3G

Standar
telepon mobil jeung data
Kulawarga GSM / UMTS
2G
3G
Pre-4G
  • UMTS Revisi 8
    • LTE
    • HSOPA (Super 3G)
Kulawarga cdmaOne / CDMA2000
2G
3G
  • CDMA2000
  • EV-DO
Pre-4G
  • UMB
Tehnologi sejen
0G
  • PTT
  • MTS
  • IMTS
  • AMTS
  • OLT
  • MTD
  • Autotel / PALM
  • ARP
1G
2G
Pre-4G
Pita frékuénsi

3G (dibaca: triji, asalna tina kecap-kecap basa Inggris 3rd Generation) nyaéta standar katut téknologi telepon sélulér generasi-katilu, anu hadir saenggeus lahirna 2G. 3G téh dijieun dumasar kana kulawarga standar anu dikaluarkeun ku International Telecommunication Union (ITU) hasil tina kagiatan International Mobile Telecommunications programme, " IMT-2000". Téknologi 3G ngamungkinkeun operator jaringan pikeun nawarkeun ka palangganna rupa-rupa layanan anu leuwih canggih bari ngahasilkeun kapasitas jaringan anu leuwih gédé ku cara ningkatkeun éfisiénsi spéktrum frékuénsi. Layanan-layanan ieu di antarana wide-area wireless voice telephony jeung broadband wireless data, anu dijalankeun dina lingkungan bagerak (usik). Biasana, 3G nawarkeun layanan anu laju pangiriman datana 5-10 Mb per detik.

Henteu jiga jaringan IEEE 802.11, jaringan 3G mah mangrupa jaringan telepon sélulér anu ngawengku daérah anu lega sarta mampuh nyadiakeun aksés internét jeung telepon vidéo dina laju pangiriman data nu gancang. Sedengkeun jaringan IEEE 802.11 (Wi-Fi) mah mangrupa jaringan pitarubak anu wewengkonna leutik (radius pancaranana pondok) sarta dimekarkeun utamana pikeun ngirim data.

Nurutkeun Global mobile Suppliers Association, dina bulan Désémber 2005, 100 jaringan 3G dijalankeun di 40 nagara. Di Asia, Éropah, Kanada jeung Amérika Sarikat, pausahaan-pausahaan télékomunikasi ngagunakeun téknologi W-CDMA anu narima kira-kira 100 désain terminal pikeun ngajalankeun jaringan sélulér 3G.

Sajarah

Di Éropah, layanan 3G munggaran ditawarkeun di Inggris jeung Italia dina bulan Maret 2003. Harita Déwan Uni Éropah ngusulkeun yén para operator 3G kudu ngalayanan 80% populasi nasional masing-masing nagara anggota dina tungtung taun 2005.

Pangwangunan jaringan 3G ditanggohkeun di sabagian nagara di dunya lantaran biaya idin spéktrum frékuénsi anu mahal. Baca ogé Telecoms crash. Di réa nagara, jaringan 3G henteu ngagunakeun frékuénsi radio anu sarua jeung 2G, antukna para operator kudu ngawangun jaringan anu samasakali anyar sarta merlukeun idin guna frékuénsi anu ogé anyar; anu mahiwal mah kajadian di Amérika Sarikat di mana para operator ngajalankeun layanan 3G dina frékuénsi anu sarua jeung layanan sélulér lianna. Sedengkeun di Éropah, biaya idin di sabagian nagara anggota mahal pisan. Alesan lain nu ngabalukarkeun pananggohan layanan 3G nyaéta waragad pikeun ningkatkeun kamampuh alat-alat nu aya supaya jadi sistem anu anyar.

Nepi ka bulan Juni 2007, aya 200 juta langganan anu geus kasambungkeun kana layanan 3G. Dibandingkeun jeung palanggan telepon sélulér sadunya anu jumlahna 3 triliun, angka éta ngan 6.7%. Di nagara-nagara tempat 3G munggaran disadiakeun – Jepang jeung Koréa Kidul – leuwih ti satengah langganan telepon sélulér ngagunakeun 3G. Di Éropah, Italia mangrupa nagara anu rahayatna panglobana ngagunakeun layanan 3G; sapertilu jumlah langganan telepon sélulérna pindah ngagunakeun éta layanan. Nagara lianna anu mingpin dina migrasi ka 3G di antarana Inggris, Austria jeung Singapura anu ngahontal angka 20% tina jumlah langganan telepon sélulér.

EMTEL Ltd, pausahaan télékomunikasi sélulér kadua panggedéna di Mauritius, geus ngamparkeun jaringan 3G UMTS komérsial munggaran di Afrika (percobaan telepon munggaran dilakukeun dina tanggal 16 Oktober 2004). Layanan komérsial anu sapinuhna mitembeyan dina bulan Nopémber 2004, anu ngajadikeun jaringan 3G boga ieu pausahaan sabagé jaringan 3G komérsial munggaran di Afrika. Di Afrika beulah kalér, Wana di Moroko nyadiakeun layanan 3G dina ahir Maret 2006. Operator lianna di éta nagara ngamimitian ngajalankeun jaringan 3G dina patengahan taun 2007. Vodafone Mesir (anu katelah ogé CLICK GSM) nyadiakeun layanan 3G dina patengahan taun 2006. Dina awal taun 2007, Vodacom Tanzania mimiti migrasi kana sistem 3G High-Speed Downlink Packet Access (HSDPA) di Dar Es Salaam. Tanzania mangrupa nagara kadua di Afrika anu ngagunakeun téknologi kasebut saenggeus Afrika Kidul. Dina bulan Maret 2007, Nigeria méré idin 3G ka tilu pausahaan GSM panggedéna sarta ka hiji pausahaan anu teu kasohor, Alheri Engineering Co. Ltd, pikeun ngaréaan rupa layananana.

Rogers Wireless mimiti nawarkeun layanan 3G HSDPA di Kanada Beulah wétan dina awal taun 2007.

Other Languages
azərbaycanca: 3G
беларуская (тарашкевіца)‎: 3G
български: 3G
বাংলা: ৩জি
bosanski: 3G
català: 3G
čeština: 3G
dansk: 3G
Deutsch: IMT-2000
English: 3G
euskara: 3G
suomi: 3G
français: 3G
ગુજરાતી: ૩જી
עברית: דור 3
हिन्दी: ३जी
hrvatski: 3G
magyar: 3G
Հայերեն: 3G
Bahasa Indonesia: 3G
íslenska: 3G
italiano: 3G
Basa Jawa: 3G
ಕನ್ನಡ: 3ಜಿ
Кыргызча: 3G
lietuvių: 3G
latviešu: 3G
македонски: 3G
മലയാളം: 3ജി
मराठी: थ्रीजी
Bahasa Melayu: 3G (Generasi Ketiga)
नेपाली: थ्री जी
Nederlands: 3G
norsk nynorsk: 3G
norsk: 3G
Kapampangan: 3G
polski: 3G
português: 3G
română: 3G
русский: 3G
саха тыла: 3G
Scots: 3G
slovenčina: 3G
Soomaaliga: 3G
svenska: 3G
தமிழ்: 3ஜி
తెలుగు: 3G
ไทย: 3 จี
Tagalog: 3G
Türkçe: 3G
українська: 3G
اردو: 3 جی
oʻzbekcha/ўзбекча: 3G
Tiếng Việt: 3G
中文: 3G
粵語: 3G