பெந்தகோஸ்து சபை இயக்கம்

ஒரு சிறுமி நலம்பெற வேண்டுமென்று பெந்தகோஸ்து சபையினர் மன்றாட்டு நிகழ்த்துதல். கென்டக்கி, 1946

பெந்தகோஸ்து சபை இயக்கம் (Pentecostalism அல்லது Classical Pentecostalism) என்பது கிறித்தவ சமயத்தின் ஒரு பிரிவாக அமைந்து, தூய ஆவியில் திருமுழுக்கு என்னும் வழியாகக் கடவுள் பற்றிய நேரடி அனுபவம் பெறுவதை வலியுறுத்தும் இயக்கம் ஆகும். [1]

பெந்தகோஸ்து என்னும் சொல்லின் பிறப்பிடம் கிரேக்க மொழி ஆகும். யூத மக்கள் பாஸ்கா திருவிழாவிலிருந்து ஏழு வாரங்கள் கணக்கிட்டு, ஐம்பதாம் நாளில் "அறுவடைப் பெருவிழா" கொண்டாடினார்கள் (காண்க: லேவியர் 23:15-16). அக்கொண்டாட்டம்தான் கிரேக்கத்தில் பெந்தகோஸ்து ("ஐம்பதாம் நாள் விழா") என்ற பெயர் பெற்றது. கிறித்தவர்களைப் பொறுத்தமட்டில் இயேசுவின் சிலுவைச் சாவும் உயிர்த்தெழுதலும் நிகழ்ந்து ஐம்பது நாள்கள் நிறைவுற்றபோது, நம்பிக்கை கொண்டோர்மீது தூய ஆவி இறங்கிவந்து அவர்களைத் திடப்படுத்தினார் என்னும் நம்பிக்கைமீது "பெந்தகோஸ்து" விழா அமைந்தது (காண்க: திருத்தூதர் பணிகள் 2:1-41).

அடிப்படைக் கோட்பாடுகள்

நற்செய்தியை மையமாகக் கொண்ட பிற புரட்டஸ்தாந்து சபைகளைப் போலவே, பெந்தகோஸ்து சபை இயக்கமும் விவிலியத்தில் எந்தவொரு தவறான தகவலும் கிடையாது என்று நம்புகிறது. மேலும், இயேசு கிறித்துவில் நம்பிக்கை கொண்டோர் ஒவ்வொருவரும் அவரைத் தம் சொந்த மீட்பராக ஏற்பதிலேயே மீட்பு அடங்குகிறது என்றும் நம்புகிறது.

இந்த இயக்கத்தின்படி, ஒருவர் மனமாற்றம் பெற்று இயேசுவைத் தம் மீட்பராக ஏற்றுக்கொள்வதோடு, தூய ஆவியில் திருமுழுக்கு (அபிசேகம்) என்னும் மற்றொரு சிறப்பு அனுபவத்தையும் பெற்று, தூய ஆவியால் நிரப்பப்பட்டு வாழவேண்டும் என்பது வலியுறுத்தப்படுகிறது. சிலுவையில் மனித மீட்புக்காக இறந்த இயேசு கிறித்துதான் நம்மைப் பாவத்திலிருந்து விடுவிக்கிறார் என்று ஆழ்ந்த நம்பிக்கையோடு ஏற்பதுவே முதன்மையானது. இவ்வாறு, தூய ஆவியில் "மறுபிறப்பு" அடைய வேண்டும்.

இவ்வாறு தூய ஆவியால் அபிசேகம் செய்யப்படுவோர் வாழ்க்கையில் அதிசயமான ஆன்மிகக் கொடைகள் துலங்கும் என்றும், அவை "பன்மொழி பேசுகின்ற வரம்", "குணமளிக்கும் வரம்" ஆகும் என்றும் பெந்தகோஸ்து இயக்கம் கூறுகிறது. திருச்சபையின் தொடக்க காலத்தில் இக்கொடைகள் செயல்பாட்டில் இருந்ததுபோலவே இற்றை நாட்களிலும் அக்கொடைகளைத் தூய ஆவி அளிக்கிறார் என்பது கருத்து. இதன் அடிப்படையில் பெந்தகோஸ்து இயக்கத்தின் சில பிரிவுகள் "திருத்தூது" அல்லது "முழு நற்செய்தி" என்னும் அடைமொழியைத் தம் பெயர்முன் கொண்டுள்ளன.

பாவத்தை விட்டுவிட்டு மனமாற்றம் அடைவது, புதுப்பிறப்பு அடைவது, நீரில் திருமுழுக்குப் பெறுவது, தூய ஆவியில் திருமுழுக்குப் பெறுவது என்னும் வகையில் ஒருவர் மீட்பு அடைகிறார் என்று பெந்தகோஸ்து சபைகள் பொதுவாக போதிக்கின்றன. தூய ஆவியில் பெறும் திருமுழுக்கு நீரில் பெறும் திருமுழுக்கிலிருந்து வேறுபட்டது என்றும் அச்சபைகள் கருதுகின்றன. ஆவியில் பெறும் திருமுழுக்கு என்பது பெரும்பாலும் ஒருவருக்கு தூய ஆவியில் வல்லமையைக் கொடுத்து அவரைப் பணிக்கும் ஊழியத்திற்கும் தயாராக்குவது ஆகும். அப்போது ஒருவர் தூய ஆவியால் "நிரப்பப்படுகிறார்" என்றும், "அபிசேகம் பெறுகிறார்" என்றும் கூறுவார்கள்.

Other Languages
العربية: خمسينية
azərbaycanca: Əllincilər
беларуская: Пяцідзясятніцтва
español: Pentecostalismo
français: Pentecôtisme
arpetan: Pentecoutismo
Gaeilge: Cincíseachas
Gàidhlig: Caingeiseachd
客家語/Hak-kâ-ngî: Ńg-sùn-chiet Yun-thung
Bahasa Indonesia: Gereja Pentakosta
italiano: Pentecostalismo
қазақша: Елуліктер
한국어: 오순절주의
lingála: Nzámbe-Malámu
لۊری شومالی: پنتاکوستالیسم
lietuvių: Sekmininkai
latviešu: Pentakosti
македонски: Пентекостализам
Mirandés: Pentecostalismo
Nederlands: Pinksterbeweging
norsk nynorsk: Pinserørsla
português: Pentecostalismo
română: Penticostalism
sicilianu: Pinticustalisimu
srpskohrvatski / српскохрватски: Pentekostalizam
Simple English: Pentecostalism
slovenčina: Letničné hnutie
slovenščina: Binkoštništvo
српски / srpski: Пентекостализам
Kiswahili: Wapentekoste
Türkçe: Pentikostalizm
українська: П'ятдесятництво
oʻzbekcha/ўзбекча: Pentecostallar
Tiếng Việt: Phong trào Ngũ Tuần