Jihad

Å studera Koranen kan vera ei form for jihad. Her den muslimske mogulherskaren Aurangzeb.

Jihad (arabisk جهاد, ǧihād) er eit omstridd omgrep innan islam som kan visa til indre, andeleg kamp for å oppnå rett tru, eller militær vald for å spreia islam. Ordet er avleidd frå det arabiske ǧhd, 'å streva etter' eller 'å møda seg'.

Jihad-omgrepet

Jihad er eit innvikla omgrep i islam. Det viser til kamp mot eller strev etter noko. Det ein skal kjempa mot, er alt som blir sett på som dårleg eller skadeleg, slik at ein kan dyrka fram det gode. Denne kampen omfattar i følgje muslimsk oppfatting alle sider ved menneskelege tankar og handlingar, og går samstundes ut over det fysiske universet.

Ifølgje tradisjonell muslimsk oppfatting finst det fem ulike Jihad fi Sabilillah (jihad for Allah):

Arabisk namn Jihad for Gjennom
Jihad bin Nafs/Qalb hjartet eller sjelen Indre kamp for å få fram det gode i sitt eige medvit.
Jihad bil Lisan ordet Kamp gjennom det skrivne og talte ordet
Jihad bil Qalam/Ilm pennen Studie av islam eller vitskapleg innsats
Jihad bil Yad handa Eige arbeid eller økonomiske bidrag
Jihad bis saif sverdet Væpna kamp for Allah, « heilag krig»

Større og mindre jihad

Fleire muslimar trur det finst ein større og ein mindre jihad, der den store er kampen i sitt eige sinn, medan den vesle er valdeleg kamp. Denne tolkinga er særleg vanleg innan sjiaislam og sufismen. Ho stør seg på tradisjonar (hadith) som seier at Mohammed fortalde muslimske krigarar som kom heim frå kamp mot ikkje-muslimar at dei no stod overfor ein større kamp, mot sine eigne lyster. Hadithen blir ikkje rekna som truverdig av alle tolkarar, han har ein isnad (overleveringsrekke) det blir stilt spørsmål ved.

Den tidlege muslimske lærde Ibn Taymiyya, som skal ha inspirert salafismen, kritiserte omgrepa «større» og «mindre» jihad, og hevda at jihad mot vantru er det høgaste ein muslim kan gjera.

I nyare tid har Sayyid Qutb tolka militært jihad som eit nødvendig forsvar av islam i ei verd som er overveldande ikkje-muslimsk.[1] Nyare islamistiske grupper har i stor grad fortrengd den store jihaden til fordel for den mindre — å grunnlegga, forsvar og utvida den muslimske staten.[2]

Other Languages
norsk: Jihad
svenska: Jihad
dansk: Jihad
Afrikaans: Djihad
العربية: جهاد
aragonés: Alchihad
অসমীয়া: জিহাদ
asturianu: Yihad
azərbaycanca: Cihad
تۆرکجه: جیهاد
বাংলা: জিহাদ
Bân-lâm-gú: Jihad
български: Джихад
bosanski: Džihad
català: Gihad
Cebuano: Dyihad
čeština: Džihád
Cymraeg: Jihad
Deutsch: Dschihad
eesti: Džihaad
Ελληνικά: Τζιχάντ
English: Jihad
español: Yihad
Esperanto: Ĝihado
euskara: Jihad
فارسی: جهاد
français: Djihad
Gaeilge: Jiohád
galego: Xihad
ગુજરાતી: જિહાદ
한국어: 지하드
Հայերեն: Ջիհադ
हिन्दी: जिहाद
hrvatski: Džihad
Bahasa Indonesia: Jihad
interlingua: Jihad
íslenska: Jihad
italiano: Jihād
עברית: ג'יהאד
Basa Jawa: Jihad
қазақша: Жиһад
Kiswahili: Jihadi
kurdî: Cîhad
Кыргызча: Жыхад
Latina: Gihad
latviešu: Džihāds
lietuvių: Džihadas
magyar: Dzsihád
മലയാളം: ജിഹാദ്
Bahasa Melayu: Jihad
Nederlands: Jihad
日本語: ジハード
occitan: Jihad
oʻzbekcha/ўзбекча: Jihod
ਪੰਜਾਬੀ: ਜਿਹਾਦ
پنجابی: جہاد
polski: Dżihad
português: Jihad
română: Jihad
русский: Джихад
shqip: Xhihadi
sicilianu: Jihad
සිංහල: ජිහාඩ්
Simple English: Jihad
slovenčina: Džihád
slovenščina: Džihad
Soomaaliga: Jihaad
српски / srpski: Џихад
srpskohrvatski / српскохрватски: Džihad
Basa Sunda: Jihad
suomi: Jihad
Tagalog: Jihad
தமிழ்: ஜிகாத்
татарча/tatarça: Җиһад
తెలుగు: జిహాద్
ไทย: ญิฮาด
тоҷикӣ: Ҷиҳод
Türkçe: Cihat
українська: Джихад
اردو: جہاد
Tiếng Việt: Jihad
文言: 聖戰
吴语: 吉哈德
粵語: 聖戰
中文: 吉哈德