Den engelske borgarkrigen

«After the Battle of Naseby in 1645». Måleri av John Gilbert.

Den engelske borgarkrigen var ein serie med militære konfliktar mellom det engelske parlamentet og kong Karl I (Charles) som gjekk føre seg mellom 1642 og 1651. Konfliktane enda med siger for parlamentet og avrettinga av kong Karl.

Bakgrunn

Kongesymbola til Karl I, måla i 1649.
«The Wounded Cavalier» av William Shakespeare Burton, ein allegori av den engelske borgarkrigen. Ein såra cavalier ligg på bakken, støtta av ei ung kvinne, medan ein svartkledd puritanar, frå parlamentssida, står i bakgrunnen.

Under regjeringa til Elisabeth I og Jakob I hadde England vakse til å bli ein relativt velstående stat, men under Karl I skulle landa røyne store omveltninger.

Konflikten botna i det eineveldet som Karl og far hans, Jakob I, utøvde. Dette var ifølgje parlamentet eit brot med Magna Carta, det gamle dokumentet som sikra parlamentet sin fridom og rettane deira. Både Karl og Jakob var elles frå fyrstehuset Stuart, i motsetning til fyrstehuset Tudor, som gjekk i oppløysing i og med at Elisabeth I døydde barnlaus i 1603.

Religion var også ein viktig bakgrunn for borgarkrigen. Elisabeth hadde etablert den anglikanske kyrkja i 1559 og hadde medvite unngått kontroversielle diskusjonar, som katolske relikvie i kyrkjene og presteskapet si seremonielle makt, for å oppretthalde fred og orden. Kong Jakob endra ikkje mykje i kyrkja, men då Karl vart konge i 1625 lét han den såkalla arministiske tankegangen få innpass i den anglikanske kyrkja, noko som verka som eit steg tilbake mot katolisismen.

Other Languages
Bân-lâm-gú: Eng-lân Lōe-chiàn
беларуская (тарашкевіца)‎: Ангельская рэвалюцыя
Bahasa Indonesia: Perang Saudara Inggris
Lëtzebuergesch: Englesch Revolutioun
Bahasa Melayu: Perang Saudara England
Plattdüütsch: Ingelsche Börgerkrieg
Simple English: English Civil War
srpskohrvatski / српскохрватски: Engleski građanski rat
татарча/tatarça: Инглиз инкыйлабы
Tiếng Việt: Nội chiến Anh
中文: 英國內戰