Brennevinet calvados

Calvados Couperné i flaske og glas.

Calvados er eit brennevin laga av eple frå regionen Basse-Normandie i Frankrike.

Historie

Eplehagar og bryggeri vert først nemnd heilt tilbake på 700-talet av Karl den store. Det første kjende destilleriet i Normandie vart oppretta av de Gouberville i 1554, og lauget for siderdestillering vart oppretta 50 år seinare i 1606. På 1600-talet vart sidergardane utvida, men utanom i Bretagne, Maine og Normandie var det skatt på og forbod mot eplebrennevin. Departementet Calvados vart oppretta under den franske revolusjonen, men «Eau de vie de cidre» vart alt kalla «calvados» i daglegtale. På 1800-talet vart destilleringa industrialisert og omfanget av produksjonen auka. Då lus (Phylloxera) øydela store avlingar med vindruer fekk calvados ein «gullader». Calavados vart eit Appellation d'Origine Contrôlée-område (AOC, statleg namnegaranti og reglar for produksjon) i 1942. Etter krigen vart mange siderhus og destilleri bygd opp att, hovudsakleg i Pays d'Auge. Mange tradisjonelle gardshus vart bytta ut med moderne jordbruk, som gav større produksjon. Reglane for calvados vart revidert i 1984 og 1996. Pommeau fekk i 1991 lov å produsere calvados, og i 1997 vart det oppretta AOC for Domfront der ein nytta 30 % pærer.

Gammalt destilleringsapparat for calvados.
Other Languages
norsk: Calvados
dansk: Calvados
Afrikaans: Calvados
العربية: كالفادوس
беларуская: Кальвадос (напой)
беларуская (тарашкевіца)‎: Кальвадос (напой)
brezhoneg: Calvados (died)
čeština: Calvados
eesti: Kalvados
English: Calvados
客家語/Hak-kâ-ngî: Calvados
한국어: 칼바도스
עברית: קלבדוס
lietuvių: Kalvadosas
magyar: Calvados
Nederlands: Calvados (drank)
português: Calvados (bebida)
Simple English: Calvados (drink)
slovenčina: Calvados (nápoj)
slovenščina: Calvados (pijača)
suomi: Calvados
Türkçe: Kalvados
українська: Кальвадос