Sedimentit

De Felsen vun Helgoland is ut Sandsteen
De Kalkfelsen vun Pamukkale in de Törkie
Laterit in en Steenbrook

Sedimentiten (ok betekent as Sedimentstenen, aflagert Stenen oder Schichtstenen) sünd en Klass vun Stenen, de normalerwies an de Eerdböverflach dör Aflagern un Afsetten vun Material tostannen kamen doot. Dorbi ist twüschen Röödsedimenten un faste Sedimentstenen to ünnerscheden. De Vörgang, bi den ut röde Sedimenten fasten Steen warrt, warrt in de Geologie Diagenees (ok Lithogenees) nöömt. De Sedimenten kamt dör Erosion, Transport un Aflagern vun Stenen un jemehr Produkten ut dat Verweddern tostannen, eenige aver ok dör Utfällen oder Afscheeden vun löste Stoffen.

Generell Egenschoppen

Tyypsch för Sedimentstenen is de binnere Schichten, de mit dat Afwesseln vun’t aflagerte Material tosamenhangt. En enkelte Schicht weer vör en (geoloogsch) korte Tiet an de Böverflach vun de Eer. Butendem sünd Sedimentiten de eenzigen Stenen, wo Fossilen binne wesen künnt, as verstenert Planten un Deerten, de mit aflagert worrn sünd. Wiel de hele Tiet, de dat en Sedimentit geven deit, is de Steen keen hoge Temperatur oder/und hogen Druck utsett wesen. Anners weer de Steen in en Metamorphit ümwannelt worrn.

De sedimentbillnd Vörgäng warrt dör dat Inwirken vun de Atmosphäär, de Hydrosphäär un de Biosphäär op de Böverflach vun’n fasten Eerdkörper bestimmt. Dat Sediment warrt dorbi prägt vun de Bedingen, ünner de dat entsteiht. All Ümweltbedingen tohopen, de bi’t Enstahn en Rull speelt hebbt, wartr ünner den Begreep Milieu tosamenfaat, un de dorut vörgahnden Egenschoppen vun’n Steen warrt in de Fachspraak as Fazies betekent. Milieu un Fazies sünd tyypsch för verscheeden Sedimentatschoonsrüüm.

Sedimentstenen warrt ünnerdeelt in de groten Gruppen Klastisch Sedimentiten, Cheemsch Sedimentiten, Biogen Sedimentiten un as en Sünnerform de Torüchblievstenen (Residualstenen).

Other Languages
العربية: صخر رسوبي
беларуская (тарашкевіца)‎: Асадкавыя горныя пароды
eesti: Settekivim
فارسی: سنگ رسوبی
עברית: סלע משקע
हिन्दी: अवसादी शैल
Bahasa Indonesia: Batuan sedimen
íslenska: Setberg
日本語: 堆積岩
한국어: 퇴적암
Lëtzebuergesch: Sediment
latviešu: Nogulumieži
македонски: Седиментна карпа
മലയാളം: അവസാദശില
Bahasa Melayu: Batuan enapan
မြန်မာဘာသာ: အနည်ကျကျောက်
norsk nynorsk: Sedimentær bergart
ਪੰਜਾਬੀ: ਤਲਛਟੀ ਚਟਾਨ
پنجابی: بیٹھی پڑی
português: Rocha sedimentar
srpskohrvatski / српскохрватски: Sedimentne stijene
Simple English: Sedimentary rock
slovenčina: Usadená hornina
slovenščina: Sedimentne kamnine
српски / srpski: Седиментне стене
Basa Sunda: Batu tamperan
oʻzbekcha/ўзбекча: Choʻkindi togʻ jinslari
Tiếng Việt: Đá trầm tích
中文: 沉积岩
Bân-lâm-gú: Tui-chek-giâm