Aristosseno

Aristosseno

Aristosseno (Tarde, ... – ...) ha state 'nu combosetore e felosofe greche andiche, peripatetiche e scrittore 'mbortande assaije de teorie musecale ca ha vissute verse a fine d'u IV sechele n.C..Figghie de Spintaro, allieve de Socrate, ca 'nzieme a l'attane le facìe accumenzà a canoscere 'a museche e 'a filosofije. Se 'nderessò a 'a dottrine pitagoriche, pe pò addevèndà discepole de Lampo Eritreo, de Senofilo eppure spiccianne spiccianne une de le prengepale allieve de Aristotele. 'Nfatte avìe l'ingareche de tenè jndr'à scola soje leziune de musicologgije.

Jidde vuleve addevenè successore de Teofrasto eppure a 'a nomina soje a 'a direzione d'a scole peripatèteche, apprisse 'a morte de Aristotele, e queste ha state a cchiù granne delusione d'a vita soje. 'Nfatte se ne scìe a Mantina, 'na cetate d'u Peloponneso famose pa diffusione d'a museche, addò vevìe 'nu sbuenne de anne, avìe 'nu sacche de discepole ditte Aristosseni e ha state conzigliere d'u Re Neleo.

Spicciò le giurne sue jndr'à l'isole de Creta. Plutarco, jndr'à Vita de Licurgo ne dice ca a Pergamino stave 'u chiaute de Aristosseno.

A Aristosseno, cumme pe Archita ha state 'nditolate 'nu cratere, 'u cratere Aristosseno, ca se iacchije sus a superficie d'u pianete Mercurio.

Other Languages
العربية: أرسطكاس
čeština: Aristoxenos
Deutsch: Aristoxenos
English: Aristoxenus
español: Aristóxeno
français: Aristoxène
italiano: Aristosseno
қазақша: Аристоксен
Latina: Aristoxenus
Nederlands: Aristoxenos
polski: Arystoksenos
português: Aristóxenes
русский: Аристоксен
svenska: Aristoxenos
Türkçe: Aristoksenos
українська: Аристоксен
oʻzbekcha/ўзбекча: Aristoksen
Tiếng Việt: Aristoxenus