Eveniments
Occitània
França
Euròpa
Eleccions trucadas organizadas ambé la preséncia dei fòrças que permetèron ai comunistas e a seis aliats d'averar la majoritat. Puei, coma dins leis autrei país dau blòt orientau, lo regime, sostengut per lei Sovietics, eliminèt lei partits non comunistas e forcèt seis aliats de fusionar amb eu per formar un partit unic dich
Partit obrier unificat polonés (POUP).
Extension dau drech de vòte ai fremas.
Extension dau drech de vòte ai fremas.
Article detalhat :
Guèrra civila chinesa.
Perseguida de la guèrra civila tornada començar l'annada precedenta entre lei nacionalistas de Chiang Kai-shek e lei comunistas de Mao Zedong. Après sei succès de l'an precedent (→ 1946), lo
Kuomintang capitèt de contuniar son avançada dins lo nòrd e de conquistar
Yan'an qu'èra la capitala dei comunistas chinés. Pasmens, en realitat, aquela victòria èra unicament simbòlica car l'armada nacionalista èra en dificultat. D'efèct, menaçada per lei
guerilhas ruralas procomunistas, per de pèrdas grèvas dempuei lo començament de la guèrra e per la corrupcion dau regime, deguèt faciar lei premierei còntra-ofensivas comunistas a partir de junh dins lo nòrd e l'èst. Anava rapidament s'afondrar (→ 1948).
Arts
Sciéncias e tecnicas
Armament
Intrada en servici dau premier carri de combat de premiera generacion (lo T-54 ). A respèct dei carris de la Segonda Guèrra Mondiala, conjugava la velocitat d'un carri mejan e la poissança de fuòc e lo blindatge d'un carri pesuc. Aquò entraïnèt la disparicion progressiva de la division entre carris leugiers, mejans e pesucs desvolopats dempuei leis annadas 1930.
Autra consequéncia de la Segonda Guèrra Mondiala, intrada en servici dau fusiu d'assaut AK-47 que conoguèt un succès gigantesc e es totjorn fòrça utilizat au sègle XXI gràcias a sa simplicitat, sa robustesa e son còst feble.
Invencion dau premier
prototip de
pila boton per l'inventor estatsunidenc
Samuel Ruben (1900-1988). Èra basat sus d'electròdes zinc-oxid de mercuri e es a l'origina dei modèls modèrnes de pilas botons.
Invencion dau premier transistor per una còla de tres engenhaires e fisicians estatsunidencs — John Bardeen (1908-1991),
Walter Brattain (1902-1987), William Shockley (1910-1989) — trabalhant per lei
laboratòris Bell. Dispositiu permetent d'arrestar, d'amplificar ò de modular un corrent electric, lo transistor anava venir un compausant important en informatica e lei tres òmes recebèron lo Prèmi Nobel de Fisica per aquela descubèrta en 1956.
Au Reiaume Unit, desvolopament de la premiera memòria intèrna per l'engenhaire e fisician britanic
Frederic Calland Williams (1911-1977). Aquò permetèt de crear lo premier sistèma permetent de gardar d'informacions dins un ordinator.
Economia
