Mar de Japon


mar de Japon / mar de l'Èst
Sea of Japan
日本海 (japonés)
조선동해 (corean del Nòrd)
동해 (corean del Sud)
Япо́нское мо́ре (rus)

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Mapa de la Mar de Japon
Caracteristicas
Superficia978 000 km²
Pregondor
 - Maximala
 - Mejana

3 742 m
1 752 m
TipeMar bordièra
Geografia
LocalizacionOcean Pacific oèst
Païses ribairencsCorèa del Nòrd, Corèa del Sud, Japon, Russia
Subdivisions

La mar de Japon o mar de l'Èst[1][2] es una mar situada a l'oèst de l'ocean Pacific, enrodada a l'èst per las illas Japonesas d'Hokkaidō, Honshū e Kyūshū, a l'oèst per la peninsula coreana, e al nòrd per Russia e las illas Sakhalin.

La mar es religada a d'autras mars per sièis estreches paucs prigonds :

  • l'estrech de Tartaria (o estrech de Mamiya) entre lo continent asiatic e las illas Sakhalin, la religa a la mar d'Okhotsk ;
  • l'estrech de La Perosa (o estrech de Soya) entre las illas de Sakhalin e Hokkaidō, la religa a la mar d'Okhotsk ;
  • l'estrech de Tsugaru entre las illas de Hokkaidō e Honshū, la religa a l'ocean Pacific ;
  • l'estrech de Kanmon entre las illas de Honshū e Kyūshū, la religa a l'ocean Pacific ;
  • l'estrech de Tsushima entre las illas de Kyūshū e Tsushima, la religa a l'ocean Pacific ;
  • l'estrech de Corèa entre Tsushima e la peninsula coreana, la religa a la mar de China Orientala.

Lo punt mai prigond es de 3742 m jol nivèl de la mar; la fonsor mejana es de 1752 m. La superficia de la mar es d'a pauc près 978 000 km². La mar a tres bacins principals : lo bacin de Yamato situat al sud-èst de la mar de Japon ; lo bacin de Japon al nòrd ; lo bacin de Tsushima al sud-oèst. Lo bacin de Japon es la region pus prigonda de la mar, alara que las aigas mens prigondas se tròban dins lo bacin de Tsushima.

Suls ribatges orientals, los platèus continentals de la mar son largs, mas suls ribatges occidentals, al long de la còsta coreana, son estreches, amb en mejana 30 km de larg. L'aiga cauda de la mar contribuís al clima doç de Japon.

Lo nòrd e lo sud-èst de la mar son los sectors mai rics per la pesca. L'importància de la pesca en mar es plan illustrada per las reclamacions mutualas sus Dokdo per Japon e la Corèa del Sud. La mar es tanben importanta per sos minerals, l'arena de magnetita, son gas natural e lo petròli.

Bregas sul nom

En Corèa del Sud, aquela mar es nomenada la "mar de l'Èst" (동해; 東海, Donghae) e en Corèa del Nòrd, la "mar Orientala de Corèa" (조선동해; 朝鮮東海, Joseon Donghae). Dins los autres païses, es nomenada la "mar de Japon". En japonés, Nihonkai (日本海), en chinés Rìběnhǎi (日本海) e en rus Iaponskoie more (Япо́нское мо́ре). E mai aquesta apelacion siá contestada per las doas Corèas, la "mar de Japon" es lo nom oficial retengut per l'Organizacion Idrografica Internacionala en 1928 e per l'Organizacion de las Nacions Unidas.

Dins lo passat, s'es apelada indistintament "mar de l'Èst", "mar de Corèa", "mar de Japon" e "mar Orientala". A partir del sègle XIX l'apelacion de "mar de Japon" es devenguda predominanta sus las mapas geograficas.

Dempuèi los ans 1990, Corèa, encara fòrça patacada per l'imperialisme japonés, milita per far remplaçar l'apelacion de "mar de Japon" per lo tèrme de "mar de l'Èst". De notar que dins mantuna lenga europèa, es la mar Baltica qu'es sonada "mar de l'Èst" (Ostsee en alemand, Oostzee en neerlandés, etc.).

Other Languages
Afrikaans: See van Japan
العربية: بحر اليابان
অসমীয়া: জাপান সাগৰ
asturianu: Mar de Xapón
azərbaycanca: Yapon dənizi
تۆرکجه: ژاپون دنیزی
башҡортса: Япон диңгеҙе
žemaitėška: Japuonėjės jūra
беларуская: Японскае мора
беларуская (тарашкевіца)‎: Японскае мора
български: Японско море
brezhoneg: Mor Japan
bosanski: Japansko more
català: Mar del Japó
Mìng-dĕ̤ng-ngṳ̄: Nĭk-buōng-hāi
čeština: Japonské moře
Чӑвашла: Япон тинĕсĕ
Cymraeg: Môr Japan
dolnoserbski: Japańske mórjo
English: Sea of Japan
Esperanto: Japana Maro
español: Mar del Japón
français: Mer du Japon
贛語: 日本海
Avañe'ẽ: Para Hapõ
עברית: ים יפן
हिन्दी: जापान सागर
hrvatski: Japansko more
hornjoserbsce: Japanske morjo
Bahasa Indonesia: Laut Jepang
íslenska: Japanshaf
日本語: 日本海
қазақша: Жапон теңізі
ភាសាខ្មែរ: សមុទ្រជប៉ុន
한국어: 동해
Кыргызча: Япон деңизи
Lingua Franca Nova: Mar Japanes
lietuvių: Japonijos jūra
latviešu: Japāņu jūra
олык марий: Япон теҥыз
македонски: Јапонско Море
монгол: Япон тэнгис
Bahasa Melayu: Laut Jepun
مازِرونی: جاپون دریا
Plattdüütsch: Japaansche See
Nederlands: Japanse Zee
norsk nynorsk: Japanhavet
norsk: Japanhavet
Livvinkarjala: Japounienmeri
پنجابی: جپانی سمندر
português: Mar do Japão
română: Marea Japoniei
srpskohrvatski / српскохрватски: Japansko more
Simple English: Sea of Japan
slovenčina: Japonské more
slovenščina: Japonsko morje
Soomaaliga: Badda Jabaan
српски / srpski: Јапанско море
Basa Sunda: Laut Jepang
Kiswahili: Bahari ya Japani
тоҷикӣ: Баҳри Ҷопон
Tagalog: Dagat Hapon
Türkçe: Japon Denizi
татарча/tatarça: Япон диңгезе
українська: Японське море
oʻzbekcha/ўзбекча: Yapon dengizi
vepsän kel’: Japonijan meri
Tiếng Việt: Biển Nhật Bản
Winaray: Dagat Hapon
吴语: 日本海
მარგალური: იაპონიაშ ზუღა
中文: 日本海
文言: 日本海
Bân-lâm-gú: Ji̍t-pún-hái
粵語: 日本海