Steve Ovett

Steve Ovett
800 meter track at the 1984 Summer Olympics.jpg
Ovett (388) under Sommar-OL 1984
Fødd 9. oktober 1955
Brighton
Steve Ovett på Commons

Stephen Michael James Ovett, kjend som Steve Ovett, (fødd  9. oktober  1955) er ein tidlegare britisk friidrettsutøvar frå Brighton. Han vart olympisk meister på 800 m i 1980 og europameister på 1500 m i 1978.

Aktiv

Ovett overraska og tok sølvmedaljen på 800 meter i europameisterskapen 1974, bak suverene Luciano Sušanj frå Jugoslavia. To år seinare vart han nummer fem på same distansen under dei olympiske leikane i Montreal. Frå 1977 var han verdas beste 1500-meterløpar, noko han viste prov for då i september vann IAAF-finalen i Düsseldorf på britisk rekord 3.34,4. Fram til den olympiske finalen i 1980 vann han samtlege 1500-meterløp han deltok i. Ovett vart europameister på 1500 meter i 1978, og tok nok ein gong sølvmedaljen på 800 meter.

Under Sommar-OL 1980 i Moskva vann Ovett gullet på 800 meter, framom landsmannnen Sebastian Coe. Dei to britane kniva i fleire år om å vere verdseinar på mellomdistansane, men berre fattige sju gongar møttest dei i direkte tevling. På spesialdistansen 1500 meter måtte Ovett nøye seg med bronse, bak nettopp Coe og austtyske Jürgen Straub. På tampen av OL-sesongen sette han ny verdsrekord på 1500 m med 3.31,3.

I 1981-sesongen veksla Ovett og Coe på å sette verdsrekord på «ei engelsk mil». Utan å møtest i løp, forbetra Coe verdsrekorden to gongar og Ovett ein gong i mellomtida, alt saman i løpet av ni døgn. Sesongen etter var Ovett noko plaga av skade, men 4. september 1983 gjorde han i Rieti sitt livs løp på 1500 m og forbetra verdsrekorden til 3.30,7. Under OL 1984 i Los Angeles sleit han med astma og enda sist i finalen på 800 meter. Han kvalifiserte seg også til finalen på 1500 meter, der han «sprakk» ei runde før målgang.

Seinare satsa Ovett på 5 000 meter, og deltok i tre internasjonale meisterskap i 1986 og 1987. Størst suksess på distansen hadde han då han i august 1986 vann Samveldeleikane i Edinburgh.

Ovett la opp i 1990. Han er i dag busett i Australia.

Medaljar og plasseringar i internasjonale meisterskap

Personlege rekordar

  • 800 m: 1.44,09 (1978, Praha)
  • 1500 m: 3.30,7 (1983, Rieti)
  • 3000 m: 7.41,3 (1977, Wattenscheid)
  • 5000 m: 13.20,0 (1986, Belfast)
Other Languages
svenska: Steve Ovett
čeština: Steve Ovett
Deutsch: Steve Ovett
English: Steve Ovett
español: Steve Ovett
euskara: Steve Ovett
français: Steve Ovett
한국어: 스티브 오벳
italiano: Steve Ovett
עברית: סטיב אובט
magyar: Steve Ovett
Nederlands: Steve Ovett
polski: Steve Ovett
português: Steve Ovett
русский: Оветт, Стив
slovenščina: Steve Ovett
українська: Стів Оветт