Pierce Brosnan

Pierce Brosnan 2002

Pierce Brendan Brosnan, OBE (* 16. Mai 1953 in Drogheda, Irland) is en irischen Schauspeler. Bekannt worrn is he in de 1980er Johren mit de Feernsehreeg Remington Steele un vun 1994 af as föfften Dorsteller vun de Figur James Bond, den he bit 2002 veermol speelt hett.

Leven

De Öllern vun Pierce Brosnan hebbt sik scheden laten, as he twee Johre oolt weer. Brosnan hett dorophen afwesseln bi sien Grootmudder un bi sien Tante in Navan in’n County Meath leevt. Vun 1965 an leev he denn bi sien Mudder in London, woneem se as Krankensüster arbeiten de. [1] Eerste Insichten as Schauspeler kreeg he dör sien Schoolutbilln bi de irischen Christlichen Bröder. Af 1973 studeer he Theaterwetenschoppen an’t Drama Centre London. Üm sik to finanzeeren hett he balngento as Helpsmann vun’n Bühnenmanager an’t Royal Theatre arbeit. In’t dat sülve Johr hett de Dramatiker Tennessee Williams vun Brosnan höört un hett em för de Ooropföhren vun sien Stück Red Devil Battery Sign besett. Dorna harr he Optreden in Filumina un annere as ok lütte Statistenrullen bi’t Feernsehn.

Mit de Krimireeg Remington Steele keen sien internatschonalen Dörbrook. De Feernsehreeg is 1986 na de veerten Staffel instellt worrn as dat Problemen mit de Produzenten, aver ok mit de Partnersche vun Brosnan, Stephanie Zimbalist, geev. To de glieken Tiet weer Albert Broccoli, de Produzent vun de Bond-Reeg, op de Söök na en ne’en Hööftdorsteller weer. Brosnan weer de Rull toeerst andragen, man he künn nich annehmen, vun wegen dat he to’n Anfang vun’n Dreih vun The Living Daylights noch bi Remington Steel ünner Verdrag weer un de Produzenten em nu doch för en föffte Staffel hebben wulln. Vun disse föfften Staffel sünd denn aver doch blots noch söss Folgen dreiht worrn, so dat Brosnan de Rull also doch harr spelen künnt. An sien Steed is de Rull aver nu an Timothy Dalton geven worrn.

Twüschendör is he mit annere Filmen as The Fourth Protocol oder The Deceivers to’n Weltstar worrn. In de Johren 1992 un 1993 harr he mit de Filmen The Lawnmower Man un Mrs. Doubtfire ok kommerziellen Spood. 1994 hett he denn doch noch de Rull vun James Bond kregen den he veermol speelt hett. Dorneven hett he ok in annere spoodrieke Filmen mitspeelt.

Brosnan geev 2004 bekannt, dat he nich mehr för de Rull vun James Bond praat stünn. An sik schüll mit em noch en föfften Film dreiht warrn. Dat sülve Johr kreeg he de US-amerikaansche Staatsbörgerschop. 2008 weer he tosamen mit Meryl Streep in de Verfilmen vun’t ABBA-Musical Mamma Mia! to sehn.

Other Languages
Afrikaans: Pierce Brosnan
aragonés: Pierce Brosnan
العربية: بيرس بروسنان
asturianu: Pierce Brosnan
беларуская: Пірс Броснан
български: Пиърс Броснан
čeština: Pierce Brosnan
Ελληνικά: Πιρς Μπρόσναν
Esperanto: Pierce Brosnan
español: Pierce Brosnan
français: Pierce Brosnan
hrvatski: Pierce Brosnan
Հայերեն: Փիրս Բրոսնան
Bahasa Indonesia: Pierce Brosnan
italiano: Pierce Brosnan
Basa Jawa: Pierce Brosnan
қазақша: Пирс Броснан
Lëtzebuergesch: Pierce Brosnan
lietuvių: Pierce Brosnan
latviešu: Pīrss Brosnans
македонски: Пирс Броснан
Bahasa Melayu: Pierce Brosnan
Nederlands: Pierce Brosnan
português: Pierce Brosnan
română: Pierce Brosnan
русский: Броснан, Пирс
sicilianu: Pierce Brosnan
srpskohrvatski / српскохрватски: Pierce Brosnan
Simple English: Pierce Brosnan
slovenčina: Pierce Brosnan
српски / srpski: Пирс Броснан
Basa Sunda: Pierce Brosnan
Kiswahili: Pierce Brosnan
Türkçe: Pierce Brosnan
українська: Пірс Броснан
oʻzbekcha/ўзбекча: Pierce Brosnan
Tiếng Việt: Pierce Brosnan
მარგალური: პირს ბროსნანი
Bân-lâm-gú: Pierce Brosnan