Fado

Fado per Jose Malhoa

Lo fado es l'expression mai populara de la musica portuguesa. Dins lo fado s'exprimisson los marrits moments de la vida a travèrs del cant.

Sembla que son origina remonta a las cançons dels esclaus africans, e mai se donat l'intens escambi de Portugal amb d'autras culturas a travèrs de la mar, las influéncias se multiplican.

Aprèp la pèrda de l'Empèri e de la Revolucion dels ulhets, lo fado es vengut representar lo sentiment de frustracion e fatalisme que, segon eles meteisses, definís los portugueses.

Existisson basicament doas versions de fados: una es la que se pòt escotar dins los quartièrs lisboetas de Mouraria e Alfama, e qu'a basicament un contengut personal e sentimental. L'autra es la de la zòna de Coïmbra, pus academica, coma o impausa lo passat universitari de la vila.

La cantaira de fados mai coneguda es Amália Rodrigues.Autres cantaires de fado: Heminia Silva, Dulce Pontes, Tonicha, Carlos don Carmo, Mariza, Misía, Paulo de Carvalho, Camané.

Fado de Coïmbra

Fichièr:Fados TAUC.jpg
Gropo de Fados de la Tuna Académica a Coimbra

Lo Fado tradicional de Coïmbra es ligat a las tradicions academicas de la seuna universitat. Es cantat unicament pels òmes dins la carrièra o en societat. Los cantaires coma los musicians son en general abilhats amb de vestits academics tradicionals negres, cauças, vestit long e vèsta de lana. Los cantaires que cantan coma los trobadors als temps dels reis, s'adreçan a las « domaisèlas » (las estudiantas). Se cantan la sera, dins las carrièras e per las plaças. Los luòcs mai tipics son las grasas del Monestièr Mosteiro de Santa Cruz e de la glèisa Sé Velha de Coïmbra.

Dins las annadas 1950, los nòus cantaires de Coïmbra adoptèron de tèmas folclorics. Se comencèt tanben de cantar los grands poètas classics e contemporanèus, coma forma de resisténcia a la dictatura de Salazar. Los fadistas d'aquel moment mai coneguts foguèron Adriano Correia de Oliveira e José Afonso.

Other Languages
العربية: فادو
asturianu: Fado
azərbaycanca: Fadu
български: Фадо
català: Fado
Chavacano de Zamboanga: Fado
čeština: Fado
dansk: Fado
Deutsch: Fado
Ελληνικά: Φάντο
English: Fado
Esperanto: Fado
español: Fado
eesti: Fado
euskara: Fado
فارسی: فادو
suomi: Fado
français: Fado
Gàidhlig: Fado
galego: Fado
עברית: פאדו
hrvatski: Fado
magyar: Fado
հայերեն: Ֆադու
Ido: Fado
íslenska: Fado
italiano: Fado
日本語: ファド
한국어: 파두
lietuvių: Fado
Nederlands: Fado (muziek)
norsk nynorsk: Fado
norsk: Fado
polski: Fado
português: Fado
română: Fado
русский: Фаду
srpskohrvatski / српскохрватски: Fado
српски / srpski: Фадо
svenska: Fado
Türkçe: Fado
українська: Фаду
Winaray: Fado
中文: 法朵