بایزید ۱

Osmanli-nisani.svgبایزید I
عثمانی سلطان
I Bayezit.jpg
Tughra of Bayezid I.JPG
راج ویلہ:1402–1389

بایزید I یا بایزید یلدرم(1354ء- 1402ء) 1389ء توں 1402ء تک سلطنت عثمانیہ دے چوتھے سلطان رہے تے اپنے پیو مراد I دے بعد تخت سمـبھالیا جہڑے کہ جنگ کوسوو چ شہید ہوگئے سن ۔

تخت سمبھالن دے فورا بعد بایزید نے اپنے چھوٹے بھائی یعقوب دی بغاوت ختم کیتی تے بعد چ سربیا دے شاہ لازار دی دھی شہزادی دسپینا نال ویاہ کیتا تے سٹیفن لازاریوچ نوں سربیا دا نواں سربراہ مقرر کیتا تے سربیا نوں کافی خودمختاری دے دتی ۔ اس فتح دے بعد بایزید نوں عیسائی بیوی دے زیر اثر شراب دی لت پئے گئی ، پر بعد چ سلطنت عثمانیہ دے خلاف عیسائیاں دے اعلان جنگ تے اوہ اس توں تائب ہوگئیا ۔

سنہ 1391ء چ بایزید نے قسطنطنیہ دا محاصرہ کیتا ، جہڑا اس ویلے بازنطینی سلطنت دا راجگھر سی ۔ 1394ء چ بازنطینی حکمران جون پنجم پیلایولوکس دے مطالبے پے ، سلطنت عثمانیہ نوں شکست دین لئی پوپ یونیفیس نہم نے صلیبی جنگاں دا اعلان کیتا ۔ شاہ ھنگری تے مقدس رومی سلطنت دے حکمران سجسمنڈ دی زیر قیادت اس مسیحی جٹ چ فرانس تے ولاچیا وی شامل سن ۔ دوناں فوجاں دا ٹکراؤ 1396ء چ جنگ نکوپولس چ ہوئیا ، جس چ بایزید نے عظیم الشان فتح حاصل کیتی ۔ اس شاندار فتح نے نا صرف یورپ دیاں عیسائیاں دی کمر توڑ دتی بلکہ بایزید دی شہرت نوں وی بام عروج تے پہنچا دتا ۔

اس فتح دی خوشی چ بایزید نے راجگھر بروصہ چ عظیم الشان مسجد جامع اولو تعمیر کروائی ۔

قسطنطنیہ دا محاصرہ 1401ء تک جاری رہیا ، جس دے دوران اک دفعہ نوبت ایتھے تک آ گئی کہ بازنطینی حکمران شہر توں فرار ہوگئیا تے قریب سی کہ شہر مسلمان فوجاں دے ہتھ آ جاندا ، کہ بایزید نوں مشرقی سرحداں تے امیر تیمور دے حملے دی خبر ملی ، جس تے اسنوں مجبورا محاصرہ چکنا پئیا ۔

سنہ 1400ء دے نیڑے وسطی ایشیا دے جنگجو حکمران امیر تیمور نے مقامی حکمراناں نوں شکست دے کے اک وسیع سلطنت " تیموری سلطنت " قائم کرن ج کامیاب ہوگئیا۔ 20 جولائی 1402ء چ جنگ انکرہ چ تیمور نے عثمانی فوجاں نوں شکست دے کے بایزید نوں گرفتار کرلئیا ، پر عثمانی شہزادے فرار ہون ج کامیاب ہوگئے ۔ ۔ مشہور اے کہ تیمور نے بایزید نون اک پنجرے چ قید کردتا سی تے اسنوں ہر جگہ نال لئی پھردا سی ، پر اسدا تریخ چ کوئی ثبوت نئیں ، بلکہ اسنے بایزید نال ودھیا برتاؤ کیتا سی ۔ سلطان بایزید یلدرم 1403ء چ اس شکست دے غم نال جنگ دے اک سال بعد ای وفات پا گئیا ۔


Other Languages
Afrikaans: Bajezid I
العربية: بايزيد الأول
azərbaycanca: İldırım Bəyazid
башҡортса: Баязит I
беларуская: Баязід I
беларуская (тарашкевіца)‎: Баязід I
български: Баязид I
brezhoneg: Bayezid Iañ
bosanski: Bajazid I
català: Baiazet I
čeština: Bajezid I.
Deutsch: Bayezid I.
Zazaki: Beyazid I
Ελληνικά: Βαγιαζήτ Α΄
English: Bayezid I
español: Bayezid I
eesti: Bayezid I
euskara: Bayezid I.a
suomi: Bayezid I
français: Bajazet Ier
Gàidhlig: Bayezid I
galego: Bayezid I
hrvatski: Bajazid I.
Հայերեն: Բայազիդ I
Bahasa Indonesia: Bayezid I
italiano: Bayezid I
ქართული: ბაიაზიდ I
қазақша: I Баязит
lietuvių: Bajazitas I
latviešu: Bajezids I
македонски: Бајазит I
монгол: I Баязид
Bahasa Melayu: Bayezid I
Nederlands: Bayezid I
norsk: Bayezid I
occitan: Bazajet Ièr
português: Bajazeto I
română: Baiazid I
русский: Баязид I
Scots: Bayezid I
srpskohrvatski / српскохрватски: Bajazid I
slovenčina: Bayezid I.
slovenščina: Bajazid I.
shqip: Bajaziti I
српски / srpski: Бајазит I
svenska: Beyazit I
Türkçe: I. Bayezid
oʻzbekcha/ўзбекча: Boyazid I Yildirim
Tiếng Việt: Bayezid I
Bân-lâm-gú: Bayezid 1-sè