Sassen (Volk)

De Sassen weren en Verband vun germaansche Stämm in’n Noordwesten vun dat hüdige Düütschland un in de hüdigen ööstlichen Nedderlannen. Düsse Verband hett sik woll in dat 3. Johrhunnert tosamenslaten ut de vörmoligen sülvstännigen Stämm vun de Chauken, de Angrivariers un de Cheruskers. Düsse Stämm weern dor al in dat 1. Johrhunnert tohuse.

De Sassen hebbt nix to doon mit dat Bundsland Sassen. De Inwahners vun dat Bundsland sünd in de düütsche Oostkolonisatschoon to’n groten Deel ut fränksche, slaawische un annere Wuddeln wussen. De Graaf vun Meißen hett bloß de Titel van de Hartog vun Sassen kregen un denn hefft se ok sien Land „Sassen“ nömmt. To’n Ünnerscheed vun düsse hüdigen Bundsbörgers warrt later to dat Volk vun de Sassen ok Neddersassen seggt, un to’n Ünnerscheed von de Sassen, de nah Grootbritannien utwandert sind, warrt de Sassen Oltsassen nömmt.

Kaiser Karl de Grote hett dat sassische Rebeet innahmen un de Sassen döpen laten. Dörtig Johr Krieg harr Karl bruukt, dat he de Sassen överwinnen kunn. Denn hett he in Veern an de Aller sien Blootgericht hollen un allerhand sassische Lüüd en Kopp körter maakt. Dat is in de Wetenschop vun de Historie ümstreden, wo veel dat woll ween sünd. Sünnerlich geiht dat dor üm de Masse vun 4500 Lüde, de Einhard in siene Vita angifft. De meisten Forschers hüütodaag meent, dat weer överdreven [1]. Later kemen denn mit de Ottonen ok Sassen op den Kaiserthron vun dat Hillge Röömsche Riek.

Wo de Sassen tohuse weern

919–1125 Sassen in dat Hillge Röömsche Riek, vun William R. Shepherd

De germaanschen Stämm vun de Sassen weern tohuse in de nedderdüütschen Kuntreien twuschen Südersee (hüde: Iesselmeer), de Gegend twuschen Werser un Elv un nöördlich vun de Elv in Holsteen (bit an de Eider hen.

Mit de Tiet hefft sassische Stämm grote Delen vun dat hüdige Noordwestdüütschland un de ööstlichen Nedderlannen innahmen. De Stämm, de dor wohnen döen, hefft se an jem ehrn egen Verband anslaten. Tolest weern dat in dat 6. un 7. Johrhunnert dat Hamaland (dat hüdige Westmönsterland), de Brukterers ehr Land (dat hüdige Mönsterland un dat nöördliche Ruhrrebeet) un de Tubanten (hüdigendags de Landschop Twente in de nedderlannsche Provinz Oaveriessel).

Groff tohopenfaat, siedeln de Sassen denn in de ööstlichen Nedderlannen, in dat hüdige Westfalen, in Neddersassen mit Utnahm vun de Delen, wo de Fresen in leven döen, in Holsteen un in de nöördlichen Delen vun Sassen-Anholt.

Other Languages
Nedersaksies: Saksen (vôlk)
aragonés: Saxons
Ænglisc: Seaxe
العربية: ساكسون
беларуская: Саксы
български: Сакси
brezhoneg: Saksoned
bosanski: Sasi
català: Saxons
čeština: Sasové
Чӑвашла: Сакссем
Cymraeg: Sacsoniaid
dansk: Saksere
Ελληνικά: Σάξονες
English: Saxons
Esperanto: Saksoj
español: Pueblo sajón
eesti: Saksid
euskara: Saxoi
suomi: Saksit
français: Saxons
Gaeilge: Sacsanaigh
galego: Saxóns
עברית: סקסונים
हिन्दी: सैक्सन
hrvatski: Sasi
magyar: Szászok
Հայերեն: Սաքսեր
Bahasa Indonesia: Bangsa Sachsen
italiano: Sassoni
日本語: サクソン人
ქართული: საქსები
қазақша: Сакстер
한국어: 색슨인
Latina: Saxones
lietuvių: Saksai
latviešu: Sakši
македонски: Саси
Mirandés: Saxones
မြန်မာဘာသာ: ဆက္ကဆန်
Nederlands: Saksen (volk)
norsk: Saksere
polski: Sasi
پنجابی: سیکسن
português: Saxões
română: Saxoni
русский: Саксы
Scots: Saxons
srpskohrvatski / српскохрватски: Sasi
Simple English: Saxons
slovenčina: Sasi (kmeň)
slovenščina: Sasi
shqip: Saksonët
српски / srpski: Саси
svenska: Saxare
Kiswahili: Wasaksoni
Tagalog: Sakson
Türkçe: Saksonlar
українська: Сакси
Tiếng Việt: Người Sachsen
中文: 撒克遜人
Bân-lâm-gú: Saxon lâng