John Herschel Glenn

John Herschel Glenn (1962)
John Glenn in' Ruumanzug (1962)
Glenn wiels de STS-95-Mission (1998)

John Herschel Glenn, Jr. (* 18. Juli 1921 in Cambridge, Ohio, USA; † 8. Dezember 2016 in Columbus, Ohio, USA)[1] weer en ehmalger US-amerikaansch Marineinfanterist, Testpilot, Astronaut un US-Senator. He weer 1962 de eerste Amerikaner, de de Eer in en Ruumschipp ümflagen hett.

Leven

Glenn is 1943 dat United States Marine Corps bitreden un deen in' Tweeten Weltkrieg un later in' Korea-Krieg as Kampfleeger un bleev as Testpilot bi den Marines. In' Juli 1957 hett he en nee Geschwindigkeitsrekord upstellt, as he mit en Vought F8U-1P in dree Stünn un 23 Minuten vun Los Angeles nah New York flagen is, de eerste Transkontinentalfloog in Överschallgeschwindigkeit. (Dörsnittsgeschwindigkeit Mach 1,1).

Af April 1959 hett he för de NASA as Astronaut in' Rahmen vun dat Mercury-Programm arbeit. För de suborbitalen Flüüg vun Mercury-Redstone 3 un Mercury-Redstone 4 weer he Ersatzpilot un hett dorbi de Astronauten Alan Shepard un Gus Grissom, ünnerstütt, de he hulpen hett, in dat lütt Mercury-Ruumschipp intostiegen un letzte Tests dörführen dee. An' 20. Februar 1962 is he as Pilot an de Tipp vun en Atlas-Rakeet vun de Cape Canaveral Air Force Station in Florida ut to de Mercury-Atlas 6 Mission „Friendship 7“ start. He hett dormit as eerst Amerikaner de Eer dreemal umflaagen. De gesamte Mission düer veer Stünn, 55 Minüüt un 23 Sekunn.

Nah den Floog wurr Glenn to en amerikaansch Idol upbaut. Präsident John F. Kennedy pleeg en apenlichkeitswirksame Früendschap mit hüm, hett aber stillkens anördnt, dat Glenn kien wiedere Ruumflüüg maken drüff, um dat Leven vun dat Idol nich up't Speel to setten. 1964 hett Glenn de NASA verlaaten un wurr Geschäftsführer vun en Getränkefirma.[2]

1970 hett he bi de Wahl to'n Senator in den Senat vun de USA verloren, kunn aber 1974 de Wahl för sück entscheeden. 1980 wurr he mit groot Mehrheit wedderwählt, ebenso 1986 un 1992. Glenn hett de Interessen vun sien Heimatbundsstaat Ohio bit 1999 vertreden. 1984 hett he sück ahn Spood as Präsidentschapskandidat vun de Demokraatsch Partei bewurben.

Van' 29. Oktober bit 7. November 1998 weer Glenn in' Rahmen vun de Space-Shuttle-Mission STS-95 mit de Ruumfähre Discovery nochmals in' Weltruum. Kommandant vun dat Ünnernehmen weer Curtis Brown, Pilot weer Steven Lindsey. As Missionsspezialisten weern Scott Parazynski, Stephen Robinson un Pedro Duque ut Spanien an Bord. Chiaki Mukai ut Japan un John Glenn weern de Bruuklastspezialisten. Ditmal umkreis he de Eer 134-mal. Dorbi sull ünnersöcht wurrn, wu sück de Swoorlosigkeit up olt Minschen utwarken deiht. Mit 77 Johren hollt Glenn dormit den Rekord vun den öldsten Ruumfohrer in' Orbit as ok mit 36 Johren de gröttste Tietspann tüschen twee Ruumflüüg. Nah den Dood vun Scott Carpenter is he siet den 11. Oktober 2013 de eenzig noch leven Mercury-Astronaut.

An' 1. März 1999 wurr dat NASA John H. Glenn Research Center at Lewis Field nah hüm nömmt.

Other Languages
Afrikaans: John Glenn
العربية: جون غلين
asturianu: John Glenn
azərbaycanca: Con Qlenn
беларуская: Джон Глен
български: Джон Глен
bosanski: John Glenn
català: John Glenn
čeština: John Glenn
Cymraeg: John Glenn
dansk: John Glenn
Deutsch: John Glenn
Ελληνικά: Τζον Γκλεν
English: John Glenn
Esperanto: John Glenn
español: John Glenn
eesti: John Glenn
euskara: John Glenn
فارسی: جان گلن
suomi: John Glenn
français: John Glenn
Gaeilge: John Glenn
Gàidhlig: John Glenn
galego: John Glenn
עברית: ג'ון גלן
hrvatski: John Glenn
magyar: John Glenn
Հայերեն: Ջոն Գլեն
Bahasa Indonesia: John Herschel Glenn
íslenska: John Glenn
italiano: John Glenn
қазақша: Джон Гленн
한국어: 존 글렌
Lëtzebuergesch: John Glenn
latviešu: Džons Glenns
Malagasy: John Glenn
македонски: Џон Глен
मराठी: जॉन ग्लेन
Bahasa Melayu: John Glenn
Nederlands: John Glenn
norsk nynorsk: John Glenn
norsk: John Glenn
occitan: John Glenn
ਪੰਜਾਬੀ: ਜਾਹਨ ਗਲਿਨ
polski: John Glenn
português: John Glenn
română: John Glenn
русский: Гленн, Джон
Scots: John Glenn
srpskohrvatski / српскохрватски: John Glenn
Simple English: John Glenn
slovenčina: John Glenn
slovenščina: John Glenn
српски / srpski: Џон Глен
svenska: John Glenn
Tagalog: John Glenn
Türkçe: John Glenn
українська: Джон Гленн
Tiếng Việt: John Glenn
Winaray: John Glenn