Frans av Assisi

Frans av Assisi avbilda på freske i Basilica di San Francesco d'Assisi

Den heilage Frans av Assisi (11823. oktober 1226) var ein italiensk helgen som grunnla fransiskanarordenen. Han blei kåra til helgen i 1228, og minnedagen hans er den 4. oktober. Frans er rekna som vernehelgen for dyr, miljøet og er saman med Katarina av Siena vernehelgen for Italia.

Frans var fødd og døydde i Assisi i Umbria i Italia, og leivningane hans ligg i krypten i Basilica di San Francesco i byen.

Bakgrunn

Krusifikset i San Damiano

Frans var fødd i 1181 eller 1182 i Assisi. Han var eit av dei mange barna til Pietro Bernardone, ein rik tekstilhandlar, og kona Pica, som var av ei italiensk adelsslekt i Provence. Døypenamnet hans var Giovanni (Johannes), men faren endra namnet hans til Francesco (Frans) for å ære Frankrike, som han hadde handelssamband med.

Som barn gjekk Frans på sokneskulen ved San Giorgio-kyrkja, men han var ikkje særs oppteken av skulearbeid. Som ung var Frans heller interessert i den moderne trubadurkunsten, forutan fest, moro og natteliv i gatene i Assisi, til stor forarging for folket i byen.

I november 1202 braut det ut ein krig mellom Assisi og Perugia, og Frans var blant dei mange unge mennene som drog i krigen. Slaget enda med nederlag for Assisi, og Frans vart sittande i ei kummerleg fengselscelle i Perugia i eitt år før faren fekk kjøpt han fri. Frans sleit lenge med sjukdom etter dette fengselsopphaldet.


Våren 1205 braut det på ny ut ein krig med Perugia, og Frans skulle reise i krigen som riddar. Allereie dagen etter vende han heim att, etter å ha fått ei religiøs openberring i Spoleto. Sommaren og hausten same år gjekk han rastlaust rundt i omlandet til Assisi, til han ein dag gjekk inn i den falleferdige kyrkja San Damiano, rett nedanfor Assisi.

Other Languages
Alemannisch: Franz von Assisi
Avañe'ẽ: Francisco de Asís
azərbaycanca: Assizli Fransisk
беларуская: Францыск Асізскі
беларуская (тарашкевіца)‎: Францішак з Асізі
Boarisch: Franz vo Assisi
bosanski: Franjo Asiški
brezhoneg: Frañsez a Asiz
Bahasa Indonesia: Fransiskus dari Assisi
Kapampangan: Francisco de Asis
မြန်မာဘာသာ: စိန့်ဖရန်စစ်(စ်)
português: Francisco de Assis
Simple English: Francis of Assisi
slovenčina: František z Assisi
slovenščina: Frančišek Asiški
српски / srpski: Фрањо Асишки
srpskohrvatski / српскохрватски: Franjo Asiški
Tiếng Việt: Phanxicô thành Assisi