Lus

Drapò piemontèis.pngVos an lenga piemontèisa
Për amprende a dovré 'l sistema dle parlà locaj ch'a varda sì.

La lus a l'é la radiassion eletromagnética ch'a peul esse arlevà da l'euj.

Ël sènter dla region dël visìbil a l'é a na longheur d'onda d'apopré 555 nm.Na lus ëd costa longheur d'onda a dà na sensassion ëd giàun verd.
S'as pijo, ëd fasson arbitraria, tanme limitassion ëd lë spetr visìbil le longheur d'onda a le quaj la sensibilità dl'euj a l'é cascà a l'1% ëd sò valor màssim, ij termo a ven-o a esse a 430 nm e 690 nm.L'euj a peul arlevé la radiassion antra costi lìmit s'a l'é fòrta a basta.

Le linie arlongh la diression anté che la lus a viagia as ciamo raj.Ant le sostanse omogenie, ij raj a son dle linie drite.

  • la natura e l'andi dla lus

La natura e l'andi dla lus

La stòria dij tentativ ëd capì la natura dla lus a forniss n'esempi motobin anteressant ëd dësvlup gradual ëd na teorìa sientìfica.

Ant ij temp pi antich j'òm a l'han pensà che la vision a arzultèissa da cheicòs mandà fòra da l'euj. Pi tard, a l'é stàit pensà che un fluss ëd partissele a surtèissa da na fiama o da n'àutr oget luminos për intré ant l'euj e produve la vista. Ës fluss a podìa esse arfletù da oget nen luminos për rendje visìbij.

Newton a l'ha dësvlupà costa teorìa corporin-a, con na spiegassion matemàtica dla rifrassion e dl'arflession, conforma ai fàit conossù. Apopré ant l'istess perìod, ël tard sécol ch'a fa XVII, Christiaan Huygens (1629-1695) a l'ha poponù na teorìa ondulatòria dla lus, ch'a podìa dé dë spiegassion bon-e istess dla rifrassion e dl'arflession. Dagià che a col temp ij fenòmeno dl' antërferensa e dla difrassion dla lus a j'ero ancor nen ëstàit dëscoatà, le doe teorìe a smijavo bon-e istess e contraditòrie l'un-a con l'àutra.
A son passaje pi che sent agn prima che le dëscuverte dl'antërferensa, dla difrassion e dla polarisassion a stabilièisso ëd fasson gorëgna la natura ondulatòria dla lus. Studi sucessiv ëd l'andi dla lus e la mzurassion dle longheur d'onda spetraj a l'han confirmà costa posission.

L'andi dla lus

L'andi con ël qual a viagia la lus - e an efet tuta energìa anrajanta - a l'é un-a dle quantità mzurà con pi precision ëd tute le siense fìsiche. Ël valor acetà dl'andi dla lus ant lë spassi veuid a l'é

.

Costa a l'é un-a dle costante pi amportante ant la teorìa fìsica. Ant la teorìa d'Einstein, l'andi dle partissele materiaj a l'é limità da l'andi dla lus ant ël veuid e la relassion antra massa e energìa a ìmplica l'andi dla lus.

L'andi dla lus a l'é diferent ant ij vàire materiaj e a l'é pì cit an qualsëssìa mojen material che ant ël veuid. Foucault (dël 1850) e Michelson a l'han tuti doi mzurà l'andi dla lus ant l'eva. A l'é stàit donca osservà che ant l'eva l'andi dla lus a l'é apopré ij tre quart che ant l'aria. A l'é stàit n' esperiment decisiv, che a l'ha për un moment eliminà un-a dle teorìe rivaj dla lus.

Newton, con soa teorìa corporin-a, a l'ha mostrà che le laj dla mecànica ordinarie a podìo rende cont dle caraterìstiche osservà ëd la lus si costa-sì a l'èissa viagià pì an pressa ant un material satì (tanme l'eva) che ant l'aria. La teorìa ondulatòria dësvlupà da Huygens a smonìa na spiegassion lògica autërtant bon-a dl'arflession e dla rifrassion e na spiegassion pi sempia dla difrassion. La teorìa ondulatòria a antivëdìa che la lus a dovèissa viagé pi pian ant un mojen satì che ant l'aria. La mzura direta ëd Foucault dl'andi dla lus ant l'eva a l'ha decidù ël debà a pro dla teorìa ondulatòria e la teorìa corporin-a a l'é stàita butà da banda.

La posission moderna

Tutun, d'àutre dëscuverte a l'han ëmnà dij dùbit an sla teorìa ondulatòria. La spiegassion ëd Planck ëd la distribussion dla radiassion dël còrp nèir, ël tratament d'Einstein ëd l'efet fotoelétrich e lë studi ëd Compton ëd lë spatarament dij raj X da part dj'eletron a ciamavo tuti l'assonsion ëd na natura corporin-a dla radiassion eletromagnética, sensa però dësvalidé l'evidensa ëd na natura ondulatòria.

Bele che as sia nen artornasse a la concession ëd Newton ëd la lus coma fàita da partissele massisse, la teorìa dël di d'ancheuj a consìdera che la lus a l'ha dle caraterìstiche sia d'onda che ëd partissele.

Other Languages
Afrikaans: Lig
Alemannisch: Licht
አማርኛ: ብርሃን
aragonés: Luz
العربية: ضوء
مصرى: النور
অসমীয়া: পোহৰ
asturianu: Lluz
Aymar aru: Qhana
azərbaycanca: İşıq
تۆرکجه: ایشیق
башҡортса: Яҡтылыҡ
Boarisch: Liacht
žemaitėška: Švėisa
беларуская: Святло
беларуская (тарашкевіца)‎: Сьвятло
български: Светлина
বাংলা: আলো
brezhoneg: Gouloù
bosanski: Svjetlost
català: Llum
Mìng-dĕ̤ng-ngṳ̄: Guŏng
ᏣᎳᎩ: ᎢᎦᎢ
کوردی: ڕووناکی
čeština: Světlo
Cymraeg: Goleuni
dansk: Lys
Deutsch: Licht
Ελληνικά: Φως
English: Light
Esperanto: Lumo
español: Luz
eesti: Valgus
euskara: Argi
فارسی: نور
suomi: Valo
Võro: Valgus
français: Lumière
Nordfriisk: Laacht
Frysk: Ljocht
Gaeilge: Solas
贛語:
galego: Luz
Avañe'ẽ: Mba'erendy
ગુજરાતી: પ્રકાશ
עברית: אור
हिन्दी: प्रकाश
Fiji Hindi: Prakaas
hrvatski: Svjetlost
Kreyòl ayisyen: Limyè
magyar: Fény
Հայերեն: Լույս
interlingua: Lumine
Bahasa Indonesia: Cahaya
Ilokano: Lawag
ГӀалгӀай: Сердало
Ido: Lumo
íslenska: Ljós
italiano: Luce
日本語:
Patois: Lait
la .lojban.: gusni
Basa Jawa: Cahya
ქართული: სინათლე
Taqbaylit: Tafat
қазақша: Жарық
ಕನ್ನಡ: ಬೆಳಕು
한국어:
Кыргызча: Жарык
Latina: Lux
Lëtzebuergesch: Liicht
Luganda: Ekitangaala
Limburgs: Lèch
Ligure: Luxe
lumbaart: Lüs
lietuvių: Šviesa
latviešu: Gaisma
Malagasy: Fahazavana
македонски: Светлина
മലയാളം: പ്രകാശം
монгол: Гэрэл
मराठी: प्रकाश
Bahasa Melayu: Cahaya
Mirandés: Luç
မြန်မာဘာသာ: အလင်း
Nāhuatl: Tlāhuīlli
Napulitano: Luce
Nedersaksies: Locht (straoling)
नेपाली: प्रकाश
नेपाल भाषा: जः
Nederlands: Licht
norsk nynorsk: Lys
norsk: Lys
Novial: Lume
Nouormand: Lumyire
occitan: Lutz
Oromoo: Ifa
ଓଡ଼ିଆ: ଆଲୋକ
ਪੰਜਾਬੀ: ਪ੍ਰਕਾਸ਼
Deitsch: Licht
polski: Światło
پنجابی: چانݨ
português: Luz
Runa Simi: Achkiy
română: Lumină
armãneashti: Luńinâ
русский: Свет
русиньскый: Світло
संस्कृतम्: द्युतिशक्तिः
ᱥᱟᱱᱛᱟᱲᱤ: ᱢᱟᱨᱥᱟᱞ
sicilianu: Luci
Scots: Licht
سنڌي: روشني
srpskohrvatski / српскохрватски: Svjetlost
සිංහල: ආලෝකය
Simple English: Light
slovenčina: Viditeľné svetlo
slovenščina: Svetloba
chiShona: Chiedza
Soomaaliga: Ileys
shqip: Drita
српски / srpski: Светлост
Seeltersk: Lucht
Basa Sunda: Cahya
svenska: Ljus
Kiswahili: Nuru
தமிழ்: ஒளி
తెలుగు: కాంతి
ไทย: แสง
Tagalog: Liwanag
Türkçe: Işık
Xitsonga: Rivoningo
татарча/tatarça: Яктылык
українська: Світло
اردو: روشنی
oʻzbekcha/ўзбекча: Yorugʻlik
vèneto: Łuxe
Tiếng Việt: Ánh sáng
walon: Loumire
Winaray: Lamrag
吴语:
ייִדיש: ליכט
Yorùbá: Ìmọ́lẹ̀
中文:
文言:
Bân-lâm-gú: Kng
粵語: