Robin Hood: Prince of Thieves

Filmdaten
Plattdüütsch Titel:
Originaltitel: Robin Hood: Prince of Thieves
Düütsch Titel: Robin Hood – König der Diebe
Produkschoonsland: Grootbritannien
Johr vun’t Rutkamen: 1991
Läng: 137 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Kevin Reynolds
Dreihbook: Pen Densham
John Watson
Produkschoon: Pen Densham
Richard Barton Lewis
John Watson
Musik: Michael Kamen
Kamera: Douglas Milsome
Snitt: Peter Boyle
Dorstellers
  • Kevin Costner: Robin Hood
  • Morgan Freeman: Azeem
  • Mary Elizabeth Mastrantonio: Lady Marian
  • Alan Rickman: George, Sheriff vun Nottingham
  • Christian Slater: Will Scarlet
  • Nicholas Brimble: Little John
  • Walter Sparrow: Duncan
  • Michael McShane: Broder Tuck
  • Michael Wincott: Sir Guy von Gisborne
  • Soo Drouet: Fanny
  • Daniel Newman: Wulf
  • Daniel Peacock: David Doncaster
  • Brian Blessed: Lord Locksley
  • Geraldine McEwan: Mortianna
  • Sean Connery: König Richard Löwenhart

Robin Hood: Prince of Thieves (op Platt so veel as „Robin Hood: De Prinz vun de Deven“; dt. Titel: Robin Hood – König der Diebe) is en Aventüer- un Actionfilm ut dat Johr 1991. De Film baseert op de Geschichten üm Robin Hood, den sien Rull hier vun Kevin Costner speelt warrt.

Inholt

De Film fangt in Jerusalem an. In dat Johr 1194, to de Tiet vun de Krüüztöög kann de junge engelsche Adlige Robin vun Locksley ut de Kriegsfangenschop utneihn. Help hett he dorbi vun en instigen Feend, den Mauren Azeem, de ok to’n Dood veroordeelt worrn is. Gemeensom künnt se torüch na England flüchten. Azeem föhlt sik mit Robin op Leven un Dood verbunnen, vun wegen dat he ahn sien Help in’t Gefängnis ümbrocht worrn weer.

Man, in de Heimat finnt Robin nich den Freden vör, den he söcht hett: Sien Vadder is ümbrocht, dat Familienslott is plünnert un daalbrennt un de Lännereen vun’n Sheriff vun Nottingham in Besitt nahmen worrn. De Sheriff hett utnütt, dat König Richard nich invt Land is un föhrt in de Tiet en gresig Regiment. Dat Volk warrt ünnerdrückt un uthungert: mit Help vun sien Vedder Guy vun Gisborne drifft he op brutale Wies hoge Stüern vun de Lüüd in.

Robin will natürlich de Ehr vun sien Vadder wedder herstellen un geiht gegen de Lüüd vun Gisborne un den Sheriff an. As se vör em utneihn mööt, finnt se in de Woolden üm Nottingham Schuul un Toflucht. Dor draapt se op en poor vagelfre’e Rövers un Gesettlose, de jem toeerst allns wegnehmen wüllt. Man se eenigt sik, vun wegen dat Robin un Azeem ok op de Flucht för Nottingham sünd. De Rövers weet nix af vun’t Kämpen, un so maakt Robin ut jem en slagfardige Grupp, de anfangt de Lüüd vun’n Sheriff un sien Anhangers mit viigeliensche Guerille-Attakcen un Överfäll antogriepen un uttoroven. De Büüt geevt so torüch an de Armen, de ünner den Sheriff so to lieden hebbt.

Man, blangen dat Geld kriggt Robin denn ok spitz, wat de wohren Afsichten vun Nottingham sünd: De will neemlich – so lang de König nich dor is – mit eenige troe Lords, de he mit sien Geld köfft hett, den Herrscher afsetten, üm sülvst de Herrschop över England an sik to rieten. Robin un sien Gesettlosen sünd för den Sheriff vun Nottingham en grote Plaag. He beslutt dorüm jem tonichten to maken un schickt jem keltische Söldners op’n Lief. De Gesettlosen warrt swor drapen un eenige vun jem sogor fangen nahmen. Se schüllt apentlich henricht warrn, üm den Wedderstand een för all molen to breken. Aver Robin gifft nich op, man gript mit Azeem un de letzten Kameraden den Sheriff in sien Slott an. Hier kann he em opletzt daalkämpen un sien Leefste Marian ut sien Gewalt befre’en. Sien Teel, för de Gerechtigkeit för’t engelsche Volk to kämpen kann he dörsetten, bit an’t Enn König Richard Löwenhart wedder torüch is.

Other Languages
srpskohrvatski / српскохрватски: Robin Hood: Prince of Thieves