Departemén jeung téritori peuntas laut Perancis

Téritori peuntas laut Perancis ngarah ka dieu. Pikeun nu milih Parlemén Éropana, tingali Téritori Peuntas Laut Perancis (pamilih parlemén Éropa)
Departemén jeung téritori peuntas laut Perancis sarta klaimna di Antartika

Artikel ieu mangrupakeun bagian dina séri
Babagian administratif Perancis

Artikel utama
Région

(kaasup Région peuntas laut)

Departmén

(kaasup Departemén peuntas laut)

Perancis
Interkomunalitas

Komunitas Urban
Komunitas aglomerasi
Komunitas komune
Sindikat Aglomerasi Anyar

Komune

Komune nu kaasosiasi
kotamadya

Nu séjén dina Perancis Peuntas Laut

Koléktivitas peuntas laut
Koléktivitas Sui generis
Nagara peuntas laut
Téritori peuntas laut
Pulo Clipperton

Kotak ieu: 
Bandéra Mentri Perancis Peuntas Laut

Departemén jeung Téritori Peuntas Laut Perancis (Basa Prancis: départements et territoires d'outre-mer, biasana disebut DOM-TOM [dɔmtɔm][1]) diwangun ti wewengkon nu diadministrasi ku Perancis di luar buana Éropa. Téritori-téritori ieu miboga rupa-rupa status hukum jeung tingkat otonomi nu bébéda, sanajan sakabéhna miboga pawakilan di Parlemén Perancis (iwal nu taya padumuk permanénna), jeung ku kituna miboga hak pilih dina pamilu Parlemén Éropa. Departemén jeung Téritori Peuntas Laut Perancis ngawengku wewengkon pulo-pulo di samudra Atlantik, Pasiifik, jeung Hindia, Guiana Perancis di basisir Amérika Kidul, jeung sababaraha pulo-pulo periantartika ogé klaimna kana Antartika. 2.685.705 urang midumukan Departemén jeung Téritori Peuntas Laut Perancis dina Januari 2011.[2]

Sacara hukum jeung administratifna, departemén béda pisan jeung téritori: dumasar kana konstitusi Perancis, hukum jeung régulasi Perancis umumna dipakékeun (perdata, pidana, adminstratif, sosial, pajak, jsb.), di departemén kawas di dartan utama. Tapi, hukum jeung régulasi katangtu bisa digunakeun pikeun kaayaan spésifik. Di téritori, prinsipna kabalikannana: téritori diparéntah ku statuta otonomi nu mungkinkeunnana pikeun nyieun hukumna sorangan, iwal pikeun sababraha widang (saperti patahanan, hubungan internasional, mata uang jeung padagangan internasional, hukum pangadilan jeung administratif), sakumaha disadiakeun di statuta otonomina, nu ditangtukeun ku pamaréntah puseur.

Téritori, métropolitan, atawa Perancis peuntas laut nu didumukan, miboga pawakilan di Majelis Nasional Perancis sarta Sénat Perancis. Téritori jeung departemén peuntas laut diparéntah ku majelis, nu dipilih ku masarakat lokal, sarta Parlemén Perancis jeung Pamaréntah Perancis (di mana hiji anggota kabinét, Mentri Perancis Peuntas Laut, aya dina kakawasaan kana perkawis-perkawis ngeunaanyy téritori jeung departemén peuntas laut).

Rupa-rupa status konstitusional

Departemén jeung région peuntas laut

  • Guadeloupe (ti 1946)
  • Martinique (ti 1946)
  • Guiana Perancis (since 1946)
  • Réunion (ti 1946)
  • Mayotte (ti 2011) 1976–2003: téritori peuntas laut sui generis; 2001–2003: kalawan panunjukan komunitas departeméntal; 2003–2011: Komunitas peuntas laut. Dina réferéndum status Mayotte 2009, masarakat Mayotte milih pikeun janten departemén peuntas laut dina 2011, nu jadina saprak 31 Maret 2011.

Koléktivitas peuntas laut

Kategori ieu dijieun kalawan pawangunan ulang konstitusional dina 28 Maret 2003. Masing-masing koléktivitas miboga hukum undanh-undang sorangganna.

  • Polinésia Perancis (1946–2003: téritori peuntas laut, ti 2003: koléktivitas peuntas laut) Status anyarna ti 2004 méréannana panunjukan nagara peuntas laut (Basa Prancis: pays d'outre-mer), tapi Déwan Konstitusional Perancis mertimbangkeun yén éta ngan panunjukan, sanés status nanaon.
  • Saint Pierre jeung Miquelon (1976–85: departemén peuntas laut, 1985–2003: téritori peuntas laut sui generis, ti 2003: koléktivitas peuntas laut) Saint Pierre et Miquelon masih disebut collectivité territoriale de Saint-Pierre-et-Miquelon.
  • Wallis jeung Futuna (1961–2003: téritori peuntas laut, ti 2003: koléktivitas peuntas laut). Umumna masih disebut salaku hiji territoire (Territoire des îles Wallis et Futuna).
  • St. Martin: Dina 2003 populasi St. Martin jeung St. Barthélemy milih sangkan misah ti Guadeloupe pikeun nyieun koléktivitas peuntas laut Perancis sorangan.[3] Dina 7 Pébruari 2007, Parlemén Perancis ngaloloskeun paméréan status COM ka dua yurisdiksi éta.[4] Status anyarna éféktif 22 Pébruari 2007 basa hukum éta dipikawanohkeun dina Journal Officiel.[5] Wewengkon-wewengkon éta tetep bagian ti Uni Éropa, sakumaha ditegaskeun di Traktat Lisbon.[6]
  • St. Barthélemy
Lemah nu nyieun Républik Perancis.

Koléktivitas husus

  • Kaledonia Anyar mangrupa hiji téritori peuntas laut ti 1946, tapi salaku hasil ti Pasatujuan Nouméa 1998, miboga status husus (statut particulier atanapi statut original) dina 1999. Hiji kawarganagaraan Kaledonia Anyat dijieun, sarta pamindahan kakawasaan ti nagara Perancis dimimitian, pikeun aya dina 15 nepi ka 20 warsih.[7]

Téritori peuntas laut

  • Daratan Kidul jeung Antartika Perancis (Basa Perancis: Terres Australes et Antarctiques Françaises, TAAF; téritori peuntas laut Perancis ti 1956). Dumasar kana aturan 2007-224 21 Pébruari 2007, Pulo nu Kasebar di Samudra Hindia minangka distrik ka-5 ti TAAF.

Nagara peuntsa laut

Status nagara peuntas laut (Basa Perancis: Pays d'outre-mer), ditujukeun ka depéndensi Pasifik Perancis, teu pernah dijieun. Status Polinésia Perancis 2004 méréanna panunjukan ieu, tapi ngingetkeun ogé yén Polinésia Perancis asup ogé kana kategori komunitas peuntas laut. Déwan Konstitusional Perancis ngenyakeun yén panunjukan nagara pentas laut éta teu boga konsekuénsi légal. Ku sabab status Kaledonia Anyar teu boga ngaran sarta ku lantaran parleménna bisa nyieun hukum lokal, wewengkon éta kadang disebut nagara peuntas laut.

Téritori alit

  • Pulo Clipperton (Basa Perancis: Île de Clipperton atanapi Île de la Passion) (Basa Spanyol: Isla de la Pasión) nyaéta hiji atol karang 9 kilométer pasagi nu aya 1.280 kilométer kulon-kiduleun Acapulco, Méksiko, di Samudra Pasifik. Wewengkon ieu minangka asét pribados nagara dina otoritas langsung pamaréntah Perancis, diadministrasi ku Mentri Perancis Peuntas Laut.
Other Languages
Bahasa Melayu: Perancis Seberang Laut
srpskohrvatski / српскохрватски: Francuski prekomorski departmani i teritorije
Simple English: Overseas France