Abortion

Malilyari ing abortion o "magpalaglag" neng gad yang mayayari ing pangabuktut at mamamate ya ing bingut. (Ing pangabuktut mangabaldugan yang atin yang dadalán a bingut king kayang katawan ing metung a babai.)

Sasabyan da reng doktor o manulu a adwa lang klasi reng abortion. Ing metung a induced o "puersahang" abortion, malilyari ya nung patuknangan ne ning doktor ing pangabuktut. (Ing buri nang sabyan ning induced, itang maging sangkan ning metung a milyari). Ita namang spontaneous abortion, malilyari nung mamamate ya itang kabuktut (fetus man o embryo) at lulwal yang dili na.

Neng kayi, pamangikwaning aus da reng tau (detang ali doktor) king spontaneous abortion. Keraklan, potang sabyan dang abortion, itang induced abortion ing amanwan da. Dapot sasabyan da reng doktor a pareu lang abortion deng pamangikwan (spontaneous abortions) ampong induced abortion.

Deng pamangikwan o "spontaneous abortions"

Marlas malilyari ing spontaneous abortion (pamangikwan). Kinsi porsyentu (15%) da reng pangabuktut ing makikikwan. Dapot dakal kareng babaing deti ing e man makibalung mabuktut la. Pilan ya mung duminggung maglwat itang pangabuktut. Malyari na mung isipan ning babaing magregla ya mu (nung atin yang lulwal a daya king kayang vagina misan pabulan). Makadanas lang spontaneous abortion deng 25% da reng bábai king bye ra.

Ing sangkan da reng pamangikwan o "spontaneous abortion"

Problema ya king chromosome ing marlas diling sangkan nung bakit malilyari ing pamangikwan. Atin yang adwang pulu’t atlung (23) chromosomes ibat king ima na at adwang pulu’t atlu (23) ibat king tata na ing bingut. Nung e ustu ing bilang da reti, mika prublema ing kayang pamanalkus (development) – e ustu ing kayang pamandagul. Malyari yang mika dakal a depektu ( sakit a atyu king bingut pangabait na).

Keraklan, e na na akwang kumabye ning bingut a maki prublema kareng kayang chromosome. Gad lang mamamate. Ating mapilan a prublema nung nukarin akwa rang mibait deng bingut. Alimbawa, malilyari ing Downs Syndrome nung atin yang chromosome #21 ing bingut. (Keraklan, atin lang tidwang kopya king balang uring chromosome deng tau.). Ini ing awsan dang trisomy 21 (ing tri- buri nang I908TY6R 534 sabyang atlu.)

Deng sintomas ning pamangikwan

Ing pamanganyaya king puki ing marlas diling sintomas. Malyaring ditak mung ditak ing daya (mas ditak pa kesa king karaniwan a regla). Malyari murin namang dakal a dakal ing daya (a lalung dakal kesa king karaniwan a regla).

Neng kayi, makaramdam lang sakit king bandang lalam ning karelang atyan (puson o low abdomen) deng aliwang bábai neng makikwan la. Neng kayi kawangis na niti ing sakit neng magregla la, o malyari namang mas masakit ya iti. O mapalyari namang ala yang bitasang panamdamang sakit. Nung dakal neng duminggu kalambat ing pangabuktut, malyari neng akit ning babai itang anák (fetus o epa mibait a bingut) kalwal na niti. Oneng nung ala ya pang labing adwang (12) duminggu, mapalyari kabud na mu daya ing akit na.

Ing pamanulu king pamangikwan

Neng kayi, e kaylangang magpaulu. Neng kayi, kaylangan dang manopera deng doktor. Iti muring surgical abortion ing gagawan da para kareng induced abortion. Neng kayi, mágreseta lang panulu deng doktor ba yang mitaglus ing pamangikwan a e ya mangaylangang paopera ing babai.

Other Languages
Afrikaans: Aborsie
aragonés: Alborto
العربية: إجهاض
مصرى: اجهاض
asturianu: Albuertu
azərbaycanca: Abort
башҡортса: Аборт
žemaitėška: Abuorts
беларуская: Аборт
беларуская (тарашкевіца)‎: Аборт
български: Аборт
বাংলা: গর্ভপাত
bosanski: Pobačaj
català: Avortament
کوردی: لەبەرچوون
čeština: Interrupce
Cymraeg: Erthyliad
dansk: Abort
Zazaki: Kurtaj
Ελληνικά: Έκτρωση
English: Abortion
Esperanto: Aborto
español: Aborto
eesti: Abort
euskara: Abortu
فارسی: سقط جنین
suomi: Abortti
føroyskt: Fosturtøka
français: Avortement
Frysk: Abortus
Gaeilge: Ginmhilleadh
galego: Aborto
Avañe'ẽ: Membykua
हिन्दी: गर्भपात
Fiji Hindi: Abortion
hrvatski: Pobačaj
Հայերեն: Վիժում
interlingua: Aborto
Ilokano: Alis
íslenska: Fóstureyðing
italiano: Aborto
ᐃᓄᒃᑎᑐᑦ/inuktitut: ᐃᓄᐃᑎᑦᑐᖅ
日本語: 妊娠中絶
Patois: Abaashan
Basa Jawa: Aborsi
ქართული: აბორტი
Kabɩyɛ: Hɔɔ lɩzɩɣ
қазақша: Аборт
한국어: 낙태
Кыргызча: Аборт
Latina: Abortus
Lëtzebuergesch: Ofdreiwung
Limburgs: Abortus
lumbaart: Abort
lietuvių: Abortas
latviešu: Aborts
मैथिली: गर्भपतन
Malagasy: Fanalan-jaza
македонски: Абортус
മലയാളം: ഗർഭഛിദ്രം
монгол: Аборт
मराठी: गर्भपात
Bahasa Melayu: Pengguguran
Malti: Abort
नेपाली: गर्भपतन
Nederlands: Abortus
norsk nynorsk: Abort
norsk: Abort
Chi-Chewa: Kuchotsa mimba
occitan: Avortament
ଓଡ଼ିଆ: ଗର୍ଭପାତ
ਪੰਜਾਬੀ: ਗਰਭਪਾਤ
polski: Aborcja
Piemontèis: Abòrt
پنجابی: ابورشن
português: Aborto
Runa Simi: Sulluchiy
română: Avort
русский: Аборт
русиньскый: Аборт
srpskohrvatski / српскохрватски: Abortus
සිංහල: ගබ්සාව
Simple English: Abortion
slovenčina: Interrupcia
slovenščina: Splav
chiShona: Kubvisa nhumbu
српски / srpski: Побачај
svenska: Abort
Kiswahili: Utoaji mimba
తెలుగు: గర్భస్రావం
Türkmençe: Abort
Tagalog: Pagpapalaglag
Türkçe: Kürtaj
татарча/tatarça: Аборт
українська: Аборт
oʻzbekcha/ўзбекча: Abort
Tiếng Việt: Phá thai
Winaray: Punit
ייִדיש: אבארטאציע
Yorùbá: Ìṣẹ́yún
中文: 堕胎
Bân-lâm-gú: Thu̍t-the
粵語: 落仔