Kelkblatt

Schema vun en Blöte mit Fruchtknotten unnen an: Kelkblöer (2) un Kroonblöer (3) sünd tosamen de Blötenhüll

En Kelkblatt oder Sepalum (Mehrtahl Sepalens oder Sepala) is en Blatt ut de buterste Blötenhüll. De gifft dat blot man in Blöten vun Planten, de to de Todecktsadigen torekent weert. All Kelkblöer tosamen weert Kelk oder Calyx nömmt. Vun Kelkblöer warrt blot bi „unlieke Blötenhüllen“ snackt, wenn de Blötenhüll updeelt is in Kelk un Kroon. Wenn all Blöer vun de Blötenhüll liek sünd, denn heet de Blötenhüll en Perigon.

Wie de Kelkblöer upboot sünd un wo se for tostännig sünd

Kelkblöer sünd meist groff un gröön. Normolerwiese sünd se, de Aart na, Loofblöer oder Hoochblöer. De Kelk hett de Upgave, de Blöte to schulen, so lang se noch en Knuppen is. Wenn de Knuppen wassen deit, denn wasst de Kelkblöer krumm up’nanner to un röögt sik gegensiedig an. Dör lüttje Tähne oder Haare oder dör en Schutzhuut sünd de Kelkblöer faken tohopen backt. Ehr Rand is meist een over’n annern schaven. So könnt de Blötendeele, de in de Knuppen wassen doot, noch beter schuult weern. De Kelkblöer stoht meist een gegen dat annere over, man bi wat ollerhaftigere Plantenfamilien könnt se ok spiralhaftig an’n Steel wassen. So is bi de Dilleniaceae oder ok bi de Bugönnjen. Man de Kelk kann siene Funktschoon ok ännern. So kann he, wenn de Frucht riep is, helpen, de Saat ut to streihen. Bi de Korfblomen is de Kelk ummuddelt to en Haarkranz, dat is de so nömmte Pappus. He kann an Deerter anbacken oder vun den Wind hoochböört un wegpuust weern. De Kelk kann avers ok de Funktschoon vun de Kroon overnehmen un sik dick maken un wat vorwiesen. Dat passeert meist blot, wenn de Kroon denn wat minner warrt, as bi de Proteaceae. Denn warrt de Kelk, as de Kroon (corollinsch). Bi de Bessenheid is dat ok so. Dat gifft en Reeg vun verwandte Plantengruppen, dor sünd de Kroonblöer un de Kelkblöer, mol mehr, mol minner, tohopenwussen. So is dat bi de Kaktusplanten (Cactaceae) oder bi de Bugönnjen (Paeoniaceae).

Other Languages
Afrikaans: Kelkblaar
العربية: كأس الزهرة
asturianu: Sépalu
беларуская: Чашалісцік
català: Sèpal
Cebuano: Hua'e
dansk: Bægerblad
Deutsch: Kelchblatt
dolnoserbski: Keluchowe łopjenko
English: Sepal
Esperanto: Sepalaro
español: Sépalo
eesti: Õietupp
euskara: Sepalo
estremeñu: Sépalu
فارسی: کاسبرگ
français: Sépale
Gaeilge: Seipeal
galego: Sépalo
עברית: עלי גביע
hornjoserbsce: Keluškowe łopješko
Bahasa Indonesia: Kelopak bunga
Ido: Sepalo
italiano: Sepalo
日本語:
Basa Jawa: Kelopak kembang
한국어: 꽃받침
Latina: Sepalum
lumbaart: Sépal
lietuvių: Taurėlapis
македонски: Чашкино ливче
മലയാളം: വിദളം
Bahasa Melayu: Sepal
norsk nynorsk: Begerblad
norsk: Begerblad
occitan: Sepal
português: Sépala
română: Sepală
русский: Чашелистик
Scots: Sepal
srpskohrvatski / српскохрватски: Čašica (botanika)
Simple English: Sepal
Türkçe: Çanak yaprak
українська: Чашолисток
Tiếng Việt: Lá đài
中文: 花萼