चिनिया दबू प्याखं

चिनिया दबू प्याखनय् छ्येलिगु ख्वाःपाः

चिनिया दबू प्याखं (अःपू लिपिइ: 戏曲; परम्परागत लिपिइ: 戲曲; पिन्यिन्: xìqǔ; Jyutping: hei3kuk1; Pe̍h-ōe-jī: hì-khek) हलिंया छगू नांजाःगु दबू म्ये-प्याखं ख। थ्व दबूप्याखंया पलिस्था प्राचीन चीनय् जूगु ख। थी-थी तत्त्व दूगु थ्व दबू प्याखं प्राचीन चीनय् दयाच्वंगु थी-थी दबूकलायात समिस्रित यासें बुयावःगु छगू उन्नत कला ख। शदीयौं शदी तक्क परिष्कृत जुसें थ्व कलां थःगु निश्चित रुप १३गू शदीइ सोङ्ग राजवंशया इलय् काल। थ्व दबूप्याखंया दकलय् न्हापांगु रुप सरल जुसां, समयनापं विस्तार जुसें, संगीत, म्ये, प्याखं, सामरिक कला, एक्रोब्यातिक्स आदि थीथी कलात्मक तत्त्वतेत दुथ्यासें थ्व कलां थःगु आधुनिक दबू प्याखंया रुपय् विकशित जूगु दु। थ्व कला छगू मंका कला ख। थुकिया दुने नं थाय्, सम्प्रदाय आदिया आधारय् थीथी उप-विधात दु। थन्यागु उपविधाय् दकलय् नांजाःगु उपविधा पेकिङ ओपेरा (बेइजिङया दबू म्ये-प्याखं वा जिङ्जु) ख।

वसः

चिनिया दबू प्याखंय् थीथी वसः, ख्वाःपाः, तिसायात थीथी भाव अभिव्यक्त यायेत छ्येलिगु या। नापं, थीथी रङ्गया नं थ्व कलाविधाय् थीथी अर्थ दु। दसुया निंतिं ख्वाःपाःया रङ्ग व अन्याःगु रङ्गनाप स्वापू दूगु अर्थ थ्व कथं दु-

  • तुयु ख्वाःपाः: मभिंम्ह पात्र, धुर्त, ग्यानापुम्ह, चंखः, विश्वासघाती, व संदिग्ध। तुयुगु ख्वाःपाः दुम्ह पात्र आपालं मभिंम्ह (खलनायक) जुइ।
  • वांगु ख्वाःपाः: छकलं तंचाइम्ह, आवेगय् वैम्ह, हिंसक, आत्म संयम वा आत्म नियंत्रण मदुम्ह पात्र।
  • ह्यांगु ख्वाःपाः: वीर, इमान दुम्ह,
  • हाकु ख्वाःपाः: कडा, बल्लाम्ह, वा निस्पक्ष।
  • म्हासु ख्वाःपाः:बुद्धिमान, महत्वाकांक्षी, भयंकर।
  • वचु ख्वाःपाः: दृढ, छगू हे पक्ष कयाःच्वनिम्ह।
  • गुलाफी ख्वाःपाः: खुसी, ख्यालि पात्र
Other Languages
български: Китайска опера
čeština: Čínská opera
English: Chinese opera
español: Ópera china
français: Opéra chinois
hrvatski: Kineska opera
magyar: Kínai opera
Bahasa Indonesia: Opera Tiongkok
italiano: Opera cinese
日本語: 戯曲 (中国)
Bahasa Melayu: Opera Cina
Nederlands: Chinese opera
português: Ópera chinesa
srpskohrvatski / српскохрватски: Kineska opera
ไทย: งิ้ว
Türkçe: Çin operası
中文: 中國戲曲
粵語: 戲曲