بسمارک

آٹو فان بسمارک
Bundesarchiv Bild 146-2005-0057, Otto von Bismarck.jpg
جرمن سلطنت دا پہلا چانسلر
جمیا:1 اپریل 1815 پرشیا
مریا:30 جولائی 1898 جرمن سلطنت
کم :چانسلر (21 مارچ 1871 – 20 مارچ 1890)
گن:جرمنی نوں اک کرن والا
دسخط:Otto Bismarck Signature.svg

اٹو ایڈورڈ لیوپولڈ فان بسمارک-شونہاؤزن (1 اپریل 1815- 30 جولائی 1898) جیہنوں اٹو فان بسمارک یا صرف بسمارک وی کیا جاندا اے، اک جرمن سیاستدان تے سیانا سیاسی آگو سی۔ 1871 وچ اوہنے کئی جرمن دیساں نوں رلا کے اک تکڑی جرمن سلطنت دی نیو رکھی تے ایہد اوہ 1890 تک چانسلر ریا۔ جرمنی جیہڑا صدیاں توں نکے نکے دیساں وج ونڈیا ہویا سی بسمارک نے اوہناں نوں کٹھیاں کرکے اک تکڑے جرمنی وچ پلٹ دتا۔

بسمارک پرشیا دا 1862–90 منسٹر پریزیڈنٹ ریا تے پر شیا نوں ایسیاں لڑائیاں وچ پایا جیدے وچ آسٹریا تے فرانس نوں ہار تے پرشیا نوں جت ہوئی تے نکے جرمن دیساں نوں پرشیا نال رلایا۔ جرمنی نوں کٹھا کرن مگروں اوہنے یورپ وچ طاقت دی ترکڑی نوں اک پدھر تے رکھیا تے یورپ نے 1870 تے 1880 دے دھاکیاں وچ امن دے مزے لۓ.

اوہنے اک نویں قوم دیس دی نیوں رکھی تے اک لوک بھلائی سرکار دا راہ کڈھیا۔ اوہنوں بدیساں وچ کلونیاں بنانا پسند نہیں سے پر لوکاں دے کین تے ایہ کم کیتا۔ اوہنے سارے مرداں نوں وو دا حق دتا پر چنے ہوۓ لوکاں کول چوکھی طاقت نہیں سی۔ بسمارک نوں لوکراج تے ایتبار نہیں سی تے اوہ اک تکڑی چنگی سکھائی گئی بیوروکریسی راہیں راج کردا سی جیدی طاقت جنکر ہتھ سی جیہڑی چڑھدے ول دی اک زمیندارہ پدھر سی۔

بسمارک اک جنکر نواب سی جیدا ویس اگے ودھواں تے تکڑا سی۔ اوہ اک لمی دیسی تے بدیسی سوچ رکھدا سی پر نکے موٹے رپھڑاں تے وی اوہدی اکھ سی۔ اوہدے کماں نے اوہنوں جرمناں دا اک قومی ہیرو بنا دتا تے اوہدے لئی کئی تھاواں تے یادگاراں بنائیاں گئیاں۔ اوہنے یورپ وچ اک ایسی پدھر بنائی جیدے نال امن ریا تے اوہنوں جرمنی دا موڈھی وی منیا جاندا اے۔


جم پل

اٹو فان بسمارک برلن دے لیندے ول پرشیا دے سیکسنی صوبے دی تھاں شونہاؤزن وچ اک امیر ٹبر وچ جمیا۔ اوہدا پیو کارل ولہلم فرڈیننڈ بسمارک (1771 - 1845) اک جنکر زمیندار تے پرشیائی فوجی افسر سی تے اوہدی ماں ولہمائن لوئزی مینکن برلن دے اک سرکاری ملازم دی چنگی پڑھی لکھی تی سی۔ بسمارک نے مڈھلی پڑھائی یوہان ارنسٹ پلامان ایلیمنٹری سکول تے فریڈرش ولہلم تے گراؤس کلوسٹر سیکنڈری سکول توں کیتی۔ 1832 تون 1833 تک اوہ گوٹنگن یونیورسٹی وچ قنون پڑھدا ریا تے 1833 توں 1835 تک ہمبولٹ یونیورسٹی برلن پڑھدا ریا۔ گوٹنگن وچ اوہدی یاری اک امریکی جان لاتھراپ موٹلے نال ہوئی جو فیر اک لکھاری بنیا۔ اوہنے بسمارک نوں اپنیاں لکھتاں وچ وکھرا تیز پر بڑا گنیا لکھیا اے۔ آس تے اوہنوں سفارتکاری دی سی پر اوہنے اپنے کم دا مڈھ آخن تے پوٹسڈیم توں وکالت توں کیتا۔ بنا کسے نوں پچھے دسے اوہ دو انگریزی کڑیاں پچھے گیا پر ویاہ ناں کیتے۔ اک سال اوہنے فوج وچ وی گزاریا۔ 25 دے دوالے اوہ اپنی ماں دے مرن تے اپنی زمین تے شونہاؤزن آیا۔ 30 دے دوالے اوہدی گوڑی یاری میری فان تھڈن نال ہوئی جیدا نواں ای ویاہ اک اوہدے یار نال ہویا سی تے اوہدیاں گلاں وچ آکے اوہ لوتھرن بن گیا تے بسمارک نے میری دی ساک اک امیر سوانی یوہانا فان پٹکامر نال 28 جولائی 1847 نوں کیتا۔ اوہناں دے تن نیانے ہربرٹ، ولہلم تے میری ہوۓ۔ اوہدی ٹبری اک شرمیلی، کلیاں رہن والی تے مزہبی سوانی سی۔

Other Languages
Alemannisch: Otto von Bismarck
አማርኛ: ቢስማርክ
azərbaycanca: Otto fon Bismark
башҡортса: Отто фон Бисмарк
žemaitėška: Uots fuon Bėsmarks
беларуская: Ота фон Бісмарк
беларуская (тарашкевіца)‎: Ота фон Бісмарк
български: Ото фон Бисмарк
kaszëbsczi: Otto von Bismarck
Nordfriisk: Otto von Bismarck
हिन्दी: बिस्मार्क
Fiji Hindi: Otto von Bismarck
interlingua: Otto von Bismarck
Bahasa Indonesia: Otto von Bismarck
Lëtzebuergesch: Otto von Bismarck
latviešu: Oto fon Bismarks
олык марий: Бисмарк, Отто фон
македонски: Ото фон Бизмарк
Bahasa Melayu: Otto von Bismarck
Plattdüütsch: Otto von Bismarck
Nederlands: Otto von Bismarck
norsk nynorsk: Otto von Bismarck
ਪੰਜਾਬੀ: ਬਿਸਮਾਰਕ
Piemontèis: Otto von Bismarck
português: Otto von Bismarck
русиньскый: Отто фон Бісмарк
srpskohrvatski / српскохрватски: Otto von Bismarck
Simple English: Otto von Bismarck
slovenčina: Otto von Bismarck
slovenščina: Otto von Bismarck
српски / srpski: Ото фон Бизмарк
Türkmençe: Otto Fon Bismark
татарча/tatarça: Отто фон Бисмарк
ئۇيغۇرچە / Uyghurche: ئوتتو ۋون بىسمارك
українська: Отто фон Бісмарк
oʻzbekcha/ўзбекча: Otto fon Bismark
Tiếng Việt: Otto von Bismarck
文言: 俾斯麥
Bân-lâm-gú: Otto von Bismarck
粵語: 俾斯麥