Telegrafu

Telegrafu ya kihistoria nchini Ujerumani ilitumia alama za mikono ya ubao kwa kuonyesha herufi.
Alfabeti ya Morse ilikuwa msingi wa uenezaji wa telegrafu.
Mwanamaji anatumia taa ya pekee kwa ujumbe wa nuru akitumia alama za Morse.

Telegrafu (kutoka neno la Kiingereza telegraph lililotokana na mawili ya Kigiriki: τῆλε, tele, "mbali", na γράφειν, graphein, "kuandika") ni njia ya kupeleka habari andishi kwa mpokeaji wa mbali bila kubeba barua kwake.

Telegrafu zilizotumiwa wakati wa karne ya 19 na ya 20 zilipitisha ujumbe kwa mkondo wa umeme uliopitia kwenye waya.

Telegrafu za zamani zaidi zilitumia alama za nuru au alama nyingine zilizoonekana kwa mbali.

Kwa njia hii herufi za alfabeti zilitafsiriwa kwa alama zilizoweza kupitishwa kirahisi.

Baada ya majaribio mbalimbali, mbinu ya Samuel Morse ilifaulu mwaka 1844 na kusababisha uenezaji wa teknolojia hii kote duniani. Morse alitafsiri kila herufi katika mfumo wa alama fupi au ndefu zinazoweza kuandikwa kama mfuatano wa nukta na kistari au kutumwa kama alama fupi au ndefu ya nuru, sauti au umeme na kadhalika.

Mashine ndogo ilitafsiri alama hizo katika mishtuko ya umeme iliyoweza kuchora tena alama katika mashine upande mwingine wa waya ambako sumakuumeme uliweza kusukuma kalamu juu ya karatasi. [1]

Mawasiliano kwa telegrafu yaliwezesha kwa mara ya kwanza kutuma habari kote duniani katika muda mfupi. Magazeti na makampuni makubwa ya kiuchumi yalitangulia kutumia teknolojia hii, na serikali na jeshi zilifuata. Nyaya kubwa zilipitishwa kutoka nchi hadi nchi na pia kwenye tako la bahari kwa mawasiliano baina ya mabara.

Katika karne ya 20 yalianza pia matumizi ya simu za upepo kwa habari za telegrafu.

Makampuni ya telegrafu zilipokea ujumbe ulioitwa "telegramu" kutoka wateja na kuzituma kwa mji au nchi nyingine; pale ziliandikwa tena kwenye karatasi na kupelekwa kwa mtu aliyeandikiwa. Makampuni yale yalipokea pesa kwa kila herufi iliyowasilishwa hivyo ujumbe ulikuwa mfupi.

Tangu kupatikana kwa simu matumizi ya telegrafu yalipungua lakini bado zilitumwa hadi kupatikana kwa simu za mikononi na barua pepe.

Katika nchi mbalimbali huduma hiyo ilifungwa kuanzia mwaka 2000 hivi, katika nchi nyingine huduma bado iko. [2]

Marejeo

  1. Telegraph. 150.si.edu (2007 [last update]). Iliwekwa mnamo November 26, 2011.
  2. Siegel, Robert (February 2, 2006). Western Union Sends Its Last Telegram : NPR. npr.org. Iliwekwa mnamo November 26, 2011.
Other Languages
Afrikaans: Telegrafie
العربية: تلغراف
asturianu: Telegrafía
български: Телеграфия
català: Telegrafia
ᏣᎳᎩ: ᏕᎦᏃᏣᎸ
čeština: Telegrafie
dansk: Telegrafi
Deutsch: Telegrafie
Ελληνικά: Τηλεγραφία
English: Telegraphy
Esperanto: Telegrafio
español: Telegrafía
euskara: Telegrafia
فارسی: تلگراف
suomi: Lennätin
Gàidhlig: Dealan-spèid
עברית: טלגרפיה
हिन्दी: टेलीग्राफ
hrvatski: Telegrafija
magyar: Távíró
Bahasa Indonesia: Telegrafi
íslenska: Ritsími
日本語: 電報
ქართული: ტელეგრაფი
한국어: 전보
Latina: Telegraphia
lietuvių: Telegrafas
latviešu: Telegrāfs
Bahasa Melayu: Telegrafi
မြန်မာဘာသာ: ကြေးနန်း
नेपाल भाषा: टेलेग्राफी
Nederlands: Telegrafie
norsk nynorsk: Telegrafi
norsk: Telegrafi
polski: Telegrafia
português: Telegrafia
rumantsch: Telegrafia
română: Telegrafie
Scots: Telegrafie
Simple English: Telegraphy
shqip: Telegrafi
српски / srpski: Телеграфија
Seeltersk: Telegrafie
svenska: Telegrafi
தமிழ்: தந்தி
Tagalog: Telegrapiya
oʻzbekcha/ўзбекча: Telegrafiya
Tiếng Việt: Điện báo
Winaray: Telegrapiya
მარგალური: ტელეგრაფი
ייִדיש: טעלעגראפיע
中文: 电报
Bân-lâm-gú: Tiān-pò
粵語: 電報