டெட் டேர்னர்

டெட் டேர்னர்
Ted Turner LF.JPG
2007இல் டேர்னர்
பிறப்புஇராபர்ட்டு எட்வர்டு டேர்னர் III
நவம்பர் 19, 1938 (1938-11-19) (அகவை 80)
சின்சினாட்டி, ஓகியோ, ஐ.அ.
கல்விமக்கல்லி பள்ளி
படித்த கல்வி நிறுவனங்கள்பிரவுன் பல்கலைக்கழகம்
பணிஊடக பேருரிமையாளர்
அறியப்படுவதுடிபிஎஸ் மற்றும் சிஎன்என் தொலைக்காட்சிகளின் நிறுவனர்
முன்னாள் அட்லாண்டா பிரேவ்ஸ் உரிமையாளர்
உலக மற்போர் வாகையர்
டெட்ஸ் மொன்டானா கிரில்
வள்ளல்
சொந்த ஊர்அட்லாண்டா, ஜியார்ஜியா
சொத்து மதிப்புGreen Arrow Up.svg $2 பில்லியன் (2012)[1]
வாழ்க்கைத்
துணை
ஜூலியா கேல் நியே
(1960–1964)
ஜேன் ஷிர்லி ஸ்மித்
(1965–1988)
ஜேன் ஃபோன்டா
(1991–2001)
வலைத்தளம்
அதிகாரப்பூர்வ இணையதளம்

இராபர்ட்டு எட்வர்டு "ட்டெட்" டேர்னர் III (Robert Edward Ted Turner III, பி:நவம்பர் 19, 1938[2]) ஓர் அமெரிக்க ஊடக பேருரிமையாளரும் பொதுநல வள்ளலும் ஆவார். ஓர் வணிகராக அமெரிக்காவின் மின்வட தொலைக்காட்சி வரலாற்றில் முதல் முறையாக 24 மணிநேர செய்தித் தொலைக்காட்சி அலைவரிசை சிஎன்என்னை நிறுவியதற்காக அறியப்படுகிறார். தவிர ஓர் பொதுநல வள்ளலாக ஐக்கிய நாடுகளின் தேவைகளுக்காக $1 பில்லியன் நன்கொடையாகக் கொடுத்துள்ளார்; இதனைக்கொண்டே ஐக்கிய நாடுகள் பவுண்டேசன் என்ற பொது ஈகை நிறுவனம் உருவாக்கப்பட்டது. டேர்னர் இந்த நிறுவனத்தின் இயக்குநர் வாரியத்தின் தலைவராக உள்ளார்.[3]

டேர்னரின் வணிகப் பேரரசு அவரது தந்தையின் விளம்பர தட்டிகள் வியாபாரத்தில் துவங்கியது. தமது 24வது அகவையில் தந்தையாரின் தற்கொலையை அடுத்து இந்த வணிகத்தில் இறங்கினார்.[4] 1963ஆம் ஆண்டில் டேர்னர் பொறுப்பேற்றுக் கொண்டபோது டேர்னர் அவுட்டோர் அட்வர்டைசிங்கின் பெறுமதி $1 மில்லியன் ஆக இருந்தது. 1970இல் அட்லாண்டாவிலிருந்த மீயுயர் அதிர்வலை வானொலி நிறுவனத்தை வாங்கியதை ஒட்டி டேர்னர் ஒலிபரப்பு அமைப்பு உருவானது. இந்த அமைப்பின் கீழ் நிறுவிய சிஎன்என் கம்பிவடத் தொலைக்காட்சியில் 1986ஆம் ஆண்டில் விண்வெளி போய்மீளும் சாலஞ்சர் தோல்வியையும் 1991இல் பாரசீக வளைகுடாப் போர் நிகழ்வுகளையும் உடனுக்குடன் ஒளிபரப்பி செய்தி ஊடகங்களில் ஓர் அதிர்வை உண்டாக்கினார். அட்லாண்டா பிரேவ்ஸ் என்ற தமது மாநில பேஸ்பால் அணியை கையகப்படுத்திக் கொண்டு தேசிய அளவில் அந்த அணி புகழ்பெறச் செய்தார். நல்லெண்ண விளையாட்டுக்கள் (குட்வில் கேம்ஸ்) என்ற விளையாட்டுத் தொடரை நிறுவினார். தொழில்முறை மற்போரில் ஆர்வத்தைத் தூண்டிய 1990களின் பிற்பகுதியில் மிகவும் பரவலான மற்போர் நிறுவனங்களில் ஒன்றான உலக மற்போர் வாகையர் நிறுவனத்தின் உரிமையாளராவார்.

டேர்னரின் சர்ச்சைகளைக் கிளப்பிய கூற்றுக்களால் இவர் "தெற்கின் வாய்" மற்றும் "ஆவேசமான கேப்டன்" என்றெல்லாம் விளிக்கப்பட்டார்.[5][6] டேர்னர் தமது சொத்துக்களை சுற்றுச்சூழல் காரணங்களுக்காகவும் அர்பணித்துள்ளார். 2011இல் ஜான் மலோன் முந்தும்வரை இவரே அமெரிக்காவின் மிகப்பெரும் தனிநபர் நில உரிமையாளராக இருந்து வந்தார்.[7][8] தமது நிலங்களில் பைசன் காளைகளை வளர்க்கிறார்; இவற்றின் இறைச்சியைக் கொண்டு டெட்ஸ் மொன்டானா கிரில் என்ற உணவகச் சங்கிலியை நடத்தி வருகிறார். சுற்றுச்சூழல் நோக்குடைய கேப்டைன் பிளானட்டும் பிளானட்டீர்களும் என்ற தொடரை உருவாக்கி உள்ளார்.

Other Languages
العربية: تد تيرنر
مصرى: تد تيرنر
asturianu: Ted Turner
azərbaycanca: Ted Törner
беларуская: Тэд Цёрнер
български: Тед Търнър
català: Ted Turner
čeština: Ted Turner
dansk: Ted Turner
Deutsch: Ted Turner
English: Ted Turner
español: Ted Turner
euskara: Ted Turner
فارسی: تد ترنر
suomi: Ted Turner
français: Ted Turner
Frysk: Ted Turner
Gaeilge: Ted Turner
galego: Ted Turner
עברית: טד טרנר
hrvatski: Ted Turner
magyar: Ted Turner
հայերեն: Թեդ Թըրներ
Bahasa Indonesia: Ted Turner
italiano: Ted Turner
қазақша: Тед Тернер
한국어: 테드 터너
lietuvių: Ted Turner
latviešu: Teds Tērners
Malagasy: Ted Turner
मराठी: टेड टर्नर
Bahasa Melayu: Ted Turner
Nederlands: Ted Turner
norsk: Ted Turner
ਪੰਜਾਬੀ: ਟੇਡ ਟਰਨਰ
português: Ted Turner
română: Ted Turner
русский: Тёрнер, Тед
Simple English: Ted Turner
српски / srpski: Тед Тарнер
svenska: Ted Turner
Türkçe: Ted Turner
українська: Тед Тернер
Tiếng Việt: Ted Turner
Winaray: Ted Turner