Vidèo

 La vidèo regropa l'ensems de las tecnicas permetent l'enregistrament e la restitucion d'imatges animats, acompanhats o non de son, sus un supòrt electronic e non de tipe fotoquimic.

Lo mòt « vidèo » ven del latin « video » que significa: « vesi ». Es l'apocòpa de videofonia o videograma.

Teoria

Un flus vidèo es compausat d'una succession d'imatges que desfilan a un ritme fixe (per exemple 25 per segonda dins la norma Francesa L o 30 per segonda dins d'autra normas) per far l'illusion del movement. Cada imatge es descompausat en linhas orizontalas, cada linha essent una succession de punts. La lectura e la restitucion d'un imatge se fa donc sequencialament linha per linha al biais un tèxte escrich: d'esquèrra cap a drecha puèi de naut cap al bas.

Escansion

Escansion per entrelaçament

L'imatge d'un televisor es una succession d'escancions lineárias, partant del naut cap al bas de l'ecran. Als començaments de la television, la qualitat dels elements fosforescents del tube èra mediócre. Per aquel fach, quand lo fais tocava lo bas de l'ecran, lo naut aviá ja desparegut, provocant un fenomèn de beluguejament, sentit fortament per l'uèlh uman a l'entorn de 25 Hz o 30 Hz. La solucion mai simpla seriá estat d'accelerar la cadéncia de la scancion, mas aquó seriá estat plan costós en benda passanta. Una solucion mai astuciosa foguèt de sautar una linha sus doas per cada imatge, permetent atal de doblar la cadéncia de scancion tot en gardant una mèsma benda passanta. Atal, una primièra passa aficha totas las linhas imparas en dos còp mens de temps que per un imatge sensèr e una segonda passa aficha las linhas mancantas paras: aquó es l'entrelaçament. S'obten alara lo mèsme nombre de linhas d'escancion per un imatge, e se fa dos passatges a l'ecran per afichar un sol imatge. Se dich « trama » (« field » en anglés) una passa. Un imatge es donc constituit de doas tramas, per que cal doas passas per definir l'imatge (« frame » en anglés).

Las cameràs, que foncionan coma un « televisor inversat », utilizavan tanben aquel entrelaçament. Dins la primièra mitat del temps d'un imatge, una 1a presa de vista definís totas las linhas imparas, e una mitat d'imatge mai tard, una segonda presa de vista definís las linhas paras. Cal plan comprendre que las doas presas de vista son separadas dins lo temps (d'una mitat d'imatge). E quitament ambedoas presas de vistas son complementárias d'un punt de vista espacial (ambedos passatges se complètant dins lo quadre), ambedoas presas de vista n'afichan pas lo mèsme contengut! Se un subjècte se desplaça dins lo camp, tendra una posicion diferenta sus caduna de las doas tramas: i a alara un efècte de zig-zag sus cada « frame ».

Aquel problèma foguèt en partida resolgut per un dispositiu de lamas cristallinas birefringentas que « liçam » los detalhs en desdoblant los rais luminoses. Ne resulta una pèrda de definicion que balha als sistèma PAL e SECAM una resolucion verticala multiplicada per 0,7 ( factor de Kell) e vertadièrament sonque d'unas 400 linhas.

Escancion progressiva

Quand l'afichatge es pas mai entrelaçat, se dich escancion progressiva. Es lo biais de captura causit pels filmes realizats en HD TV o en D-cinemà destinats a èsser transferits e projectats en 35 mm.

Los 25 imatges progressius ( 25p) balhan alara a las cameràs un temps de pausa de 1/25 de segonda çò qu'es tròp long en tèrmes de resolucion temporala. Se preferís alara limitar lo temps d'integracion de las tramas a 1/50 s ( obturator electronic).

Other Languages
Afrikaans: Video
العربية: فيديو
asturianu: Video
беларуская: Відэа
беларуская (тарашкевіца)‎: Відэа
български: Видео
bosanski: Video
català: Vídeo
کوردی: ڤیدیۆ
čeština: Video
Cymraeg: Fideo
dansk: Video
Deutsch: Videotechnik
Ελληνικά: Βίντεο
English: Video
Esperanto: Video
español: Video
euskara: Bideo
فارسی: ویدئو
suomi: Video
français: Vidéo
Frysk: Fideo
Gaeilge: Físeán
贛語: 視頻
galego: Vídeo
עברית: וידאו
hrvatski: Video
Bahasa Indonesia: Video
íslenska: Myndband
italiano: Video
日本語: ビデオ
Patois: Vidio
Basa Jawa: Vidéo
қазақша: Бейнежазба
한국어: 비디오
kurdî: Vîdeyo
Кыргызча: Видео
lietuvių: Video
latviešu: Video
македонски: Видео
Bahasa Melayu: Video
မြန်မာဘာသာ: ဗီဒီယို
Nederlands: Video
norsk: Video
ਪੰਜਾਬੀ: ਵੀਡੀਓ
polski: Wideo
português: Vídeo
română: Video
русский: Видео
sicilianu: Video
Scots: Video
srpskohrvatski / српскохрватски: Video
Simple English: Video
slovenčina: Videotechnika
slovenščina: Video
shqip: Video
српски / srpski: Видео
svenska: Video
తెలుగు: వీడియో
Türkçe: Video
українська: Відео
اردو: ویڈیو
Tiếng Việt: Video
walon: Videyo
ייִדיש: ווידעא
中文: 视频
文言: 視頻
Bân-lâm-gú: Bí-ti-oh
粵語: 影片