Unnion Soviétique

Ch't' articl'ye fut c'menchie en Jèrriais Jèrriais
L'êtchusson d'l'Union Soviétique

L' Unnion d'Républyiques Socialistes Soviétiques (en Russe: Союз Советских Социалистических Республик), racourchi Unnion Soviétique ou URSS, 'tait un êtat commeuniste en Ûrâsie entré 1922 et 1991. Entré 1945 jusqu'à sa tchête, l'Unnion Soviétique 'tait un supèrpiêssant êtat.

En théorie, l'Unnion Soviétique 'tait eune fédéthâtion d'républyiques êgales. En véthité, ch'tait eune dictatuthe.

Histouaithe

Au mais d'Novembre 1917 les Commeunistes gaffîtent lé pouvé en Russie en procliâmant eune politique d'la paix dans la Preunmié Dgèrre Mondiale, d'la tèrre pouor les paysans, et du pouvé ès soviets – les conmités d'ouvrièrs.

S'lon la théorie soviétique, l's ouvrièrs et les paysans vot'taient pouor des députés ès soviets locaux, ches'-chîn vot'taient pouor des députés ès soviets régionnaux, et l'dgiâbl'ye à quat', jusqu'au Haut Soviet tchi forméthait l'gouvèrnément du pays. Chu système théoriquement démocratique fut rempliaichi en êffet par la nomm'thie d'touos les candidats par lé parti commeuniste.

En 1922, quat' républyiques soviétiques – la Républyique socialiste soviétique Ukraînienne, la Républyique socialiste soviétique Biélorusse, la Républyique socialiste fédéthative soviétique Russe et la Républyique socialiste fédéthative soviétique Transcaucasienne – lus accordîtent dé graie eune fédéthâtion s'lon un Accord d'Unnion sinné lé 29 d'Dézembre 1922. Ch't accord fut ratifié lé 30 dé Dézembre par un congrès d'soviets à Moscou tchi d'vînt la capitale. L'Unnion atchilyit eune constitution en 1924.

Léninne, tch'avait m'né la révolution, avait 'té sus l'cârré d'pis 1922 et i' mouothit en 1924. Ouaithe qué ch'fusse Stalinne tch'avait l'pouvé adminnistratif du parti dans ses mains, Léon Trotski 'tait l'chein préféthé par les membres du parti. Léninne laîssit un testament dans tchi qu'i' dgèrnit ses parchonnièrs entouor lé caractéthe dé Stalinne, mais ch'fut supprînmé. Pouor 1927 Trotski fut renv'yé hors pays (un agent Stalinniste l'assâsinnit en Mexique en 1940), et pouor 1929 Stalinne avait carré l's aut's vièrs Bolchéviques du pouvé.

À seule fîn d'stabilîser l'êcononmie auprès la dgèrre civile en Russie à la siette d'la révolution d'1917, Léninne avait r'întroduit un système du marchi. En 1928, Stalinne lanchit un progranme dé pliann'nie (lé plian à 5 ans) à seule fîn d'îndustrialîser l'pays. Chutte politique du "socialisme en un pays" rempliaichit l'avis d'Léninne et d'Trotski entouor la révolution întèrnâtionnale.

Duthant l's années 1930s, s'lon les c'mandes dé Stalinne nou blioutchait des millions d'gens, et chenna auve les vièrs Bolchéviques et parchonnièrs révolutionnaithes à Léninne. Y'en avait tchi fûtent tithés dêliément; y'en avait tchi fûtent renv'yés ès camps du GULAG. Tchiqu's'uns des grands projets îndustriels dé chu temps-là fûtent bâtis auve l'aîgue du travas forchis des prisonnièrs.

En 1939, l'Unnion Soviétique s'accordit auve l'Allémangne des Nazis un plian s'gret pouor chârer la Polongne, la Fînlande, l'Estonnie, la Lettonnie, la Lithuanie, la Roumanie. Quand les Nazis lanchîtent la S'gonde Dgèrre Mondiale, l'Unnion Soviétique en profitit en încorpouothant des tèrritouaithes. Mais l'22 d'Juîn 1941 l'Allémangne attatchit l'Unnion Soviétique.

L'Unnion Soviétique d'vînt un allié d'l'Empithe Britannique et ses parchonnièrs (et d's Êtats Unnis d'Améthique du mais d'Dézembre 1941). La victouaithe des alliés en 1945 laîssit la Rouoge Armée à otchuper des pays en Ûrope dans tchi qu'l'Unnion Soviétique înstâllit des régînmes commeunistes. V'là tch'est lé c'menchement d'la Fraide Dgèrre.

Stalinne mouothit en 1953. Nikita Khrouchtchov, tchi prînt les c'mandes du parti, dêcliâmit l'tchulte dé pèrsonnalité d'Stalinne et tchiqu'suns d'ses crînmes. Vl'à tch'înspithit des révoltes en Hongrie et Polongne, mais la politique Soviétique pus libéthale n'allouit pon d'itelles calenges, et les révoltes fûtent êglianmées.

L's avanches d'la scienche m'nîtent à la preunmié satellite lanchie d'la Tèrre Sputnik en 1957 et l'preunmié houmme lanchi en 1961.

La compétition militaithe et scientifique auve les Améthitchains duthant l's années 1960s affouaiblit l'êcononmie Soviétique. L's expéthînments d'Khrouchtchov lus adonnîtent pustôt d'sastreurs et i' fut rempliaichi par Léonid Bréjnev en 1964.

Bréjnev m'nait eune politique stabl'ye, mais les r'formes nécessaithes dans l'êcononmie et l'adminnistrâtion mantchaient. Pouor la mort d'Bréjnev en 1982 nou viyait l'bésouain d'èrforme mais nou n'viyait pon tchi r'formes graie. Youri Andropov tâchit, duthant san court mandat, d'rapporter d'l'ordre dans la sociêté en renforchant les règl'yes - mais viyant qu'l'êconomie înformelle et l'nièr marchi 'taient tout chein tchi faîthait marchi l'pays, v'là tchi n'avait pon grand êffet. En tout cas, Andropov mouothit en 1984. L'chein tchi fut chouaîsi auprès lî, Konstantîn Tchèrnenko, 'tait quâsiment sus l'pus quand il arrivit au pouvé, et il enduthit raîque treize mais.

En 1985 Mikhail Gorbatchov fut appouainté S'gréthaithe Génétha du parti.

Other Languages
Аҧсшәа: СССР
Acèh: Uni Soviet
Afrikaans: Sowjetunie
Alemannisch: Sowjetunion
অসমীয়া: ছ'ভিয়েট সংঘ
авар: СССР
تۆرکجه: شوروی
Boarisch: Sowjetunion
žemaitėška: Tarību Sājonga
беларуская (тарашкевіца)‎: Саюз Савецкіх Сацыялістычных Рэспублік
bosanski: Sovjetski Savez
Mìng-dĕ̤ng-ngṳ̄: Sŭ-lièng
Cebuano: Unyong Sobyet
čeština: Sovětský svaz
Deutsch: Sowjetunion
dolnoserbski: Sowjetski zwězk
English: Soviet Union
Esperanto: Sovetunio
estremeñu: Unión Soviética
føroyskt: Sovjetsamveldið
Nordfriisk: Sowjetunion
Frysk: Sovjet-Uny
贛語: 蘇聯
گیلکی: شؤروي
𐌲𐌿𐍄𐌹𐍃𐌺: 𐌲𐌲𐌲𐌸
客家語/Hak-kâ-ngî: Sû-lièn
हिन्दी: सोवियत संघ
hrvatski: Sovjetski Savez
hornjoserbsce: Sowjetski zwjazk
magyar: Szovjetunió
interlingua: Union Sovietic
Bahasa Indonesia: Uni Soviet
Interlingue: Soviet-Union
íslenska: Sovétríkin
la .lojban.: sofygu'e
Basa Jawa: Uni Sovyèt
ភាសាខ្មែរ: សហភាពសូវៀត
한국어: 소련
कॉशुर / کٲشُر: صؤوِت اِتِفاق
kernowek: URSS
Lëtzebuergesch: Sowjetunioun
Limburgs: Sovjet-Unie
lietuvių: Tarybų Sąjunga
مازِرونی: شوروی
Napulitano: Aunione Sovieteca
Plattdüütsch: Sowjetunion
Nedersaksies: Sovjet-Unie
नेपाली: सोभियत संघ
Nederlands: Sovjet-Unie
norsk nynorsk: Sovjetunionen
Papiamentu: Union Sovietiko
پنجابی: سویت یونین
português: União Soviética
rumantsch: Uniun sovietica
русиньскый: СССР
davvisámegiella: Sovjetlihttu
srpskohrvatski / српскохрватски: Sovjetski Savez
Simple English: Soviet Union
slovenčina: Sovietsky zväz
slovenščina: Sovjetska zveza
Soomaaliga: Midowga Sofiyet
Seeltersk: Sowjetunion
Basa Sunda: Uni Soviét
svenska: Sovjetunionen
Tagalog: Unyong Sobyet
тыва дыл: ССРЭ
Tiếng Việt: Liên Xô
West-Vlams: Sovjet-Unie
walon: URSS
吴语: 苏联
Vahcuengh: Suhlienz
中文: 苏联
文言: 蘇聯
Bân-lâm-gú: So͘-liân
粵語: 蘇聯