Senèca lo Jove

Sénèque - Cordoue.JPG
Profession:escrivan, filosòf
País:
Data de naissença:4 AbC
Luòc de naissença:Còrdoa
Data de decès:65
Luòc de decès:Roma
Bust representant Senèca lo Jove

Luci Anneu Senèca, usualament conegut coma Senèca o Senèca lo Jove (4 AbC - 65) èra un filosòf roman, politic, dramaturg e, dins una òbra, umorista, de l'edat d'argent de la literatura latina.

Biografia

Nasquèt a Corduba (l'actual Còrdoa), Senèca èra lo segon filh d'Elvia e Marc (Luci) Anneu Senèca, un ric retor conegut coma Senèca lo Vièlh. Lo seu grand fraire, Luci Juni Gallion, èra procònsol d' Acaia (ont segon d'ancians documents crestians se trobèt amb l'apòstol Pau cap al 52). Senèca foguèt l'oncle del poèta Lucan, mejans son pichon fraire, Marc Anneu Mela.

La tradicion ditz que foguèt un mainat malautís, e qu'estudièt a Roma. Aprenguèt la retorica, e foguèt iniciat a la filosofia estoica per Atal e Sotion. Per causa de sa Malautiá foguèt en Egipte dempuèi 25 fins a 31 per èsser sonhat.

De retorn, s'establiguèt amb succès coma avocat. Cap a 37 manquèt de morir, a causa de problèmas amb l'emperaire Caligula, que pasmens li daissèt la vida salva perque pensava que sa marrida santat l'acabariá. En 41, Messallina, esposa de Claudi, convenquèt son espós de fòragetar Senèca en Corsega acusat d'adultèri amb Julia Livilla. Pendent aquel faidiment estudièt la natura e la filosofia, e escriguèt las Consolacions.

En 49, la nòva femna de Claudi, Agripina, l'apelèt a Roma per educar son filh, Luci Domici Aenobarb, que vendrà l'emperaire Neron. Aprèp l'assassinat de Claudi en 54, l'emperaire assegurèt lo tròn per son filh Neron, a la plaça de son filhastre Britanic.

Los primièrs cinc ans, lo quinquennium Neronis, Neron governèt judiciosament jos l'influéncia de Senèca e del prefècte pretorian, Sext Afrani Burre. Mas aqueles lèu perdèron lor influéncia, e son règne tornèt cap a la tirania. Amb la mòrt del prefècte en 62, Senèca se retirèt, per se poder consacrar a estudiar e escriure.

En 65 foguèt acusat d'èsser partit dins un complòt per tuar l'emperaire, la Conspiracion de Pison. Sens cap de procès, Neron li ordenèt de se suicidar. Tacit ne conta sa mòrt. Sa femna, Pompeia Paulina, que tanben temptèt de se tuar, Neron li ordenèt de viure.

Other Languages
Alemannisch: Seneca
አማርኛ: ሴኔካ
العربية: سنكا
asturianu: Séneca
azərbaycanca: Seneka Lutsius Anneus
беларуская: Сенека
bosanski: Seneka
català: Sèneca
کوردی: سەنیکا
čeština: Seneca
Deutsch: Seneca
Zazaki: Seneca
Esperanto: Seneko la Juna
español: Séneca
eesti: Seneca
euskara: Seneka
estremeñu: Séneca
français: Sénèque
Gaeilge: Seneca
galego: Séneca
Avañe'ẽ: Séneka pe Karia'y
עברית: סנקה
हिन्दी: सेनेका
hrvatski: Seneka Mlađi
Bahasa Indonesia: Seneca Muda
қазақша: Сенека
Lingua Franca Nova: Seneca
lietuvių: Seneka
македонски: Сенека Помладиот
മലയാളം: സെനക്ക
кырык мары: Сенека
português: Séneca
română: Seneca
srpskohrvatski / српскохрватски: Seneka
Simple English: Seneca the Younger
slovenščina: Lucij Anej Seneka
српски / srpski: Сенека
Tiếng Việt: Seneca
West-Vlams: Seneca
吴语: 塞内家
中文: 塞內卡
文言: 塞內加
粵語: 塞內卡