún nos Estaos Xuníos. [14] L'álbum caltúvose númberu un per cuatru selmanes nos Estaos Xuníos,[23] y vendió más de cuatro millones de copies.[13] Tamién foi l'únicu álbum na hestoria qu'algamó el primer puestu na revista Billboard nes seiciones de rock, música dance, y R&B simultáneamente. L'álbum tamién supunxo la primer apaición del sintetizador nun álbum del grupu.

1980 tamién vió l'asoleyar de la banda sonora que Queen grabó pa Flash Gordon.


En 1981, Queen convirtióse na primer gran banda de rock en tocar n'estadios sudamericanos. Queen tocó pa una audiencia total de 479.000 persones nel so tour sudamericanu, incluyendo cinco shows n'Arxentina. N'ochobre de 1981, Queen tocó pa más de 150.000 fans en Monterrey (Estadiu Universitariu) y Puebla (Estadiu Zaragoza), Méxicu.

Tamién en 1981, Queen trabayó con David Bowie nel single " Under Pressure". Esta primer collaboración con otru artista foi daqué espontáneu, foi por mor de que Bowie pasare pol estudiu demientres Queen taba grabando.[24] La banda tuvo darréu encantada colos resultaos, pero Bowie nun cantó'l cantar en direutu por munchos años. Dende que s'asoleyó, el cantar foi esitosu a esgaya, aportando'l númberu unu en Gran Bretaña. La llinia de baxu foi más tarde emplegada por Vanilla Ice pal so ésitu de los '90 " Ice Ice Baby", provocando darréu l'amenaza d'un pleitu pol usu d'esa muestra. El pleitu nun aportó a xuiciu y establecióse una cantidá nun revelada. [25]

Más tarde, esi añu, Queen llanzó el so primer álbum de recopilación, tituláu Greatest Hits, que contenía los meyores cantares del grupu dientru los años 1974-1981. Foi enforma esitosu, y hasta l'añu 2007, ye'l álbum meyor vendíu nel Reinu Xuníu.[26] Taylor pasó a ser el primer miembru de la banda qu'asoleyó tou un álbum en solitariu en 1981, entituláu Fun In Space.

Conciertu de Queen en Noruega en 1982.

En 1982 la banda asoleyó l'álbum funk Hot Space. La banda dexó de facer xira por Norteamérica dempués del tour d'esti álbum, como resultáu del menguar del so ésitu ellí, y pesie a tener actuao na televisión americana per primer y única vegada pa ellos demientres la octava selmana de la premiere del Saturday Night Live. Queen dexó Elektra Records, so discográfica nos Estaos Xuníos, Canadá, Xapón, Australia, y Nueva Zelanda, y fichó por EMI/Capitol Records.

Tres tar trabayando de forma incesante por más de diez años, Queen decidió que nun autuaría demientres tou 1983. A lo llargo d'esi añu, grabaron un nuevu álbum, y dellos de los miembros de la banda esploraron proyeutos paralelos y trabayos en solitariu. May asoleyó un mini-álbum entituláu Star Fleet Project, nel que collaboraba Eddie Van Halen. Un compositor canadiense de música con ordenadores, Kevin Chamberlain, aidó coles voces y música de fondu pal proyeutu en solitariu de Freddie Mercury, que foi más tarde canceláu debío a diferencies creatives.

En 1984, Queen asoleyó l'álbum The Works, nel que incluyíense los peresitosos singles " Radio Ga Ga" y " I Want to Break Free". Pesie a esos ésitos, l'álbum nun xurdió bien nos Estaos Xuníos. "Radio Ga Ga" foi el caberu “Top Cuarenta” del país hasta l'ésitu del '89 " I Want It All".

Queen pasó esi añu pola llocalidá sudafricana de Bofutatswana, nel estadiu de Sun City.[27] Al tornar a Inglaterra fueron oxetu de la indignación y sentimientu d'ultrax de xente enforma, debío a que tocaron en plena época del apartheid y violando l'acuerdu d'aisllamientu internacional. La banda alegó tener tocao ellí pa fans de so d'aquel país, destacando que siempre los sos conciertos integraben a dambos coleutivos.

A primeros de 1985, la banda foi la cabezalera de dos nueches del festival Rock in Rio. Taben reservaos pal 11 y 18 de xineru, pero como en dambes nueches la banda sólo tuvo enriba l'escenariu pasada la medianueche, dalgunes fontes menten que fueren el 12 y 19 de xineru. En cada nueche tocaron pa 325.000 persones.

Mercury tamién sacó el so primer álbum en solitariu, Mr. Bad Guy, n'abril. Nel Live Aid, acontecío en Wembley el 13 xunetu de 1985, Queen tocó dellos de los sos mayores ésitos na que lleva siendo considerada la meyor autuación en direuto de la hestoria hasta la fecha.[28]

Revitalizaos pola rempuesta del Live Aid y como resultáu del puxu de les sos ventes de discos, Queen despachó 1985 asoleyando'l single " One Vision". El cantar foi amás emplegao pa la película Iron Eagle.

Entamando 1986, Queen grabó l'álbum A Kind of Magic, conteniendo bayura cantares escritos pal film de Russell Mulcahy Highlander. L'álbum foi peresitosu, produciendo un repertoriu d'ésitos como'l cantar entituláu " A Kind of Magic", que contién na lletra la fras 'There can be only one' (sólo pue haber ún), en referencia a la trama la película; " Friends Will Be Friends", " Who Wants to Live Forever" y " Princes of the Universe". De cualesquier forma, al igual que The Works, vendiose probemente nos Estaos Xuníos.

Más tarde esi añu, Queen encaminose nun tour del que vendió toles entraes y foi el más llargu de la banda, en sofitu al discu d'A Kind of Magic. El máximu esponente del Magic Tour foi nel Wembley Stadium en Londres y resultó ser finalmente un doble álbum en vivu, Queen Live At Wembley Stadium, asoleyao en CD, casette, videu y en DVD, según en qué años. Tocaron en Wembley per dos nueches siguíes (más de 72.000 persones en cada autuación), nun pudiendo facelo una tercera debío a que taba reservao, pero tocaron en Knebworth Park. El show escosó les entraes en dos hores y más de 120.000 fans enllenaron el parque pal que foi'l meyor pieslle d'una xira de Queen con Mercury.[29] Más d'un millón de persones vieron el show –400.000 sólo nel Reinu Xuníu, un récor nesos tiempos.[27]

Dempués de trabayar en dellos proyeutos en solitariu demientres 1988 (incluyendo la collaboración de Mercury con Montserrat Caballé, Barcelona) la banda asoleyó l'álbum The Miracle en 1989. El discu siguía la direición d'A Kind of Magic, emplegando soníu pop-rock mezao con dellos númberos heavy. Presentó los ésitos europeos " I Want It All", " Breakthru", " The Invisible Man", " Scandal", y " The Miracle". La especulación tornó sobre un posible frañar de la banda nun futuru averao, o que Mercury debía tar sofriendo dalgún problema de salú.

The Miracle tamién entamó el cambéu de direición de la filosofía lletrista de Queen. Dende l'entamu de la banda, cásique tolos cantares fueren creaos por miembros del grupu, sumando perpocos nomes d'otres persones. Con The Miracle, de toes formes, les lletres de la banda fueren escrites de forma más collaboradora, y votaron caltener el productu final de Queen sólo como grupu.

Los álbumes finales y la muerte de Mercury (1990–1997)

"Hebo de tou nesi momentu nel que supimos que Freddie diba desapaecer, caltuvimos la cabeza baxa." Brian May

Los rumores entamaron a esparcese na prensa sensacionalista y en cualesquier parte en 1988 acerca de que Mercury padecía SIDA. Pesie a que los rumores yeren verdá, Mercury refugolos dafechu nesi momentu. De toes formes, la banda decidió siguir faciendo álbums llibres de conflictos internos y diferencies, entamando con The Miracle y siguiendo con Innuendo en 1991. Pesie a que la so salú diba deteriorándose, Mercury continuó contribuyendo, trabayando con un fervor creativu. La banda asoleyó la so segunda recopilación con Greatest Hits II, n'ochobre de 1991.

El 23 de payares de 1991, nuna declaración preparada y fecha nel so llechu de muerte y asoleyada en prensa escrita, Mercury finalmente confirmó que tenía SIDA. En dalgo más de 24 hores tres l'anunciu, Freddie Mercury finó. Los sos servicios fúnebres fueron privaos, respetando la tradición relixosa zoroastriana familiar.

"Bohemian Rhapsody" foi reasoleyada en formatu de single n'acabando morrer Freddie, con "These Are the Days of Our Lives" na cara B. El single algamó'l númberu 1 por segunda vegada nel Reinu Xuníu. Les recaudaciones del single – aprosimadamente 1.000.000 de llibres esterlines, equivalente a 1.314.233,14 euros – fueron donaos a la Terrence Higgins Trust [30], una fundación británica de llucha escontra del SIDA.

El 20 d'Abril de 1992, el públicu amosó'l llutu pola muerte Freddie nel The Freddie Mercury Tribute Concert (Conciertu Tributu a Freddie Mercury), acontecíu nel estadiu de Wembley de Londres. Ente los participantes taben Lisa Stansfield, Elton John, David Bowie, Robert Plant, Tony Iommi, Annie Lennox, Axl Rose y Slash, Extreme, Roger Daltrey, Joe Elliot, George Michael, Mick Ronson, Zucchero, James Hetfield y Liza Minnelli y Spinal Tap, sumaos a los tovía quedantes tres miembros de Queen, tocando munchos de los máximos ésitos de Queen. Foi un conciertu peresitosu de nuevu televisáu pa más de mil millones d'espeutadores alrodiu del mundu.[27] El conciertu consta nel Llibru Guinness de los Records como "El conciertu benéficu en favor d'una estrella del rock más multitudinariu."[31] Recaudó más de 20.000.000 de llibres (26.284.662,89 d'euros) pa fundaciones del SIDA.[30] La popularidá de Queen xorreció de nuevu nos Estaos Xuníos dempués de que "Bohemian Rhapsody" fuere destacada na película cómica Wayne's World, aidando al cantar a algamar el númberu dos por cinco selmanes nes llistes estauxunidenses en 1992. El cantar foi pasáu a un videu de la película col que la banda y managers quedaron encantaos.

La banda tamién despachó'l so contratu con Capitol Records y firmó un contratu con Hollywood Records como la so nueva discográfica n'EEXX.

La estatua de Freddie Mercury en Montreux que tamién foi pa la carátula del álbum Made in Heaven (1995).

Queen realmente nunca frañó nin se desanició pesie a que'l so caberu álbum con material orixinal, entituláu Made in Heaven (fechu nel cielu), foi asoleyáu en 1995, cuatro años dempués de la muerte de Freddie. Construyóse a partir de les sesiones finales de grabación de Mercury en 1991, sumándo-y material d'estudiu d'álbums previos. Amás, tamién s'incluyó material del álbum en solitariu de Mercury Mr. Bad Guy y un cantar asoleyáu orixinalmente nel primer proyeutu en solitariu de Royer Taylor en paralelu, The Cross. May y Taylor tienen apaecío y participao en proyeutos destinaos a recaudar dineru pa la investigación del SIDA. La cabera participación de John Deacon cola banda foi en 1997, cuando grabaron el cantar " No-One but You (Only the Good Die Young)" (Naide como tú (sólo los bonos muerren mozos). Foi'l caberu cantar orixinal grabáu polos tres restantes miembros de Queen, y foi asoleyáu como “ bonus track” nel álbum recopilatoriu Queen Rocks al añu siguiente.

Proyeutos "Queen + …"

Munchos proyeutos Queen + fueron desendolcaos nos siguientes años, dellos d'ellos meros remixes ensin intervención artística por parte la banda. En 1999, un álbum Greatest Hits III foi asoleyáu. Esti llanzamientu, ente otros, incluyía una versión rap de "Queen + Wyclef Jean" del cantar "Another One Bites the Dust"; una versión en direuto de "Somebody to Love" por George Michael; y una versión en direuto de "The Show Must Go On", interpretada en direuto en 1997 con Elton John.

Brian May y Roger Taylor tocaron xuntos como Queen en bayura ocasiones (ceremonies de premios, conciertos benéficos, y eventos asemeyaos), compartiendo voz con dellos cantantes invitaos. Tamién grabaron munchos ésitos conocíos de Queen como "We Will Rock You" y "We Are the Champions".

En 2003, cuatro nuevos cantares fueron grabaos por Queen pa la campaña 46664 de Nelson Mandela escontra'l SIDA. Aínda asina, nun salieron n'álbum n'aquelles versiones d'estudiu d'Invincible Hope (Queen + Nelson Mandela, fazaña. Treana Morris), 46664 - The Call, Say It's Not True, y Amandla (Anastacia, Dave Stewart y Queen).

Queen + Paul Rodgers

Paul Rodgers cantando con Queen en Frankfurt en 2005.

A finales de 2004 May y Taylor anunciaron que diben axuntáse y tornar con una xira en 2005, con Paul Rodgers (fundador y ex-llíder y cantante de Free y Bad Company). El sitiu web de Brian May tamién dio l'anuncia de que Rodgers incorporaríase a ellos como Queen + Paul Rodgers, nun reemplazando al fináu Freddie Mercury, y el retiráu Deacon nun participaría;[4] Danny Miranda de Blue Öyster Cult reemplazaríalu al baxu. Otros miembros del tour incluyíen al tecláu Spike Edney, quien tocare guitarra y teclaos en shows de Queen dende 1984, y el guitarrista adicional Jamie Moses, quien entamó trabayando con May n'autuaciones en solitariu a entamos de los 1990s.

Un doble CD en vivu, Return of the Champions, foi asoleyáu el 19 de setiembre de 2005. Nel qu'apaecía la incorporación de Paul Rodgers y foi grabáu en direuto en mayu 2005 demientres el conciertu de la xira de Queen + Paul Rodgers nel Sheffield Arena en Sheffield, Inglaterra. Tamién s'asoleyare un DVD del conciertu.

En marzu de 2006 Queen + Paul Rodgers entamaron un tour pelos Estaos Xuníos y Canadá. Amás, Queen + Paul Rodgers estrenaron el so primer nuevu cantar, una collaboración nomada "Take Love", demientres el tour pelos Estaos Xuníos. El 28 d'abril de 2006, Queen + Paul Rodgers asoleyaron el so segundu DVD en vivu, Super Live in Japan; que fuere filmáu nel Saitama Super Arena el 27 d'ochobre de 2005.

El 15 d'agostu de 2006 Brian May confirmó per so website y el club de fans que Queen + Paul Rodgers entamaría a producir un nuevu álbum d'estudiu n'ochobre, y que sedría grabáu nuna “llocalidá secreta”.[32]

Cuando se fexo públicu que "Bohemian Rhapsody" yera'l cantar más radiáu enxamás en Radio 1 de la BBC al final del caberu “Show de les llistes d'ésitos” (Chart Show) de “JK y Joel”, Roger Taylor comunico-yos per conexón telefónica col estudiu que'l discu que taben grabando taba nel so intermediu, y que sedría asoleyáu en dalgún momentu del 2008, y que diría siguío d'una xira.

Other Languages
Acèh: Queen
Afrikaans: Queen
Akan: Queen
Alemannisch: Queen (Band)
አማርኛ: ክዊን
aragonés: Queen
Ænglisc: Queen
العربية: كوين
Aymar aru: Queen
azərbaycanca: Queen
башҡортса: Queen
Boarisch: Queen (Band)
žemaitėška: Queen
Bikol Central: Queen
беларуская: Queen
беларуская (тарашкевіца)‎: Queen
български: Куийн
bosanski: Queen
ᨅᨔ ᨕᨘᨁᨗ: Queen
català: Queen
Chavacano de Zamboanga: Queen
Cebuano: Queen
ᏣᎳᎩ: Queen
qırımtatarca: Queen
čeština: Queen
kaszëbsczi: Queen
Чӑвашла: Queen
Cymraeg: Queen
dansk: Queen
Deutsch: Queen (Band)
Zazaki: Queen
dolnoserbski: Queen
Ελληνικά: Queen
emiliàn e rumagnòl: Queen
English: Queen (band)
Esperanto: Queen
español: Queen
eesti: Queen
euskara: Queen
estremeñu: Queen
فارسی: کوئین
suomi: Queen
Võro: Queen
Na Vosa Vakaviti: Queen
føroyskt: Queen
français: Queen
arpetan: Queen
furlan: Queen
Frysk: Queen
Gaeilge: Queen
Gàidhlig: Queen
galego: Queen
Gaelg: Queen
עברית: קווין
Fiji Hindi: Queen
hrvatski: Queen
hornjoserbsce: Queen
Kreyòl ayisyen: Queen
magyar: Queen
հայերեն: Քուին
interlingua: Queen
Bahasa Indonesia: Queen
Interlingue: Queen
Igbo: Queen
Ilokano: Queen
Ido: Queen
íslenska: Queen
italiano: Queen
la .lojban.: Queen
Jawa: Queen
ქართული: Queen
Qaraqalpaqsha: Queen
Taqbaylit: Queen
қазақша: Queen
kalaallisut: Queen
한국어: 퀸 (밴드)
Ripoarisch: Queen
kurdî: Queen
kernowek: Queen
Latina: Queen
Ladino: Queen
Lëtzebuergesch: Queen
лезги: Queen
Limburgs: Queen
Ligure: Queen
lumbaart: Queen
lietuvių: Queen
latviešu: Queen
Malagasy: Queen
олык марий: Queen
македонски: Queen
Bahasa Melayu: Queen (kugiran)
Malti: Queen
Mirandés: Queen
Dorerin Naoero: Queen
Nāhuatl: Queen
Napulitano: Queen
Plattdüütsch: Queen (Grupp)
Nedersaksies: Queen
Nederlands: Queen
norsk nynorsk: Queen
norsk: Queen
occitan: Queen
Ирон: Queen
Pangasinan: Queen
Kapampangan: Queen
Papiamentu: Queen
Picard: Queen
Deitsch: Queen
polski: Queen
Piemontèis: Queen
português: Queen
Runa Simi: Queen
rumantsch: Queen
română: Queen
tarandíne: Queen
русский: Queen
саха тыла: Queen
sardu: Queen
sicilianu: Queen (gruppu)
davvisámegiella: Queen
srpskohrvatski / српскохрватски: Queen
Simple English: Queen (band)
slovenčina: Queen (skupina)
slovenščina: Queen
Gagana Samoa: Queen
Soomaaliga: Queen
shqip: Queen
српски / srpski: Квин
Seeltersk: Queen
Basa Sunda: Queen
svenska: Queen
Kiswahili: Queen
ślůnski: Queen
tetun: Queen
тоҷикӣ: Queen
ไทย: ควีน
Tagalog: Queen
Tok Pisin: Queen
Türkçe: Queen
татарча/tatarça: Queen
українська: Queen
اردو: کوئین
oʻzbekcha/ўзбекча: Queen
vèneto: Queen
vepsän kel’: Queen
Tiếng Việt: Queen
West-Vlams: Queen
Volapük: Queen
walon: Queen
Winaray: Queen
Wolof: Queen
吴语: 皇后乐队
მარგალური: Queen
ייִדיש: קווין
Zeêuws: Queen
中文: 皇后乐队
Bân-lâm-gú: Queen
粵語: 皇后樂隊
isiZulu: Queen