විෂ්ණු

විෂ්ණු
ආරක්ෂක දෙවි, යහපත රැකීම, ධර්මය ප්‍රතිෂ්ඨාපනය, මෝක්ෂය[1][2]
Bhagavan Vishnu.jpg
විෂ්ණු
දේවනගරිविष्णु
සංස්කෘත පරිවර්තනයViṣṇu
අනුබැඳියබ්‍රහ්මන් (වෛෂ්ණව ආගම), ත්‍රීමූර්ති, දේව, ත්‍රිදේව්
වාසභවනයවෛකුන්ත
ආයුධයචක්‍රය (සුදර්ශන චක්‍රය) සහ යගදාව (කෞමෝදකී ගදා)[3]
සංකේතනෙළුම්, ශේෂ
වල්ලභයන්ලක්ෂ්මී
වාහනයගරුඩා[3]
උත්සවහෝලි, රාම් නවාමි, ක්‍රිෂ්ණ ජන්මාෂ්ටමි, නරසිංහ ජයන්ති, ඕනම්, තුල්සි විවාහ්[4]
විෂ්ණු දෙවියෝ

විෂ්ණු (සංස්කෘත උච්චාරණය : [ vɪʂɳu ] ; සංස්කෘත : विष्णु , Viṣṇu ) හින්දු වඩාත්ම සැලකිය යුතු දේවතාවන්ගෙන් කෙනෙකි.ඔහු වෛශ්ණවවාදය අනුව ශ්රේෂ්ඨත්ම් දෙවියන් Svayam Bhagavan ( හින්දු ආගමේ ප්රධාන නිකායන් එක් ) වේ. ඔහු නාරායන හා හරි ලෙස ද හැඳින්වේ.මෙම ස්මාර්ත සම්ප්‍රදාය තුළ දෙවියන් වහන්සේගේ මූලික ආකාර පහ අතරින් එකක් ලෙස, ඔහු " ආරක්ෂකයාණන් හෝ ආරක්ෂකයා " ලෙස තේරුම් ඇත. හින්දු පූජනීය පෙළට , විෂ්ණු සාමාන්යයෙන් ජලය පිරවූ වලාකුළු අඳුරු ස්වරූපයක් සහිත හා අත් හතරක් සහිත ලෙස අයෙකු විස්තර කෙරේ. සුදුමැලි නිල් ද ලෙස විස්තර කර ඇත .

විෂ්ණු දෙවියන් හින්දු දෙවියෙකි. නිල් පැහැති සමක් හා අත් සතරක් ඇත​. රථය ගරුඬා ය​. පංචජන්‍ය නම් ශංඛය, සුදර්ශන් චක්‍රායුධය, යගදාව හා නෙලුම් මල අත් සතරින් දරයි. මහානුභාව සම්පන්න මැණිකක් වන කෞස්තුභ මාණික්‍ය ගෙල පැලඳ සිටී.පපුවේ ශ්‍රී වත්ස නම් කෙස් රොදක් වෙයි. පතිනිය වන ලක්ෂ්මී දේවිය උරයේ වාසය කරයි.

විෂ්ණු අවතාර(මනුලොව උපත ලැබීම්)

විෂ්ණු දෙවියන්ගේ අවතාර පිළිබඳ තොරතුරු අඩංගු වන්නේද, ‘පුරාණ’ ග්‍රන්ථයේය. විෂ්ණු දෙවියන්ගේ අවතාර (අවතාර ලෙසින් හැඳින්වූවද මනුලොව උපත ලැබීම්‍ ය. සාමාන්ය අර්ථයෙන් අවතාර නොවේ.) හෙවත් ඉපදීම් 10 ක් සඳහන් වන අතර එයින් 9 ක් අතීතයේ පහළ වු අතර කලි යුගය අවසානයේදී අනෙක් අවතාරය හෙවත් කල්කී පහළ වේ.

(නොකඩවා වැසි ඇද හැලෙන්නට වුනු සමයක් , සත් සමුදුරුම කැලැඹිලා රළ වියරු වුනු සමයක්, වට වැසි , ජලය, කරදිය එක්වෙලා ගම් බිම් වසාගනිමින් සමස්ත පෘතුවියම ජලයෙන් යටපත් වන්නට ගිය සමයක්, සිදුවන අනතුර ගැන ලොව පහළ වූ පළමු මනුෂ්යයා වන මනු ට දැන්වූ ශ්‍රී විෂ්ණු දෙවිදුන් මත්ස්ය වේශයකින් ලෝකයේ පහළ වෙනවා , ඉනික්බිති බල සම්පන්න නෞකාවක ස්වරූපයක් නිර්මාණය කරන එතුමන් මත්ස්ය වේශයෙන් ඒ නෞකාව හිසින් ඇදගෙන පැමිණ මනු සහ ඔහුගේ පවුලත් , සප්ත මහා සෘෂීහුනුත් නැවට නංවා ලෝකය වනසාලූ රුදුරු ජල ගැල්මෙන් බේරා ගනු ලබනවා.)

කුර්ම අවතාරය

එක් කාලයක දුර්වාශස් නම් ඍෂීවරයා ශක්‍රයාට (ඉන්ද්‍ර දෙවියන්) ත්‍යාගයක් ලෙස දුන් මල්මාලයක් ඔහු ක්‍රීඩා කිරීම පිණිස ඓරාවණ නම් දිව්‍යමය හස්තියාට දුන්නේය. මේ ගැන කිපුණු ඍෂීවරයා සියලුම දෙවිවරුන්ගේ බලය පිරිහෙත්වායි ශාප කළේය. එය එසේම සිදුවූ අතර අවස්ථාවෙන් ප්‍රයෝජනය ගත් මහා බලි නැමැති අසුරයා සේනාව රැගෙන ඉන්ද්‍ර දෙවියන්ගේ තලය (Plane)වන ස්වර්ග ලෝකයේ අමරාවතී පුරය අල්ලා ගැනීමට පැමිණියේ ය. තමන් පරාජයට පත්වන බව දත් සුරයෝ ( දෙවියන්) විෂ්ණු දෙවිඳුන් හමුවට ගොස් පිහිට පැතූහ. දිවැස් ලා බැලූ විෂ්ණු දෙවිඳුන්ට ක්ෂීරසාගරය කලඹා අමෘතය ලැබ පානය කිරීමෙන් මිස දෙවියන්හට බලවත් විය නොහැකි බව පෙණුනි.ක්ෂීරසාගරය කැලඹීම සුරයන්ට පමණක් කල නොහැකි නිසා අසුරයන් සමඟ සමගියෙන් ක්ෂීරසාගරය කලඹවා ලබා ගන්නා අමෘතය හරියට දෙකට බෙදා ගන්නා ගිවිසුම පිට අසුරයන්ද කැමති කරවා ගත්හ.

2 වන මතය - ලොව වනසාලපු ඒ රුදුරු ජල ගැල්මෙන් ලොව පැවති සියලු මහානුභාව වස්තූන් සයුරට ඇදී යනවා , දෙවියන්ට හිමිව තිබූ මහානර්ඝ වස්තුව වුනු අමුරුත පවා මේ වස්තූන් එක්ක මේ වස්තූන් සමග සයුර තුල සැගවී යනවා . දිගු කලක පටන් සුරයන් සමග යුද්ධ කරමින් හුන් අසුරයින්ට දෙවියන් සතුව තිබූ මේ මහානර්ඝ වස්තුව නැතිව යාමෙන් අති මහත් සතුටට පත් වෙනවා , ඔවුන් සුරයන්ගේ බලය අඩු වන බව දැන සුරයන්ට නොබියව තාඩන පීඩන කරන්නට වෙනවා , මෙම ගැහැට ඉවසාගත නොහී සුරයෝ තමන්ව ගලවාගන්නා මෙන් විශ්ණු දෙවිදුන්ගෙන් ඉල්ලීම් කරනවා . ඉනික්බිති විශ්ණු දෙවිදුන් ශිව දෙවිදුන් සමග එක්ව මන්දිර පව්ව ගලවා වාසුකී නම් නා රජු ඒ වටා ඔතා තෙමේ කුර්මාවතාරයෙන් පහලව කිරි සයුරේ ගිලී මන්දිර පව්ව පිට මත තබාගෙන වාසුකීගේ වල්ගයෙන් හා හිසින් අදිමින් ඉදිබු වේශයෙන් මන්දිර පව්ව සොලවමින් සුරයෝ කලඹන්නට වූහ , ඒ හේතුවෙන් රළ පෙළ සගවා තබා ගත් ඒ මහානර්ඝ වස්තූන් මතුවන්නට වූවා , කල්ප වෘක්ෂය , සුරබිදෙන , ශ්‍රී ලක්ශ්මිය , හලාහල විෂ වැනි ඒ වස්තූන් සමග අමුරුතයත් මතු වෙනවා , ඒ ලැබීමෙන් සුරයන්ට අසුරයන් පරදා ජය ගන්නට හැකි වෙනවා

වරාහ අවතාරය

වරක් හිරණ්‍යාක්ෂ නම් අසුරයෙක් නැවත පෘථිවිය ක්ෂීරසාගරය තුලට හෙලුවේය. විශාල සූකර වේශයක් මවා ගත් විෂ්ණු දෙවිඳුන් අසුරයා මරා සිය දළ දෙක මත තබා පෘථිවිය නැවතත් මතු කළේය.

නරසිංහ(නෘසිංහ) අවතාරය

කාෂ්‍යප නැමැත්තාට අදිති ගෙන් උපන් හිරණ්‍ය කාෂ්‍යප නම් බලවත් අසුර රජෙකු වූ අතර ඔහු උග්‍ර තපසක් රැක, දෙවියන්, මිනිසුන් තිරිසනුන්ට හෝ රෑ,දවල් හෝ ගෙදරදී පිටතදී හෝ අවියකින් හෝ විෂකින් හෝ තමාව නැසිය නොහැකි ලෙසට මහා බ්‍රහ්මයාගෙන් වරයක් ලබාගත්තේය. ඔහුගෙන් ගැලවීමක් ලබා දෙන ලෙස සියලු දේවතාවෝ විෂ්ණු දෙවිඳුන් හමුවට ගොස් ඉල්ලූහ.

බලි නම් රජු මහා තපසකින් අති සුවිශේශී සෘධි බලයක් උපදවා ගන්නට සමත් වෙනවා , මේ අසමසම බලය නිසා මහත්සේ උදම් වන බලි සිතූ මනාපයට අධර්මවාදී වන්නට වනවා , දෙවියන්ට පවා බලි මේ ලබලා තිබුණු අසීමිත බලය මහත් ගැහැටක් වෙනවා නමුත් බලි ලබලා තිබුණු අසීමිත බලය හේතුවෙන් ඔහුට එරෙහිව සටන් වදින්න දෙවියන් පවා බිය වනවා , කොහොම වුනත් මීට කදිම උපායක් භාවිතා කරන ශ්‍රී විෂ්ණු දෙවිදුන් ඉතාමත්ම මිටි පුද්ගලයෙකුගේ නොහොත් වාමනයෙක් වන් ස්වරූපයකින් ලෝකයේ පහල වෙනවා , ඉන් පසු ඔහු බලි රජුව හමුවීමට යනවා , බලි රජු ඒ කාලයේ එක්තරා යාගයක් පුරමින් හුන්නේ, ඔහු ලගට පැමිණ යමෙක් යමක් ඉල්ලයිද , බලි රජු නිසැකයෙන්ම එය ඔහුට ලබා දෙනවා... මේ කියන වාමනාවතාරයෙන් පහල වුණු විශ්නු දෙවිදුනුත් බලි හමුවට යනවා, ඔහු ඉල්ලනවා තමන්ගේ අඩි තුනක් වැසෙන පරිදි බිම් කඩක් ඔහුට ලබලා දෙන්න කියලා, ඒ අහලා සිනහවෙන බලි රජු ඔහුට ඕනෑම තමන් කැමති තැනකින් අඩි තුනක් වැසෙන බිම් ඉඩක් ලබා දෙන්න පොරොන්දු වෙනවා... එසැනින් මේ කුරු වාමනයා මහා යෝධයෙක් වන්න ගන්නවා , අහසත් පොලොවත් වාතස්කන්ධයත් තම තුන් පියවරින් වසාලන වාමන අවසානයේ බලි රජුට පාතාලය හැරුණු කොට යන්නට වෙන තැනක් නොමැති කරනවා

පර්ශුරාම අවතාරය

පර්ශුරාම යනු පර්ශු නැමැති පොරොව අතින් ගත් තැනැත්තා යන අරුතයි.

රාමාවතාරය

පුලස්ති නම් ඍෂිවරයාගේ විශ්‍රවස් නම් බමුණාහට කෛසී නම් රාක්ෂස ගෝත්‍රයට අයත් බිසවගෙන් රාවණ, විභීෂණ, කුම්භකර්ණ නම් පුතුන් තිදෙනෙක් හා සුපර්ණකා නම් දියණියක්ද එකවර උපත ලැබූහ. විශ්‍රවස් බමුණාගේ දේවමර්ණි නම් බිසවට ලැබුණු වෛශ්‍රවණ නම් පුත්‍රයාට හිමිව තිබූ ලංකාවේ රාජ්‍යත්වය ලබාගත් රාවණා , උග්‍ර තපස් රැක කිසිදා නොමැරෙන අමරණීයවන වරයක් මහා බ්‍රහ්මයා වෙතින් ලැබීය.

ක්‍රිෂ්ණාවතාරය

මේ කතා සාරය ඉතා දීර්ඝ වූවක් , ඒ වගේම ඉතාමත්ම ශ්‍රේෂ්ඨ වූවක් ,මීට වර්ෂ 5000කට පමණ පෙර මථුරා පුරයේ යාදව් වංශයේ උපත ලැබූ ක්‍රිෂ්ණාගේ පියා වාසුදේව් වූ අතර මව එකල රජ කල කංස් රජුගේ නැගණිය දේවකී ය. ඇගේ 8 වන පුත්‍රයා අතින් කංස් රජු ඝාතනය වෙතැයි රජු ඇසූ දෛවඥ අනාවැකියක් නිසා ඇගේ කුසෙන් බිහිවූ දරුවන් 7 දෙනෙකුම ඔහු කෲරතර ලෙස මරා දැමූ අතර 8 වැනි දරුවා වූ ක්‍රිෂ්ණාව එතුමාගේ පියා විසින් එක් රාත්‍රියක රැගෙන ගොස් තම ඤාතියෙකු වූ නන්ද නම් ගොපල්ලාගේ දරුවාට මාරු කලේය.

Other Languages
Afrikaans: Wisjnoe
Alemannisch: Vishnu
aragonés: Viṣṇu
العربية: فيشنو
অসমীয়া: বিষ্ণু
asturianu: Visnú
беларуская: Вішну
български: Вишну
भोजपुरी: विष्णु
Bahasa Banjar: Batara Bisnu
বাংলা: বিষ্ণু
བོད་ཡིག: ཁྱབ་​འཇུག
brezhoneg: Vichnou
bosanski: Višnu
català: Vixnu
کوردی: ڤیشنو
čeština: Višnu
Cymraeg: Vishnu
dansk: Vishnu
Deutsch: Vishnu
डोटेली: विष्णु
Ελληνικά: Βισνού
English: Vishnu
Esperanto: Viŝnuo
español: Visnú
eesti: Višnu
euskara: Vishnu
فارسی: ویشنو
suomi: Vishnu
Võro: Višnu
français: Vishnou
galego: Visnú
ગુજરાતી: વિષ્ણુ
עברית: וישנו
हिन्दी: विष्णु
hrvatski: Višnu
magyar: Visnu
Հայերեն: Վիշնու
Bahasa Indonesia: Wisnu
íslenska: Visnjú
italiano: Viṣṇu
日本語: ヴィシュヌ
Basa Jawa: Wisnu
ქართული: ვიშნუ
қазақша: Вишну
ភាសាខ្មែរ: ព្រះវិស្ណុ
ಕನ್ನಡ: ವಿಷ್ಣು
한국어: 비슈누
Latina: Vishnu
lietuvių: Višnus
latviešu: Višnu
македонски: Вишну
മലയാളം: വിഷ്ണു
मराठी: विष्णु
Bahasa Melayu: Maha Vishnu
မြန်မာဘာသာ: ဗိဿနိုးနတ်
Plattdüütsch: Wischnu
नेपाली: विष्णु
Nederlands: Vishnoe
norsk nynorsk: Visjnu
norsk: Vishnu
ଓଡ଼ିଆ: ବିଷ୍ଣୁ
ਪੰਜਾਬੀ: ਵਿਸ਼ਨੂੰ
polski: Wisznu
پنجابی: وشنو
português: Vixnu
română: Vișnu
русский: Вишну
संस्कृतम्: विष्णुः
Scots: Vishnu
srpskohrvatski / српскохрватски: Višnu
Simple English: Vishnu
slovenčina: Višnu
slovenščina: Višnu
српски / srpski: Вишну
svenska: Vishnu
தமிழ்: திருமால்
తెలుగు: విష్ణువు
тоҷикӣ: Вишну
Tagalog: Vishnu
Türkçe: Vişnu
українська: Вішну
اردو: وشنو
oʻzbekcha/ўзбекча: Vishnu
Tiếng Việt: Vishnu
Winaray: Vishnu
吴语: 毗湿奴
მარგალური: ვიშნუ
中文: 毗湿奴
Bân-lâm-gú: Vishnu
粵語: 毗濕奴