Circulatory system

Ing circulatory system ing sistema ning katawan a magdala king daya king mabilug a katawan. Ing pusu ampo reng uyat ing bibilug king circulatory system.

Artery ing aus da kareng uyat a magdala king daya padáyu o palaut king pusu. Lálati la reng artery kabang dadayu la king pusu. Nung malati na lang malati deti, arteriole ing aus karela.

Vein naman ing aus kareng uyat a magdala king daya papunta king pusu. Venule ing aus da kareng pekamalating vein. Daragul la reng vein kabang lalapit la king pusu.

Den namang capillary, mangalati lang uyat king pilatan da reng artery ampong vein.

Anya ing pamipulayi ning daya, pusu->artery->arteriole->capillary->venule->vein->pusu. en:Circulation ing aus kaniting pamipulayi ning daya. Adwa lang klasi deng circulation king circulatory system. Miraras king keraklan king katawan ing daya kapamilata’ning systemic circulation. Samantala, miraras naman ing daya kareng baga kapamilata’ning pulmonary circulation. (Ing buri nang sabyan ning pulmonary, tungkul kareng baga).

Systemic Circulation

Mitmu yang oxygen ampong sustansia ing dayang ibat king kaili ning pusu. Deng sustansia sangkap lang kailangan ning kekang katawan ba yang mie, alimbawa ing protina, taba, w:carbohydrate, bitamina ampong mineral. Ing daya ing magdalang oxygen ampong sustansia king katawan.

Systemic arterial blood ing aus kaniting daya kareng systemic artery a mitmung oxygen ampong sustansya. Neng kayi, mayayaus muring arterial blood iti.

Ing aorta ing pekamaragul a systemic artery king katawan. Ini ing maragul a uyat a lulwal king pusu. Ating mas mangalating artery a manyanga manibat king aorta. Deni namang artery, atin la pang mas malating artery a manyanga manibat karela. Magi no mang arteriole deng pekamalating artery.

Deng en:capillary ing malating dili kareng uyat. Magi lang capillary deng systemic arteriole. Pupunta kareng capillary ing daya ibat kareng arteriole. Karas karin, lulwal king daya ing oxygen ampong sustansya, at pupunta king the tissue a makapadurut kareng capillary. Miraras murin king daya ing carbon dioxide ampong dinat ibat king tissue. Capillary bed ing aus karing misanga-sangang capillary a magdalang daya king metung a lugal.

King sumangid ning capillary, magi ne mang venule. Deng venule ing pekamalati kareng vein. Deing vein ing manyubli king daya king pusu. Kabang lalapit la king pusu deng vein, lalu lang daragul. Deng vena cava ing maragul diling systemic vein king katawan. Adwa lang uri deng vena cava. Ing inferior vena cava ing kukwang daya king dake nang mababa ning katawan papunta king wanan nang tagiliran ning pusu. (“Mababa” ing kabaldugan ning “inferior” king medicina.)

Ing pusu ampo reng mangaragul a uyat
Other Languages
Alemannisch: Blutkreislauf
العربية: جهاز الدوران
অসমীয়া: সংবহন তন্ত্ৰ
azərbaycanca: Qan dövranı
تۆرکجه: قان دؤورانی
башҡортса: Ҡан әйләнеше
беларуская: Кровазварот
беларуская (тарашкевіца)‎: Кровазварот
български: Кръвообращение
brezhoneg: Gwazhiadurezh
bosanski: Krvotok
Deutsch: Blutkreislauf
客家語/Hak-kâ-ngî: Sùn-fàn hi-thúng
עברית: מחזור הדם
Fiji Hindi: Circulatory system
Kreyòl ayisyen: Sistèm sikilatwa fèmen
interlingua: Systema circulatori
Bahasa Indonesia: Sistem peredaran darah
日本語: 循環器
ភាសាខ្មែរ: ប្រដាប់របត់ឈាម
한국어: 순환계통
Кыргызча: Кан айлануу
Lingua Franca Nova: Sistem de sirculi
Limburgs: Bloodsómloup
македонски: Крвоток
Bahasa Melayu: Sistem peredaran
Plattdüütsch: Bloodkreisloop
norsk nynorsk: Krinsløpssystemet
Runa Simi: Sirk'a llika
русиньскый: Кружіня крові
саха тыла: Хаан эргиирэ
Simple English: Circulatory system
slovenčina: Obehová sústava
slovenščina: Obtočila
тоҷикӣ: Гардиши хун
татарча/tatarça: Кан әйләнеше
ئۇيغۇرچە / Uyghurche: ئايلىنىش سىستېمىسى
українська: Кровообіг
oʻzbekcha/ўзбекча: Qon aylanishi
Tiếng Việt: Hệ tuần hoàn
吴语: 循环系统
中文: 循环系统
Bân-lâm-gú: Sûn-khoân hē-thóng
粵語: 循環系統