ஜாக்குலின் கென்னடி ஒனாசிஸ்

ஜாக்குலின் கென்னடி ஒனாசிஸ்
Mrs Kennedy in the Diplomatic Reception Room cropped.jpg
ஜாக்குலின் கென்னடி
ஐக்கிய அமெரிக்காவின் முதல் சீமாட்டி
பதவியில்
சனவரி 20, 1961 – நவம்பர் 22, 1963
முன்னவர் மார்னீ ஐசன்ஃகோவர்
பின்வந்தவர் சீமாட்டி பேர்டு ஜான்சன்
தனிநபர் தகவல்
பிறப்பு ஜாக்குலின் லீ பூவியர்
சூலை 28, 1929(1929-07-28)
சவுத்தாம்ப்டன், இலாங் தீவு, நியூ யோர்க் மாநிலம், ஐக்கிய அமெரிக்கா
இறப்பு மே 19, 1994(1994-05-19) (அகவை 64)
நியூயார்க் நகரம், நியூயார்க், ஐக்கிய அமெரிக்கா
வாழ்க்கை துணைவர்(கள்) ஜான் எஃப். கென்னடி (1953-1963, அவரது மரணம் வரை)
அரிசுடாட்டில் ஒனாசிஸ் (1968-1975, அவரது மரணம் வரை)
பிள்ளைகள் அரபெல்லா கென்னடி (1956, குறைப் பிரசவம்)
கரோலின் பூவியர் கென்னடி (பிறப்பு 1957)
ஜான் எஃப். கென்னடி இளையவர் (1960-1999)
பாற்றிக்கு கென்னடி (ஆகத்து 7, 1963-ஆகத்து 9, 1963)
பெற்றோர் ஜான் வெர்னூ பூவியர் III
ஜேனட் நார்ட்டன் லீ
கல்வி வாசர் கல்லூரி - சேர்ந்தது
சோர்போன் - சேர்ந்தது
த ஜார்ஜ் வாசிங்டன் பல்கலைக்கழகம் (இளங்கலை)
பணி ஐக்கிய அமெரிக்காவின் முதல் சீமாட்டி
வைக்கிங் அச்சக ஆசிரியர் (1975-1977)
டபுள்டேயில் நூலாசிரியர் (1978-1994)
சமயம் கத்தோலிக்க திருச்சபை
கையொப்பம்
ஆர்லிங்டன் தேசியக் கல்லறைத் தோட்டம்

ஜாக்குலின் லீ பூவியர் ஜாக்கி கென்னடி ஒனாசிஸ் (Jacqueline Lee Bouvier "Jackie" Kennedy Onassis, சூலை 28, 1929 – மே 19, 1994), 1961 முதல் 1963இல் அமெரிக்க குடியரசுத் தலைவர் ஜான் எஃப். கென்னடி சுட்டுக் கொல்லப்படும் வரை அவரது மனைவியாகவும் அமெரிக்காவின் முதல் சீமாட்டியாகவும் இருந்தவர். பின்னாளில் இவர் கிரேக்க கப்பல்துறை பெருவணிகர் அரிசுடாட்டில் ஒனாசிசை திருமணம் புரிந்தார். தமது இறுதி நாட்களில் நூல் ஆசிரியராக சிறப்பாக பணியாற்றி வந்தார்.

இளமை வாழ்வு

ஜாக்குலின் லீ பூவியர் நியூயார்க் மாநிலத்தின் இலாங் தீவில் சவுத்தாம்ப்டனில் வால் வீதி பெருஞ்செல்வர் ஜான் வெர்னோ பூவியருக்கும் (1891-1957) அவரது மனைவி ஜேனட் நார்ட்டன் லீக்கும் (1907-1989) சூலை 28, 1929இல் மகளாகப் பிறந்தார். இவரது தங்கை கரோலின் லீ பூவியர் 1933இல் பிறந்தார்.

இவரது இளமைக்காலம் நியூ யார்க் நகரத்திலும் இலாங் தீவில் கிழக்கு ஆம்ப்டனிலும் கழிந்தது. தமது இள வயதிலேயே சிறந்த குதிரையேற்ற வீராங்கனையாகத் திகழ்ந்தார். இது அவரது வாழ்நாள் முழுமையும் தொடர்ந்தது. சிறு வயதில் ஓவியம், படிப்பு மற்றும் கவிதைகள் எழுதுவதில் ஆர்வம் இருந்தது.

அவரது பெற்றோர்கள் 1940இல் ஜாக்குலினுக்கு 11 அகவை இருக்கும்போது மணமுறிவு பெற்றனர்; அன்னை ஜேனட் இசுடாண்டர்டு ஆயில் நிறுவனத்தின் வாரிசான ஹியூ டி. அச்சின்குளோசை 1942இல் மணம் புரிந்தார். இவர்களுக்கு ஜேனட் (1945-1985), ஜேம்சு (பி. 1947) என இருவர் பிறந்தனர். ஜாக்குலினும் தங்கை கரோலினும் தங்கள் அன்னையின் புதிய குடும்பத்தில் இணைந்தனர்.

மிகவும் தெரிந்தெடுத்த தனியார் பள்ளிகளில் தமது கல்வியைத் தொடர்ந்தார். 1949இல் ஒரு ஆண்டு பிரான்சுத் தலைநகர் பாரிசிலுள்ள புகழ்பெற்ற லா சோர்போனில் படித்துள்ளார். 1951இல் ஜார்ஜ் வாசிங்டன் பல்கலைக்கழகத்திலிருந்து பிரெஞ்சு இலக்கியத்தில் இளங்கலைப் பட்டம் பெற்றார். மேலும் கலை, வரலாறு மொழிகளில் ஈடுபாடுடையவராக இருந்தார்.

பட்டப் படிப்பிற்குப் பின்னர் வாசிங்டன் டைம்சு எரால்டு இதழுக்கு "புலனாய்வு-புகைப்படக் காரராக" பணியாற்றினார். இந்த பணி முகாந்தரமாக சூன் 1953இல் எலிசபெத் அரசியின் முடிசூட்டுவிழாவினை ஒட்டி இலண்டனுக்கு அனுப்பப்பட்டார்.

Other Languages
azərbaycanca: Jaklin Kennedi
беларуская: Жаклін Кенэдзі
беларуская (тарашкевіца)‎: Жаклін Кенэдзі
गोंयची कोंकणी / Gõychi Konknni: Jacqueline Kennedy Onassis
Bahasa Indonesia: Jacqueline Kennedy Onassis
srpskohrvatski / српскохрватски: Jacqueline Kennedy Onassis
українська: Жаклін Кеннеді