Aucklandøyane

Aucklandøyane
øygruppe
none  Topografisk kart av øygruppa
Topografisk kart av øygruppa
Land Flag of New Zealand.svg  New Zealand
Stad Sørvestlege Stillehavet
 - koordinatar 
Høgaste punkt Mount Dick
 - høgd 705  moh
Areal 625  km²
Folketal 0
Øyar 8
Plasseringa i høve til New Zealand
Plasseringa i høve til New Zealand
Wikimedia Commons: Auckland Islands

Aucklandøyane ( maori: Motu Maha eller Maungahuka) [1] er ei øygruppe av sju subantarktiske øyar som ligg 465 kilometer sør for Sørøya på New Zealand og er ein del av New Zealand. Øygruppa har eit samla areal på 625 kvadratkilometer. Øyane har ikkje fast busetnad. Økologisk inngår Aucklandøyane i ein økoregion av subantarktiske øygrupper sør for New Zealand, dei inkluderer Bountyøyane, Antipodeøyane, Campbelløyane og Macquarieøya.

Geografi

Carnley Harbour mot aust
Foto: M. Murphy

Øygruppa ligg i eit område mellom 50° 30' og 50° 55' sørleg breidde og mellom 165° 50' og 166° 20' austleg lengde. Hovudøya er Auckland Island, dei andre er Adams Island, Enderby Island, Disappointment Island, Ewing Island, Dundas Island og Green Island. Hovudøya, Auckland Island, utgjer det meste av arealet av gruppa med omtrent 510 km2, og ho har ei lengd på 42 km. Øyane er kjente for sine bratte klipper og ulendt terreng, som stig til over 600 moh. Framtredande toppar inkluderer Cavern Peak (650 m), Mount Raynal (635 m), Mount D'Urville (630 m), Mount Easton (610 m), og Babels tårn (550 m).

Den sørlege enden av hovudøya utvidar seg til ei breidd på 26 kilometer. Her skil den smale kanalen Carnley Harbour (Adamsundet på nokre kart) hovudøya frå den nær trekantforma Adams Island i sør. Adams Island er endå meir kupert, med ei største høgd på 705 moh. Sundet mellom øyane er restane av kratret av ein utdøydd vulkan, og Adams Island og den sørlege delen av hovudøya formar kraterkanten.

Gruppa femnar om ei rekkje andre mindre øyar, ein kan namne Disappointment Island nordvest for hovudøya og Enderby Island utanfor nordspissen av hovudøya, kvar på mindre enn 5 kvadratkilometer. Hovudøya har mange viker og andre innskjeringar, som Port Ross i den nordlege enden, ein ca. 10 km lang fjord.

Dei fleste øyane i gruppa har vulkansk opphav, øygruppa er dominert av to 12 millionar år gamle miocene vulkanar, seinare eroderte og dissekerte. [2] Desse kviler på eldre vulkanske bergartar, 15-25 millionar år gamle med noko eldre granitt og fossilberande sedimentære bergartar frå rundt 100 millionar år sidan. [3]

Other Languages
azərbaycanca: Oklend adaları
беларуская: Окленд (астравы)
български: Оклънд (острови)
brezhoneg: Inizi Auckland
español: Islas Auckland
Esperanto: Aŭklandoj
français: Îles Auckland
Bahasa Indonesia: Kepulauan Auckland
italiano: Isole Auckland
latviešu: Oklendas salas
lietuvių: Oklendo salos
Nederlands: Aucklandeilanden
português: Ilhas Auckland
srpskohrvatski / српскохрватски: Auckland (otočje)
татарча/tatarça: Окленд утраулары
Tiếng Việt: Quần đảo Auckland