Bartolomeu Dias

Estatua de Bartolomeu Dias a Londres.


Bartolomeu Dias (1450 - 29 de mai de 1500) foguèt un navegador portugués, nòble de la cor reiala, conegut per èsser lo primièr explorador europèu a aténher a partir de 1488 l'extrèm sud d'Africa, religant aital ocean Indian e ocean Atlantic, un dels eveniments mai importants de l'istòria de la navegacion a vela.

Bartolomeu Dias foguèt lo primièr explorador que naveguèt al long de la còsta africana dins l'Atlantic Sud, son viatge, contunhat per Vasco de Gama un decenni pus tard (1497-99), contribuguèt al descobriment de la rota maritima de las Índias.

L'expedicion

En 1486 lo rei Joan II de Portugal l'encarguèt de montar una expedicion cap a la punta sud d'Africa dins l'espèr de trapar una rota maritima cap a las Índias. L'expedicion daissèt Lisbona en agost de 1487 amb doas caravèlas, la São Cristóvão, menada per Pêro de Alenquer, e la São Pantaleão, comandada per João Infante e menada per Alvaro Martins. Lo fraire de Bartolomeu, Pêro Dias èra lo capitani de la tresena nau encargada de l'intendéncia, amb João de Santiago coma pilòt. L'expedicion s'arestèt per se porgir en provisions a la fortalesa de Sao Jorge de Mina situada sus la "Còsta de l'aur" (Ghana actual). Dias atenguèt lo Golfo da Conceicão (Walvis Bay en Namibia actuala) en decembre. L'expedicion passèt al larg del Cap de Bona Esperança, e contuhèt a l'èst abans de dintrar dins l' Aguada de São Brás (Baia de Sant Blasi)- pus tard renomenada Mossel Bay - lo 3 de febrièr de 1488. Dias atenguèt lo punt extrèm de l'expedicion lo 12 de març de 1488 quora ancorèt a Kwaaihoek, prèp de la boca de la Bushman's River, ont un padrão -lo Padrão de São Gregorio - foguèt quilhat.[1] Dias voliá contunhar cap a Índia, mas foguèt forçat de se'n tornar per son equipatge que refusèt d'anar pus luènh.[2] Aquò foguèt pendent lo viatge de retorn que descobriguèt lo Cap de Bona Esperança, en mai de 1488. Dias tornèt a Lisbona en decembre del meteis an, aprèp una abséncia de setze meses.

Other Languages
Afrikaans: Bartolomeus Dias
azərbaycanca: Bartolomeu Diaş
беларуская: Барталамеу Дыяш
беларуская (тарашкевіца)‎: Барталамеў Дыяш
български: Бартоломеу Диаш
brezhoneg: Bartolomeu Dias
bosanski: Bartolomeu Dias
čeština: Bartolomeu Dias
Esperanto: Bartolomeu Dias
français: Bartolomeu Dias
hrvatski: Bartolomeu Dias
Bahasa Indonesia: Bartolomeu Dias
íslenska: Bartholomeu Dias
italiano: Bartolomeo Diaz
македонски: Бартоломео Дијас
Bahasa Melayu: Bartolomeu Dias
Mirandés: Bartolomeu Dias
Nederlands: Bartolomeu Dias
norsk nynorsk: Bartolomeu Dias
português: Bartolomeu Dias
română: Bartolomeo Diaz
srpskohrvatski / српскохрватски: Bartolomeu Dias
Simple English: Bartolomeu Dias
slovenčina: Bartolomeo Diaz
српски / srpski: Бартоломео Дијас
Kiswahili: Bartolomeo Dias
Türkçe: Bartolomeu Dias
українська: Бартоломеу Діаш
Tiếng Việt: Bartolomeu Dias