SV Auschdria Solzburg

Daer Ardickel baut der Palz iss in Pälzisch

De Schpordverroin Auschdria Solzburg, korz SV Auschdria Solzburg (dt: Sportverein Austria Salzburg; SV Austria Salzburg) issen Fuusballverroin aus Solzburg in Eestreich. De Verroin schpielt grad in de Erscht Klass Nord, des is die segst Liga in Eestreich. 2005 hott Red Bull de "alde" Verroin uffkaaft. Red Bull hott die Verroinsfarwe offiziell gelosst, awwer alles isch vun fioledd-woiß uff rod-woiß umgschdellt worre, weil des die Farwe vun Red Bull sinn. Die Fäns henn awwer gewollt, dass die 72-Johr ald Tradizion bleiwe duud, also henn se im Okdower 2005 e naii Auschdria middem alde Name un de alde Farwe gegrind. Die Fans henn Wimbledon un Manchester als Vorbild ghadde, wu Fans ach en naie Klub gegrind henn.

Gschischt

Zwäezibzich Johr "aldi" Auschdria

Om 13. Sebdember 1933 henn sich de FC Hertha Salzburg un de FC Rapid Salzburg zum SV Austria Salzburg zsammegschlosse. Im Krieg henn se middem SAK 1914 unnem 1. SSK 1919 zsamme als FG Salzburg gschpielt. 1953 is die Auschdria es erscht mol in die heegscht Liga (domols die Staatsliga A uffgschdieche). 1971 is mer es erschtmol Zwedder worre. Dodenoh sinn se als mo in die zwedd Liga abgschdieh un als mo werre uffgschdieh. 1992 un 1993 sin se werre Zwedder worre. 1994 henn se es erschdemol die Meeschderschaft gewunne un sin im UEFA-Bogaal bis ins Endschbiel kumme, wu se awwer donn geche Inder Mailand verlore henn. 1994 henn se als erscht eestreichisch Monnschaft in de Champions-League gschpielt un 1995 sin se nommo Meeschder worre. 1997 sin se nommo Meeschder worre. Ab donn waren se in de erscht Liga nimmi so gut. 2003 sin se vum Schdadion in Lehen noch Wals-Siezenheim umgezoh

Other Languages
azərbaycanca: Austriya Zalsburq FK
беларуская (тарашкевіца)‎: Аўстрыя Зальцбург
Bahasa Indonesia: SV Austria Salzburg
Lëtzebuergesch: SV Austria Salzburg